TSX-V: nan $0,23 +$0,01 +4,65% Volume: 1.500 November 26, 2020

Navigation

North American Nickel Kalaallit Nunaanni aatsitassarsiorluni misissuinissamut pisinnaatitsissummik angisuumik tunineqarpoq

August 15, 2011

Vancouver, Britisk Columbia - (Marketwire - 15 august 2011) - North American Nickel Inc.-ip (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna nalunaarutigaa Ingerlatseqatigiiffik sumiiffimmut et 4.841 km2-isut annertussusilimmut, norit-inut allanullu magnesiumimik saviminissamillu-magnesiumimik saviminissamillu annertoorujussuarmik akoqartunik akuliussimasunik nikkellinik-kanngussassannik qaffasissumik akuissuseqartunik arlalippassuarnik aatsitassartaqartumut, Kalaallit Nunaata kujammut kimmut sineriaa sinerlugu inissisimasumut, aatsitassarsiorluni misissuinissamut pisinnaatitsissummik tunineqarpoq. Pisinnaatitsissut nutaaq, taagorneqartoq Maniitsumi Suliassaq, sumiiffimmi illoqarfik qaninnerpaaq Kalaallit Nunaanni illoqarfiup pingaarnerup Nuup avannaani (ilusiliaq 1) 160 km missaanni inissisimasoq atsiullugu atserneqarpoq. Kalaallit Nunaata ilaani tassani umiarsualiviit ukioq kaajallallugu sikusarfiunngillat.

Nikkelinik aatsitassartaqarnera & Oqaluttuarisaanikkut aatsitassarsiorluni misissuineq Ilusiliaq 2-imi Maniitsumi suliassami nikkelit ersiinnartut annertunerpaat 13-it inissisimaffii kiisalu magnesiumimik saviminissamillu-magnesiumimik saviminissamillu annertoorujussuarmik periarfissaqarfiusut agguataarneri takutinneqarput. Nikkelinik peqarfiit annertoorujussuunerat sinneqarujussuartunillu peqarnera pissutigalugu Maniitsup eqqaa annikitsunnarmik aatsitassarsiorluni misissuiffigineqarsimavoq. Nikkelinik ujarlerluni qillerineq kisiartaasoq 1965-ip aamma 1972-ip akornanni Kryolitselskabet Øresund A/S-imit (KØ) ingerlanneqarpoq. KØ 119-inik nunap qaavani putusilluni qillerivoq, ataatsimut katillugit 6.287 meteriinnarnik takissuseqartunik. Qillerinerni sulfid-inik aatsitsssannguussimasut ersiinnartut aamma nunap qaavanut qanittumi nalinginnaasuunngitsut elektromagnetiskiusut (EM) toqqaannartumik norit-inut qaarsup iluaniittunut ersiinnartunut allunullu magnesiumimik saviminissamillu-magnesiumimik saviminissamillu annertoorujussuarmik akuliussimasunut toqqaannartumik atasut misilerarneqarput. Putuliat tamarmik, ikittuinnaat pinnagit, qillerutit Winkie angallattakkat atorlugit qillerneqarput, taamaalillunilu agguaqatigiissillugu putut itissusaat taamaallaat 45 meteriulluni.

Minnerunngitsumillu immikkoortukkaat pingaarutillit arlalippassuit akimorlugit putuliorfigineqarput, ilanngullugit:

  • Imiak Hill-imi 9,85 meterit Ni-nik 2,67%-inik aamma Cu-nik 0,60%-inik akoqartoq, aamma
  • Fossilik-imi 12,89 meterit Ni-nik 2,24%-inik aamma Cu-nik 0,63%-inik akoqartoq.

Oqaluttuarisaanermi paasisat taakkua North American Nickel Inc.-imit uppernarsineqanngillat.

