TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel Inc. piumasaqaatitaqartumik TSXV-nik aningaasanik niuerfimmi allattuiffimmit tigusaqarpoq; $ 3 millionit angullugit iluanaarutinik nuussinerit namminersortunit ingerlateqqinneqartut marluk aallartippai

May 3, 2011

Vancouver, Britisk Columbia - (Marketwire – 3. maj, 2011) - North American Nickel Inc. (OTCBB: WSCRF) (CUSIP: 65704T 108, "Ingerlatseqatigiiffik") matumuuna nalunaaruteqarpoq, ingerlatseqatigiiffiup allassimalernissamik qinnuteqaataa TSX Venture Exchange-mit piumasaqaatitaqartumik akuerineqartoq. Allattuiffimmiilernissaq piviusunngortinneqareerpat, North American Nickel-imi aktiaatit nalinginnaasut "NAN"-imik nalunaaqutaqartinneqarlutik niuerutigineqalissapput.

Ingerlatseqatigiiffiup pisortaanera Rick Mark, oqarpoq: "Aktiaatitta nalinginnaasut Canada-mi aningaasanik niuerfimmi akuerisaasumi niuerutigineqalerneranni, aktiaatillit tamarmik akiliisinnaassuseqarnerat annertusissaaq aammalu aningaasassarsiniartarfinnut, siusinnerusukkut pissariaqarfigineqarsinnaasimanngitsunut, anngussinnaalernissaq ajornannginnerulissalluni. Allassimaffimmiilerneq namminersortut aningaasalersuinerannut ilanngullugu NAN-imik ineriartortitsinermi alloriarneruvoq pissaganartoq. "

Oqartussaasut akuersissuteqarnissaat apeqqutaatillugu North American Nickel-ip aningaasanik nuussinerit namminersortunit isumagineqartut marluk aaqqissuuppai. Aningaasanik nuussinernit taakkuninnga iluanaarutit NAN-ip Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini aatsitassarsiorluni misissuinermut atorneqassapput; aammalu ataatsimut isigalugu ingerlatsinermi aningaasassanut ilanngunneqassallutik.

NAN-ip aktiaatinik akileraarutinut ilanngaatigineqarsinnaasunik aktiaammut ataatsimut $ 0,22-inik annertussusilimmik $ 1 millionit angullugit namminersortunit ingerlanneqartumik nuussinissaq piviusunngortinniarpaa. Tamatuma saniatigut ingerlatseqatigiiffiup piginneqataassummut ataatsimut $ 0,20-inik annertussusilimmik $ 2 millionit tikillugit namminersortunit ingerlanneqartumik nuussinerit ingerlanniarpai. Piginneqataassutit ataasiakkaat tamarmik tassaassapput aktia nalinginnaasoq ataaseq aktiaatinik pisinissamut salliusussaatitaanermik ilaqartoq. Salliusussaatitaanerit ataasiakkaat tamarmik, "Iliuuseqartitsisussamik pisoqarnerani" siusinnerusukkut atorunnaarsimanngikkunik, qaammatini 18-ini atuutissapput; Salliusussaatitaanerit ataasiakkaat tamarmik pisisumut aktiamik tapiliussassamik ataatsimik (1) aktia ataaseq $ 0,35-inik akeqartillugu pisinissamut pisinnaatitaaffiliipput. Iliuuseqartitsisussamik pisoqarnera ("Iliuuseqartitsisussamik pisoqarnera"), pilertarpoq, ingerlatseqatigiiffiup aktiaataannut nalinginnaasunut tunngatillugu TSX Venture Exchange-mi matusinissamut akigititaq, piffissami aningaasanik niuerfiup ammaffiini ulluni 20-ini malittuinnarni, aktiamut ataatsimut $ 0,50-inik annerusimappat. Sukkulluunniit matusereernerup kingorna ullunit 120-init sivisunerusumik Iliuuseqartitsisussamik pisoqartillugu, ingerlatseqatigiiffiup Iliuuseqartitsisussamik pisoqarnerani taamaattumi kingusinnerpaamik ullut 10-it qaangiunneranni (kisianni taamaaliornissamut pisussaaffeqarani), tusagassiuutitigut nalunaaruteqarluni piginnittunut ullut 30-it sioqqullugit nalunaaruteqarnermini pisinissamut salliusussaatitaanerup sivisussusaa sivikillisinnaavaa, taamaattoqarnerani pisinissamut salliusussaatitaanerit, tusagassiuutitigut nalunaarutip tusarliunneqarneranut ulluliussamit ullut 30-it iluanni atorunnaassallutik. Nassaarnermut aningaasarsiassat tunisinermut iluarsisamut atatillugu tunniunneqarsinnaapput, TSX Venture Exchange-imi maleruagassat naapertorlugit akuerineqarsinnaasumik aningaasartai annertussusilerneqassallutik.

Ingerlatseqatigiiffik pillugu paasissutissat annertunerusut Ingerlatseqatigiiffiup allattuiffimmiilernissamik (TSX Venture Exchange Form 2B) qinnuteqaataani SEDAR-imi tunniunneqareersumi ilaatinneqarput. Tamatuma saniatigut Ingerlatseqatigiiffik Post Creek-imi suliniumminut tunngasumik nalunaarusiamik tekniskiusumik SEDAR-imut tunniussivoq, NI 43-101-imut naapertuuttumik suliarinnittuulluni Walter V. Peredery, Ph.D., P. Geo. Allattuiffimmiilernissamut qinnuteqaat aamma nalunaarusiaq tekniskiusoq SEDAR-imiipput, uani www.sedar.com.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4