TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel Inc.-ip Ingerlatseqatigiiffiup Post Creek-imi suliassaani, North Range, Sudbury Basin, Ontario-miittumi nunap qaavani siunnerfiit nassuiarpai

June 9, 2011

Vancouver, Britisk Columbia - (Marketwire – 9. juni 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108).

Ilisarititsineq

Post Creek-imi suliassaq North American Nickel-ip Sudbury-mi Ontario-miittumi suliniutaavoq ilisimaneqalissutaasussaq aammalu aatsitassarsiorluni pisinnaatitsissutit ataqatigiissut 35-it tassaniillutik aamma ataatsimut katillugit 688 hektarinik annertussuseqartumik nunaminertaqassasoq tassungarpiaq tunngasumik piumasaqaateqarfiulluni.

Suliassaq Projektet Whistle Offset Dyke-p nunataata ilusaanut uiggiulluni taanna sinerlugu inissisimavoq, Sudbury Basinnet-ip ilaani tassani Ni-Cu-PGM-inik aatsitassannguussimasunut ujarassiornikkut annertoorujussuarmik nakkutiginnittoqarluni. Pisinnaatitsissutit Podolsky-mi aatsitassarsiorfimmit, Quadra FNX Mining-imit pigineqartumit, kanngussammik,nikkelimik-platin-inik tunisassiortumit 2 km-init qaninnerusumi inissisimapput. Podolsky North kanngussaqarfik-aatsitassanik erlinnartunik peqarfik aamma Whistle Offset-ip nunataata ilusaaniippoq, aammalu Vale-p siusinnerusukkut Whistle-mi kanngussannut-nikkelinut-PGM-inut aatsitassarsiorfianut qanittumik atasuulluni (5,7 millioner tonsit 0,33%-inik Cu-taqartoq, 0,95%-inik Ni-taqartoq aamma 3,77 g/t-inik (0,11 unser ton-imut ataatsimut) ataatsimoortunik platin-inik aatsitassartaqartoq "TPM").

Malugiuk: Nalunaarummut matumunnga atatillugu nunap assinga takussutissiisoq takuniarukku link-i manna atoruk: http://media3.marketwire.com/docs/nan0609a.pdf.

North American Nikkel aamma Halcyon-imi aamma Whistle Offset-ip nunataata ilusaanut uiggiulluni, Post Creek-ip avannamut kangiatungaani inissisimasumi, pisinnaatitsissuteqarfimmi salliusussaatitaavoq.

Nunap qaavanut qanittumiittuni qillerinermi siunnerfinnut nassuiaassut: North American Nickel 2009-ip naalernerani pissarsinermiillu suliassami geofysiskimik aamma ujarassiornikkut misissuinernik suliaqarsimavoq. Paasisat NI 43-101-mut nalunaarusiamut Dr. Walter Peredery-mit allanneqartumut tunngaviusunut ilaatillugu ataatsimoortinneqarput nassuiarneqarlutillu .

North American Nickel Post Creek-imi ”Beep Mat” ikiorsiullugu nunap qaavani geofysisimik misissuinernik annertuunik suliaqarsimavoq, taakkua maskiinat atorlugit nunap qaavani issumik piiaanermik, qaarsumik ersertumik errortuinermik kiisalu aatsitassartaqartunik kaanngarsimasunik chip-imut toqqukkanik misissugassanik tigusinernik ilaqartinneqarlutik. ”Beep Mat”-imik atuineq, nunap qaavanut qanittumi elektromagnetiskimik aamma kajungerisaqartumik uuttortaanermut sakkumik atuineq, nunap qaavani issup annikinnera pissutigalugu Post Creek-imi atoruminarpoq. Taanna nalinginnaanngitsut paasineqarpata ajornaatsumik assaanneqarsinnaavoq, tamatumalu kingorna aatsitassartaqartut kaanngartut misissugassanik tigusiffigineqarsinnaallutik. Taamaaliornermi ujaqqat nunap qaavanit matuneqarsimasut sukkasuumik, sunniuteqarluartumik akikitsumillu misissugassanik tigusiffigineqartarput.

”Beep Mat” atorlugu misissuinerit sumiiffimmi tamarmi immikkut Whistle Offset-imut uiggiunnera aallullugu atorneqarput. Paasisani ujaqqanit misissugassani Whistle Offset-imi nunap ilusaa sinerlugu ”Beep Mat”-imi nalinginnaasuunngitsut akornanni katersorneqartunit misissoqqissaarneqartut qaffasissumik akuissuseqartut ilaatinneqarput. Misissueqqissaarnerit inerneri ulloq 10. januar 2011 tusagassiuutitigut nalunaarummi nalunaarutigineqarput, aammalu kanngussammut 15% tikillugu, kuultimut ton-imut ataatsimut 29 grammiusumut aamma Ag-mut ton-imut ataatsimut 18,7 grammiusumut tunngallutik.

