TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel Inc: Maniitsumi suliassami, Kalaallit Nunaata kujammut kitaaniittumi qulimiguulimmik SkyTEM atorlugu elektromagnetiskimik aamma kajungerisaqarneranik misissuinermi sumiiffiit nalinginnaasuunngitsut 25-it paasineqarput

December 6, 2011

Vancouver, Britisk Columbia - (Marketwire – 6. december, 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel ("NAN") matumuuna nalunaarutigaa, qulimiguulimmik Time Domain elektromagnetiskimik (TEM) aamma kajungerisaqarneranik misissuinerni, Ingerlatseqatigiffiup Maniitsumi suliassaata ilaani toqqartorneqartuni oktobarimi timmiffigineqartuni sumiiffiit nalinginnaasuunngitsut 25-it paasineqartut.

Siunnerfinnit taakkuninnga arfineq marluk annertuumik pingaartinneqarput, aammalu tassaallutik nalinginnaasuunngitsut ilisimaneqanngitsut 850 meterisut takissuseqartut norit-it ersiinnartut eqqaanniittut, ujaqqat suussusaat Maniitsup eqqaani nikkelinut-kanngussannut aatsitassannguussimasunut qaffasissumik akuissuseqartunut atasuusut. Nalinginnaasuunngitsut suli allat 11-it akunnattumik pingaaruteqartinneqarput. Misissuineq pillugu paasissutissat erseqqinnerusut immikkoortuni matuma kinguliiniittuni takuneqarsinnaapput. Sumiiffik misissuiffigineqartoq Maniitsumi kisermaassisussaatitaalluni aatsitassarsiorluni misissuinissamut akuersissutip 100%-imik pigineqartup nunaminertaata tamarmiusup 8%-ianik annertussuseqarpoq.

NAN-ip ujarassiuuisa pisortaat John Pattison oqarpoq: "Maniitsumi siusinnerusukkut aatsitassarsiorluni misissuineq, nunap qaavani sulfid-it nikkelinik qaffasissumik akuissuseqartunik nassaarnermik iluatsitsiviuvoq, kisianni aatsitassannguussimasut itinerusumiittut EM atorlugu nalinginnaasuunngitsunik amigaateqarnermit ajornakusoortinneqarsimallutik. 2011 SkyTEM atukkatta inernera siumut alloriarneruvoq annertooq, pissutigalugu taassuma takutimmagu qulimiguulimmik TEM atorlugu misissuinerit nutaaliaasut EM atorlugu nalinginnaasuunngitsunik siusinnerusukkut geofysiskimik misissuinerni nassaarineqarsimanngitsunik, annertoorujussuarnik sumiissusersiisinnaasut. Tamatuma siusinnerusukkut tassani annertoorsuarmik nikkelitaqartumi aatsitassarsiorluni misissuinernut suliaqartuusartut pissariarisinnaasimanngisaannik, NAN sakkortuumik sakkussaqalersippaa.”

2012-imi qillerinissanut piareersaatitut, NAN-ip SkyTEM atorlugu nalinginnaasuunngitsuni software 3D-it ikiorsiullugit pisuusaartitsinernik suliaqarnissaq siunertarisimavaa, taamaalilluni inissisimaffia eqqoqqissaartoq aammalu allanngorarneri erseqqinnerusumik misissorneqarsinnaassallutik. NAN aamma qulimiguulimmik TEM atorlugu uuttortaanernik suli allanik suliaqarnissamik pilersaaruteqarpoq, tassami maannakkut SkyTEM atorlugu misissuinerni NAN-ip ataatsimut katillugu 4841 km2-inut kisermaassilluni aatsitassarsiorluni misissuinissamut akuersissutaanit taamaallaat 8%-it misissuiffigineqarput.

Nunap assinga sumiiffiup misissuiffigineqartup inissisimaffianik aammalu elektromagnetiskimik (EM) nalinginnaasuunngitsunik takutitsisoq matuma kinguliani takuneqarsinnaavoq aammalu nittartakkami pissarsiarineqarsinnaalluni (www.northamerciannickel.com).

Misissuinerit SkyTEM ApS-imit Beder-imi Danmark-imiittumi suliarineqarput, nassuiaaneq Condor Consulting-imit Lakewood, Colorado-miittumi isumagineqarluni.

