TSX-V: nan $0,23 +$0,01 +4,65% Volume: 1.500 November 26, 2020

Navigation

Condor Consulting North American Nickel-ip Kalaallit Nunaanni SkyTEM atorlugu misissuinerani QA/QC nassuiaanernik suliaqarpoq

September 14, 2011

Vancouver, Britisk Columbia - (Marketwire – 14. September, 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") matumuuna nalunaarutigaa, at det benytter sig af Condor Consulting Inc-ip silaannakkut elektromagnetik-ip iluani suliassaqarfimmi immikkut ilisimasallit akuerisaasut sulisui, Kalaallit Nunaata kujammut kippasissortaani Maniitsumi kisermaassisussaatitaalluni suliassami 100%-imik pigineqartumi, QA / QC-mik aamma Ingerlatseqatigiiffiup SkyTEM atorlugu qulimiguulimmik EM-ianik aamma kajungerisaqarneranik misissuinerinik pisariusunik nassuiaanernik sullissisut. Misissuineq sapaatip akunnerata matuma naalernerani aallartissasoq pilersaarutigineqarpoq, aammalu SkyTEM Surveys ApS-imit suliarineqassalluni. SkyTEM suliffeqarfiuvoq danskinit pigineqartoq Kalaallit Nunaanni misilittagaqartuusoq, aammalu qulimiguulimmik TEM aamma kajungerisaqarneranik misissuinernik suliaqarnermik nassuiaanermillu immikkut ilisimasaqartuusoq.

NAN-ip tusagassiuutitigut nalunaarutaanit ulloq 12. september 2011-imeersumi nassuiarneqartutut, Maniitsumi suliassaq qaffasissumik akuissuseqartunik nikkelinik-kanngussannik sulfid-inik aatsitassannguussimasunik noritiske intrusiv-inut atasunik amerlasoorpassuarnik peqarfiuvoq. Sumiiffiit maannakkut misissuinermi ilaatinneqarut 1995-imi GeoTEM-imi periaaseq atorlugu suluusalimmik timmisartorfigineqarput, kisianni EM-imi nalinginnaasuunngitsut ikittuaraannaat paasineqarlutik. NAN isumaqarpoq SkyTEM-imi periaaseq nunami qutaarluusumi Maniitsumi suliassami ilisarnaataasumi nikkelinut-kanngussannut sulfid-eqarfinnut assigiissaanngitsumik iluseqartunut tunngatillugu nalinginnaasuunngitsunik sumiissusersiinissamut pitsaanerujussuarmik naleqquttuusoq. Condor Consulting-ip pisussanut pilersaarutip pilersaarutigineqartup tamakkiisumik nassuiaasiorneranik misissueqqissaarfigineqarneranillu NAN ikiorniarpaa.

Ingerlatseqatigiiffiup maannakkut suliffeqarfimmik ilisarititsinera Toronto-mi nittarsaassinermi atorneqartoq, ilanngullugu Maniitsumi suliassaq pillugu paasissutissat nutaat, maannakkut ingerlatseqatigiiffiup nittartagaanut ikkunneqarsimalerput. Ilisarititsineq takuniarlugu, linki una atoruk: http://northamericannickel.com/Theme/NAN/files/docs_presentation/TorontoConferenceSept2011.pdf.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4