TSX-V: nan $0,20 -$0,01 -4,76% Volume: 4.062 October 20, 2020

Navigation

PDAC 2015 Nersornaat

North American Nickel Inc. “Prospector and Developer of the Year 2015” Kalaallit Nunaanni oqartussaniit toqqarneqarpoq!

Prospector and Developers Association of Canada ataatsimiinnermi (PDAC) Marts 2015 tiguneqarpoq

Geologini qulllersaq Henrik Stendal (Aatsitassanut naalakkersuisoqarfimmit) Naalakkersuisoqarfimmit naapeqatigiinnermi oqalugiassutaata eqikkarnera.

Ukiut arfinillit kingulliit BMP (maannakkut Aatsitassanut ikummatissanullu Naalakkersuisoqarfik) Kalaallit Nunaanni “Prospector & Developer of the Year” nersornaammik tunniussivoq. Nersornaat suliffeqarfimmut imaluunniit inummut tunniunneqartarpoq, misissuinermi aallussulliuartumut, tunniusimanermik takutitsisumut, ineriartortitsisumut taamatuttaaq suliffeqarfinnut allanut Kalaallit Nunaanni misissuinermut aqqutissiuussisoq. Nersornaammut pisariaqaataapput aamma pinngortitamut mianerinninneq taavalu inuiaqatigiinnut akisussaassuseqarneq.

Ukioq manna Aatsitassaqarnermut Naalakkersuisoqarfimmit nersornaat North American Nickel-mut (NAN) tunniunneqarpoq, ukiuni sisamani Kalaallit Nunaanni sunniuteqarluarsimasoq, akuersissutaa 15. August 2011 tunniunneqarmalli. Akuersissuteqarfik, Maniitsoq Noriteqarfik, siornatigut misissuiffiusut ilagisimavaat ukiuni 1962-2000. NAN 2011 aamma 2013-mi 6.718 narlortumik kilometerinik qulimiguulimmik SkyTEM/VTEM misissuinerni timmiffigisimavaa, 891 kvadratkilometeriusumi. Misissuinerit sukumiinerusimapput Noriteqarfimmi 75 km x 15 km annertussusilimmi.

2012 qillerinissamut pilersaarummi putut qulingiluat naammassineqarput katillugu 1.551 m sumiiffinni pingasuniittuni (Spotty Hill, Imiak Hill aamma Fossilik II). 2013 qillerinissamut pilersaarummi putut nutaat 25 naammassineqarput katillugu 4.266 m. Sulfidinik annertuunik aqqusaarneqarsimapput Imiak Hill, Mikissoq (siornatigut Imiak North), Fossilik, naggataatigullu Spotty Hill-mi.

2014 qillerilluni pilersaarutip imarivaa 8.773 m diamantimik qillikkani 39-ni agguataaqqasuni Imiak Hill Ataatsimoorfimmi aamma 22 misissuiffissami putut misissugassat (3.725 m) qillerlugit misilittarneqarput geofysiskimik 14-nik Maniitsoq-sumiiffimmiittut.

North American Nickel niuerfigineqartarpoq TSX Ventrure Exchange-mi ilisarnaatilimmik NAN. VMS Ventures Inc. (FOS:tsx.v) North American Nickel 22%-a pigivaa aamma The Sentient suliffeqarfissuaq 41,2%-a.

NAN sinniisua, Siulersuisuni siulittaasoq Mark Fedikow, aatsitassanut naalakkersuisuminngaanniit nersornaammik tunineqarpoq.

Nersornaat tunniunneqartoq ukkusissamik ilusiliaq allaqqasoq: »Prospector og Developer of the Year i Grønland 2015 - North American Nickel Inc., tunniussisuusoq Kalaallit Nunaata, Aatsitassaqarnermi Naalakkersuisoqarfia«.

Assit Katersukkat

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4