SkyTEM Survey Sukumiisortai
Misissuinermut tunngaviusoq

Siusinnerusukkut tusagassiuutitigut nalunaarutini oqaatigineqartutut, NAN-ip aatsitassarsiorluni misissuinissamut pisinnaatitsissutaa nikkelinik-kanngussannik qaffasissumik akuissuseqartunik sulfid-inik aatsitassannguussimasunik noritiske intrusioninut akuliussimasunik arlalippassuarnik imaqarpoq. Aatsitassannguussimasut 1960-ikkunni aamma 70-ikkunni paasineqarput, aammalu qillerilluni qulluinerit annertuut, aatsitassannguussimasuni toqqaannartumik qillerlugit putuliani ikkattuni, nunap qaavanut qanittumiittut nassaarineqarput (assersuutigalugu Fossilik II-imi 12.89 meterit 2,24%-imik Ni-taqartut aamma 0,63%-inik Cu-taqartut). Sumiiffiup ilarujussua 1995-imi suluusalimmik TEM-imi periaaseq atorlugu qulaavaallugu timmisartorfigineqarsimavoq, kisianni nalinginnaasuunngitsut EM annikitsuinnaat paasineqarlutik, taamaattumik malitseqartitsilluni qillerinernik suliaqartoqarsimanani. NAN-ip paasisat 1995-imeersut nalilersoqqippai aammalu paasillugu pisussanut pilersaarutip annertunersaani qaffasissorujussuarmik qutsissuseqarluni kiisalu aatsitassannguuttunut naleqqiullugu isikkiviluttumik timmisartumik qulaavaaneqarsimasoq. Taamaalilluni NAN inerniliivoq EM nalinginnaasuunngitsut annertoorujussuit, nikkelinik-kanngussammik sulfid-imiittunut assigiinngiaartunut akuliussimasut, takunngitsoorneqarsimasinnaanerat annertuumik periarfissaqartoq. NAN aamma inerniliivoq nikkelinik-kanngussammik akoqartut 1995-imi misissuinermi paasineqarsimanngitsut, qulimiguulimmik TEM-imi periaaseq nutaaliaasoq atorlugu paasineqarsinnaassasut.

Sumiiffiit North American Nickel-imit misissuiffigineqartut
Oqaluttuarisaanermi aatsitassarsiorluni misissuinernik naliliinerit aamma sivikitsumik asimi misissuinerit aallaavigalugit, misissuiffiusussat (Blokkit) marluk, tamarmik pisinnaatitsissuteqarfiup avannaatungaani inissisimasut 2011-imi uuttortaaviusussatut toqqarneqarput.

Blok 1 352 km2-inik annertussusilimmiippoq aammalu norit-intrusion annertunersaat kiisalu sumiiffimmi pisinnaatitsissuteqarfimmi nikkeleqarfik annertunerpaaq tassaniillutik. Intrusion-init periarfissaqarfiusunit arlallit kajungerisaqartunik ilisarnaateqarlutik immikkuullarissuseqarput. Ilisarnaataasunik taakkuninnga nunap assiliornerup paasinarsisippaa, nunap qaavani takussaasuniit sumiiffimmi annertuunik norit-imik qaarsoqarsinnaasoq arlalinnik.

Blokki tamaat 200 meterinik portussusilimmi timmisartorfigalugu 145 gradinik sammivilimmik titarnerit sinerlugit timmiffigineqarpoq. Nalinginnaasuunngitsunik annertuunik peqarsinnaanera paasineqaraagat, titarnerit ungasissusaat 100 meterinut annikillisinneqartarput. Titarnerit attaveqarfiusut, misissuinerup sammiviani teqeqqorissumik sammitillugit, 2 km-inik ungasissusilinnik timmiffigineqarput. Titarnerit suli allat sumiiffiit marluk (Imiak Hill aamma Fossilik II) qulaavaallugit misissuinermi teqeqqorissumik timmiffigineqarput, tassani qillerummik putusinerit annertuut nikkelsulfid-itaqartut siusinnerusukkut nassaarineqarlutik. Titarnernit taakkunannga paasissutissat nalunaarsukkat kiisalu misissuinermi titarnerit assigiissaartut, aatsitassannguussimasunik 3D-nik ilusilianik suliaqarnermi iluaqutaassapput.

