TSX-V: nan $0,23 +$0,01 +4,65% Volume: 1.500 November 26, 2020

Navigation

North American Nickel Inc.-ip Ingerlatseqatigiiffiup Post Creek-imi, North Range, Sudbury Basin, Ontario-miittumi suliassaani nunap qaavani qaleriiaani itisuumiittumi nunap qanoq sananeqaateqarneranik uuttortaanerit InfiniTEM aallartippai

June 2, 2011

Vancouver, Britisk Columbia - (Marketwire – 2. juni 2011) - North American Nickel Inc.-ip (TSX VENTURE: NAN) (OTCBB: WSCRF) (CUSIP: 65704T 108) Sudbury Post Creek-imi suliassamini pingaarnermi nunap qanoq sananeqaateqarneranik misissuinernik nutaanik aallartitsinini matumuuna nalunaarutigaa. Sumiiffik Quadra-FNX-ip Podolsky-mi kanngussammik-nikkelimik-platineqatigiinnik aatsitassarsiorfiata tunisassiorfiusup avannamut kangiani 1,5 km-isut ungasissusilimmiippoq, aammalu Whistle Offset-imi nunap ilusaani Podolsky-p aatsitassarsiorfiata sumiiffianut uiggiulluni inissisimalluni. North American Nickel-ip suliassap pissarsiarineraniilli suliassami tassani misissuinini aalluppaa, aammalu qanittumi aatsitassarsioruni misissuineq, nunap qanoq sananeqaateqarneranik misissuineq aamma geokemiske-mik misissugassanik tigusisarnermut pilersaarutini malillugu suliaqarnini naammassillugu.

Abitibi Geophysics-ip Post Creek-imi InfiniTEM nunap qaavani nunap qanoq sananeqaateqarneranik misissuinerit ingerlanniarpai. Misissuinissamut piareersaatitut titarnernut qassutaasat 35-km-isut annertussuseqartut uuttortarneqarput, taakkunani sumiiffimmi aatsitassarsiorluni misissuiffiusussatut soqutiginaateqartut tamaasa matussuserneqarlutik. Misissuinerup naammassinissaanut ullut 8-it missaanni atorneqassapput, aammalu paasisat naammassereernerup kingorna qaammatip ataatsip iluani pissarsiarineqassasut naatsorsuutigineqarpoq.

Misissuinermut siunertaavoq Post Creek-imi allaanerussuteqartunik nunap qaavaniit 400 meterinik itissusilimmut Whistle Offset-imi nunap ilusaanut attuumassuteqartumut nalilersuinissaq, kiisalu nunap qaavani nunap qanoq sananeqaateqarneranik misissuinermit aamma aatsitassarsiorluni misissuinermik ingerlatanit, ingerlatseqatigiiffiup qaammatini kingullerni ingerlassimasaannit paasisanik sanilliussinissaq. Peqarfik immikkuullarissoq nalinginnaasumik qupinnguallannartumik kajungerisaqartumillu ilisarnaateqarpoq.

North American Nickel-imi pisortaq aamma COO. Mark Fedikow oqarpoq: "InfiniTEM-imi misissuineq sumiiffiup qiterpasissortaanni itinerusumi, ”Beep Mat” atorlugu nunap qaavani misissuinerit aamma / imaluunniit oqaluttuarisaanermi nunap qanoq sananeqaateqarneranik misissuinerit ikiorsiullugit paasisaqarfigisinnaanngisatsinni, misissuinissamut ilusilersugaavoq. Nunap qaavanut qanittumi ujarassiornermi, nunap qanoq sananeqaateqarnerani aamma geokemiske-mik qillerinermi siunnerfiusut arlallit paasinarsisinnissaat iluatsitsivigaarput, aammalu maannakkut Post Creek-imi siunnerfiit itinerusumiittut nassaarinissaannut ikiortissatsinnik sakkussaqalerpugut."

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut.

Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4