TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel Ingerlatseqatigiiffiup Kvarts Diorit Offset Dyke-mut, Post Creek-imi suliassaani, North Range, Sudbury Basin, Ontario-miittumi aatsitassarsiorluni misissuinermi siuariarneq pillugu paasissutissiivoq

June 29, 2011

Vancouver, Britisk Columbia - (Marketwire - 29 Juni 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) Sudbury-mi Ontario-miittumi Ingerlatseqatigiiffiup North Range Post Creek-imut suliassaani Post Creek kvarts diorit offset dyke-mi qanittumi paasineqartumi aatsitassarsiorluni misissuinerup inerneri pillugit matumuuna paasissutissiivoq.

Pisortaq aamma COO. Mark Fedikow oqarpoq: "North American Nickel maskiinat assaassutit atorlugit Post Creek QD offset dyken-imi aggulukkanik suli allanik paasinarsisitsiniarluni ingerlaqqippoq. Suliniuteqarnerup taassuma dyken-imik avannamuinnaq aamma kujammuinnaq Podolsky-p aatsitassarsiorfiata tungaanuinnaq annertusititsinerput ilutigalugu aatsitassarsiorluni misissuinermik pilersaarusiornermut suli allanik paasissutissippaatigut. Sudbury-mi aatsitassarsiorfiup sumiiffiani Offsets-it eqqaanni takuneqarsinnaasunik, Post Creek QD Offset qanoq immikkuullarissuseqartorpassuaqartoq takullugu qiimmaallannarpoq."

Post Creek Whistle Offset Kvarts Diorit Dyke
North American Nickel-ip nunap qaavani qulaarneqartuni Kvarts Diorit ("QD") Offset dyke-mik aatsitassartaqartumik aamma akuliussimasunik akoqartumik, Post Creek-ip sumiiffiata ilaani avannamut qiterpasissortaani inissisimasumik, nutaamik nassaarneq ulloq 16. juni, 2011 nalunaarutigaa. QD dyken Quadra-FNX Podolsky-p kanngussannut-nikkelinut-PGE-nut aatsitassarsiorfiata maannakkorpiaq tunisassiorfiusup avannaani 2,8 km missaanni ungasissusilimmi takussaavoq aammalu Whistle Offset-imi nunap ilusaanut uiggiulluni inissisimalluni.

QD dyken-imik nassaarnerup kingunitsianngua North American Nikkel-ip ujarassiornikkut nunap assiliornissamut dyken qulaarniarlugu, aammalu Podolsky-p nikkelinut-kanngussammut-PGM-mut aatsitassarsiorfiata tungaanut kujammuinnaq dyken-ip isorartussusaa aalajangersinnaajumallugu, maskiinat assaassutit ikiorsiullugit nunap qaavani issoq piiarlugu aallartippaa. Ulluni qulini nunap qaavani issup piiarneqareernerani QD dyken avannamut-kujammukanneq sammisumik 120 meterit sinnerlugit maannakkut qulaarneqarpoq. Qulaarneqartut nutaat taakkua maannakkut suliaqarfigineqartumit avannamuinnaq 190 meterinik ungasinnerusumut QD dyken-ip suli annertunerusumik qulaarneqarneratut sammiveqarlutik inissisimapput. (nittartakkami assinut link-it takukkit: http://northamericannickel.com/Theme/NAN/files/images/Image%20June%2029%2011%20small_v001_y3jr09.jpg

QD dyke nassaarineqaqqammersoq sangujoraartumik, assigiiaanngitsumik avannamut kujammut ingerlaarfeqarpoq, 2-12 meterit akornanni atitussuseqarluni aammalu ilisarnartunik QD-imiikkajuttunik iluseqarluni aamma aatsitassartaannik ataqatigiissitsisunik ilaqarluni. Sumiiffiit dyken-imi assigiiaanngitsut ujaqqanik qaqqamit innermik anitsisartuneersunik magnesium-imik saviminissamillu akulinnik, gråvakke-nik aamma kvartsit-inik akuleriinnik katitigaapput. Sumiiffippiaani kanngussassaq aamma magnetkis siammarsimasut takuneqarsinnaapput.

Nunap qaavani issumik maskiinanik atuilluni piiaaneq Podolsky-p aatsitassarsiorfiata tungaanut kujammuinnaq aammalu nassaarfioqqaartumit avannamuinnaq ingerlaqqippoq. Nunap qaavani issumik piiaaneq, qulaarneqartut qanittumi nassaarineqartut errortorneqarnerannik ilaqartinneqassaaq, tamatumalu taakkua pitsaassusaat pitsaanerulersissavaa. NAN-ip ujarassiuui aatsitassarsiorluni misissuinermut ikiuutissapput. Errortuereernerup kingorna sukumiisumik nunap assiliornermut misissueqqissaarnermullu pisussanut pilersaarummik suliaqarnissaq pilersaarutigineqarpoq.

Post Creek-ip sumiiffiani InfiniTEM atorlugu nunap qaavani geofysiskimik misisuinernit qanittumi naammassineqartunit paasisat sapaatit akunnerisa marluk iluanni naammassissasut naatsorsuutigineqarpoq, aammalu paasissutissat nalunaarsukkat katersorneqartut erseqqinnerusumik nassuiarnerannik imaqassalluni. Misissuinermi QD-dyken aamma avannarpasissumi kujasissumilu annertusititsinerit ilaatinneqarput. Geofysiskimik misissuineq aamma QD offset dyken-imit ujarassiornermi paasissutissat nutaat pissarsiarineqartut qillerinermi siunnerfiit aasaq manna misilerarneqartussat aalajangersarneqarnissaannut iluaqutaassapput.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4