Blok 2-imi 21 km2-isut annertussusilik ilaavoq aammalu norit-intrusion avannamut kangimuinnaq sammisoq Pingo-mik taagorneqartoq, 4 km-init annertunerusumik isorartussuseqartumi ersiinnartoq, tassani qitiutinneqarluni. 1 m2-init annikinnerusumit 100 m2-it sinnerlugit isorartussusilimmi sumiiffiit manngertornisimasut akuttunngitsumik takussaapput, aammalu magnetkis-inik kiisalu sumiiffinni kanngussassanik annikitsuaraangajuttunik akoqarluni. Putoq ikkattoq (61,88 m) qulaarneqartup qeqqata qanittuani 1970-imi qillerneqarpoq aammalu 4,16 meterinik akuttussusilik annikitsumik sulfid-inik aatsitassannguussimasunik 0,58%-inik Ni-inik aamma 0,24%-inik Cu-inik akoqartoq akimorneqarluni. Taanna intrusion-ini qillerinerni nalunaarsorneqarsimasuni kisiartaavoq.

Blokki 100 meterinik titarnerit ungasissuseqartillugit 150 gradinik sammiveqartumik titarnerit sinerlugit timmisartumik qulaavaaneqarpoq. Titarnerit aqqutaasussat 1-miit 2 km-isut akuttussuseqartillugit misissuiffiup titarnerinut teqeqqorissunngorlugit timmisartumik qulaavaaneqarput.

Paasisat
Blok 1

Blok 1-imi nalinginnaasuunngitsut 17-it paasineqarput. Taakkunannga arfinillit annertuumik pingaartinneqarput, arfineq marluk akunnattumik aammalu sisamat annikitsumik pingaartinneqarlutik. Nalinginnaasuunngitsut qaffasissumik pingaartinneqartunit pingasut, nikkel sulfid-inik aatsitassannguussimasunut siusinnerusukkut qillerneqartunut assigupput (Imiak Hill, Fossilik II aamma Quagssuk). Ilimanarpoq Fossilik II aamma Quagssuk naammattumik qillerinermi misileraavigineqarsimasut, kisianni Imiak Hill-imi (EM target B1-J) aatsitassannguuttut itisuumut ingerlaqqittuusinnaanerat periarfissaqarpasippoq. EM nalinginnaasuunngitsunik sukumiisumik 3D-inik piviusuusaartitsinerit, Imiak Hill-imi aatsitassannguussimasut ilusaasa sammiviisalu aalajangernissaannut iluaqutaasinnaapput.

Nalinginnaasuunngitsut qaffasissumik pingaartinneqartut sinneruttut pingasut aamma Blok 1-imi akunnattumik pingaartinneqartut arfinillit ilisimaneqarpasinngillat. Nalinginnaasuunngitsunit taakkunannga tallimat (B1-B til B1-F) kajungerisaqartumik ilusilinnut, norit-eqarfimmut annertoorsuarmut 2,4x1,1 km-isut annertussuseqartumut tunngasuusutut ilimanaateqartumut, atasuupput. Norit-it ersiinnartumiittut B1-B nalinginnaasuunngitsut eqqaanni siusinnerusukkut suliaqartuusunit takuneqarput, taakkualu 850 meterit missaannik isorartussuseqarput.

Blok 2
Nalinginnaasuunngitsut arfineq pingasut Blok 2-imi nassaarineqarput, kisianni ataasiinnaq, B2-D, qaffasissumik pingaartinneqarpoq; sinneruttut, B2-H eqqaassanngikkaanni, EM nalinginnaasuunngitsunik, nunap qaavata qisuariarneranik pissuteqarunartumik, sakkukitsunik akoqarput. Nalinginnaasuunngitsut B2-H sakkortuunik pingasunik, kisiannili pitsaanngitsumik nassuiarneqartunik EM nalinginnaasuunngitsunik akoqarpoq, kangerluup sinaa sinerlugu inissisimallutik aammalu erngup tarajoqartup akuliussimanera pissutaasoq ilimanarluni.

Nunap assinga ilanngunneqartoq takuniarlugu linki una atoruk:

2011 SkyTEM atorlugu sumiiffik misissuiffiusoq: http://media3.marketwire.com/docs/SkytemSurvey.jpg

SkyTEM Flight Blok 1: http://media3.marketwire.com/docs/Block1.jpg

SkyTEM Flight blcok 2: http://media3.marketwire.com/docs/Block2.jpg

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4