TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel Inc.-ip aningaasanik $ 3,2 mio-inik nuussineq namminersortunit ingerlanneqartoq matuvaa; maannakkut TSX Venture Exchange-imi niuerutigineqalerpoq

May 30, 2011

Vancouver, Britisk Columbia - (Marketwire – 30. maj, 2011) - North American Nickel Inc.-ip (TSX VENTURE: NAN) (OTCBB: WSCRF) (CUSIP: 65704T 108) matumuuna nalunaarutigissavaa Ingerlatseqatigiiffiup ulloq 3.maj, 2011 nalunaaruteqarnerminut tapiliullugu, katillugit immikkoortunut 11.000.000-inut immikkoortoq ataaseq $ 0,20-inik akeqartillugu, aammalu aktiaatit akileraarutini ilanngaatigineqarsinnaasut 4.545.463-it aktia ataaseq $ 0,22-inik akeqartillugu, namminersortunit ingerlanneqartumik aningaasanik nuussineq $ 3.2 mio-inik ilanngaasiinnginnermi iluanaarutitaqartoq, ingerlatseqatigiiffiup matugaa.

North American Nickel maannakkut TSX Venture Exchange-mi "NAN"-imik nalunaaqutserneqarluni niuerutigineqalerpoq. Piginneqataassutit ataasiakkaat tamarmik tassaapput ingerlatseqatigiiffimmi aktia nalinginnaasoq aammalu aktiaatinik pisinissamut salliusussaatitaaneq ataaseq ("salliusussaatitaaneq" ataaseq). Salliusussaatitaanerit ataasiakkaat tamarmik, "Iliuuseqartitsisussamik pisoqarnerani" siusinnerusukkut atorunnaarsimanngikkunik, qaammatini 18-ini atuutissapput; Salliusussaatitaanerit ataasiakkaat tamarmik pisisumut aktiamik tapiliussassamik ataatsimik (1) aktia ataaseq $ 0,35-inik akeqartillugu pisinissamut pisinnaatitaaffiliipput. Iliuuseqartitsisussamik pisoqarnera ("Iliuuseqartitsisussamik pisoqarnera"), pilertarpoq, ingerlatseqatigiiffiup aktiaataannut nalinginnaasunut tunngatillugu TSX Venture Exchange-mi matusinissamut akigititaq, piffissami aningaasanik niuerfiup ammaffiini ulluni 20-ini malittuinnarni, aktiamut ataatsimut $ 0,50-inik annerusimappat. Sukkulluunniit matusereernerup kingorna ullunit 120-init sivisunerusumik Iliuuseqartitsisussamik pisoqartillugu, ingerlatseqatigiiffiup Iliuuseqartitsisussamik pisoqarnerani taamaattumi kingusinnerpaamik ullut 10-it qaangiunneranni (kisianni taamaaliornissamut pisussaaffeqarani), tusagassiuutitigut nalunaaruteqarluni piginnittunut ullut 30-it sioqqullugit nalunaaruteqarnermini pisinissamut salliusussaatitaanerup sivisussusaa sivikillisinnaavaa, taamaattoqarnerani pisinissamut salliusussaatitaanerit, tusagassiuutitigut nalunaarutip tusarliunneqarneranut ulluliussamit ullut 30-it iluanni atorunnaassallutik.

Finders fee aktiaatinik tunisinermut iluarsisamut atatillugit akilerneqarput, aammalu tassaallutik 23.590 dollars (aningaasanngorlugit), aktiaatit 126.000-it aamma ataatsimoorluni aktiaatinik pisinissamut piginnaatitaaffiit 243.950-it.

Finders fee-mut atatillugu salliusussaatitaaffiit piginneqataassutini pineqartunut ilaasuni Pisinissamut salliusussaatitaanerup assinganik atugassaqartitsiviupput.

Pappiaqqat nalillit tunisinermut iluarsisamut atatillugu tunniunneqartut tamarmik inatsisini aalajangersagaasunik 24. september, 2011 atorunnaartussanik malinniffiusussaapput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq: North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4