Nunap qaavani siunnerfiit nassuiarneqartut ilusiliaq 2-imi aamma takussutissiami matuma kingulianiittumi nassuiarneqarput.

Qillerinermi siunnerfinnut itisuumiittunut nassuiaassut: Abitibi Geophysics maannakkorpiaq Post Creek-imi ulloq 2. juuni 2011 nalunaarutigineqartutut, itisuumi nunap qaavaniit geofysiskimik misissuinermik suliaqarpoq (http://northamericannickel.com/News/Press-Releases/Press-Release-Details/2011/North-American-Nickel-Inc-Initiates-InfiniTEM-Deep-Looking-Ground-Geophysical-Survey-on-its-Post-Creek-Property-North-Range-S/default.aspx). Misissuinermi tassani siunnerfiit aatsitassartaqartut nunap qaavani misissuinermi paasineqarsinnaasimanngitsut paasiniarniarlugit. Post Creek-ip sumiiffiata ilaanni 100 meterinit itinerusumi nalinginnaanngitsunik misissuisoqarpoq. Misissuinermi suliniuteqarfiit ilusiliaq 2-imi aamma takussutissiami matuma kingulianiittumi nassuiarneqartut tamarmik ilaatinneqassapput.

Post Creek-imi suliniuteqarfiusut
Ulloq manna angullugu misissuinermi siunnerfiusut takussutissiami matuma kingulianiittumi aammalu ilusiliaq 2-imi takutinneqartuni eqikkarneqarput. Takussutissiami siunnerfiit Whistle Offset dyken-imut tunngasut, aamma ujaqqani qaqqanit anitsinermeersuni siunnerfiit, nalinginnaasumik aatsitassatut manngersutut sulfid-itut ittutut aatsitassannguussimarpasittut imaluunniit VMS-itut ittumik periaasiorpasittut immikkoortinneqarput. Aasaq manna North American Nickel siunnerfinni ikkannerusuniittunut (100 m inorlugu) aamma itinerusuniittunut (100 m-init itinerusumiittut 400 m tikillugu) qilleriniarpoq.

SULINIUTEQARFINNUT TAKUSSUTISSIAQ

Aatsitassarsiorluni misissuinermi qillerinermut siunnerfiusunut Post Creek-ip sumiiffiani 100 meterinit ikkannerusumiittunut takussutissiaq. Sumiiffimmut nunap assinga ilusiliaq 2-imi takuneqarsinnaavoq.

Uuttortaanerup suussusaa Ilisarnaatit
A Whistle Offset Sakkortuumik akiuussinnaassuseqarneq /
innaallagissamik aqqutigiuminarluni
iluseqartoq; oqaluttuarisaanermi qillerlugit
putuliani kanngussassaq
siammarsimasoq.
B VMS-Type System aakkunaniinnaq
akiuussinnaassuseqarluni iluseqartoq;
qillerisoqassanngilaq.
C Whistle Offset Avannamut kangimut narlumuinnaq
silaannakkoortumik allaassuteqartoq
VYTEM assingusumik kajungerisaqartoq;
aamma innaallagiamik aqqutigiuminartoq
/ akiuussinnaassuseqarluni iluseqartoq;
qillerisoqassanngilaq.
D VMS-Type System Silaannakkoortumik allaassuteqartoq
VTEM naatsumik isorartussuseqarluni
aammalu annikitsumik
kajungerisaqartumik ilisarnaateqarluni;
oqaluttuarisaanermi
qillerisoqarsimanngilaq.
E VMS-Type System Siunnerfiusut Post Creek-ip aamma
Halcyon-ip sumiiffiisa akornanni
agguarsimapput; silaannakkoortumik
nalinginnaanngitsut EM arlallit; ilai
misilerarneqaratik.
F Whistle Offset Oqaluttuarisaanermi najoqqutassatut
siunnerfiit; offset dyke
qitiutinneqarsinnaasoq ilimanarpoq;
paasissutissat annikitsuaraannaat
G Sedimentær NV-mi ingerlaavartumik IP
nalinginnaasuunngitsoq;
qillerisoqassanngilaq; kanngussassat-
pyrit siammarsimasut; "Copper Mountain"

Nassuiaat: Takuniarukku link-i una atoruk". Ilusiliaq 2. Post Creek-imi qillerinermi siunnerfiit akuutitsiviusumik ujarassiorneq, geofysik aamma geokemi aallaavigalugit:" http://media3.marketwire.com/docs/nan0609b.pdf.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4