Ujarassiorneq
Maniitsup eqqaa Arkæiske gnejs-inik peqarfiuvoq. Ujaqqat suprakrustale-usut sumiiffiup 10%-iata missaanniipput, aammalu pingaartumik amfibolit-iullutik kiisalu tullianik ujaqqat kumulat magnesiumimik saviminissamillu-magnesiumimik saviminissamillu annertoorujussuarmik akoqartut sumiiffinni nikkelimik-kanngussammik aatsitassannguussimasunik akoqarlutik. Taamaattoq nikkelinik aatsitassartaqartut ulloq manna tikillugu nassaarineqarsimasut norit intrusiv-inut nutaanerusunut, allanngorsimanngitsunut aatsitassaqarfimmi takisuumi najungasumik ingerlaarfeqartumi 15 km-isut atitussusilimmi aamma 75 km-isut takissusilimmi, taagorneqartumi Kalaallit Nunaata Norit-eqarfia (GNB), qaqqarujussuup Finnefjeld gnejs-inik peqarfittut ilisimaneqartup eqqaaniittumi (ilusiliaq 2) inissisimaffeqarput (kisianni tassungaannaq killeqaratik).

Kingullermik ingerlataqarnerit
1995-imi Cominco Ltd-ip Nunami namminermi ujarassiornikkut Danmarkimut aamma Kalaallit Nunaannut misissuisarfik (GEUS) suleqatigalugu, EM-mut periaaseq silaannakkoortoq atorlugu GeoTEM atorlugu timmisartumik suluusalimmik GNB-ip ilarujussua qulaavaavaa. Nalinginnaasuunngitsut EM amerlanngitsut paasineqarput. 1995-imi aamma 1996-imi malitseqartitsilluni aatsitassarsiorluni misissuineq aamma nunap qaavani annikitsumik geofysiskimik misissuinerit Cominco-mit ingerlanneqartut, aamma 2000-imi Falconbridge Limited-imit ingerlanneqartut annertunerusunik qillerinernik kinguneqanngillat. Taamaattoq Cominco-mit aamma Falconbridge-mit KØ-mit qillerummit qaqitanit misissugassanik aamma nunap qaavani ersiinnartunit tiguseqqinnernit sulfid-init nikkelinik qaffasissumik akoqartunik ataatsimut isigalugu peqartoq uppernarsineqarput (Falconbridgep suliaqarneranit sulfid-ni 100%-iusuni nikkeli 8% missaannut naatsorsorlugu).

NAN-ip aatsitassarsiorluni misissuinermi periusissaa
Allassimavoq Maniitsup eqqaani nunap qutaarluunera, taamanikkut teknologii atorlugu nipiliornerup qaffasissuunera ilanngullugu, pissutaallutik akuttunngitsumik timmisartortartut qutsissusissaq isumannaatsoq qaangerujussuarlugu qutsissuseqartumi timmisartortariaqartarsimanerisa kiisalu sumiiffiit ilaanni timmisartorfiusartut aatsitassartaqartut saneqqutingajallugit ingerlaarfiusarsimanerisa, GeoTEM atorlugu periaatsip nunap qaavani sulfid-eqarfinnik paasisaqarnissamut periarfissat killeqartissimavaat. NAN isumaqarpoq Time-Domain nutaaliaasut qulimiguulik atorlugu EM-imi periaaseq Maniitsumi suliassami misissuinermut sakkugissallugu sunniuteqarluarnerujussuussasoq. Periaatsit taamaattut Comincop aamma Falconbridgep norit-eqarfimmi suliaqarneranni pissarsiarineqarsinnaasimanngillat.

Maniitsumi suliassamut NAN-ip periusissaa tassaavoq sumiiffinnik aalajangersimasunik sukumiisumik qaffasissumik arrortinneqarsinnaasunik, itisuumut qaleriiaartunik, qulimiguulimmik EM atorlugu misissuiffiusussanik toqqartuinissaq. Periaatsit taamaattut nunami qutaarluusumi pukkitsumi timmisartornermi atorneqarsinnaanerupput, aammalu sumiiffiit siunnerfiusut annikinnerusut sammillugit, timmisartorfiusut iluarsineqarsinnaassapput, taamaalilluni uuttortaaneq sumiiffiup sammiviani teqeqqorissumik ingerlanneqarsinnaalluni. Sumiiffiit uuttortaaffiusussat siusinnerusukkut suliaqarnerit ataatsimoortinneri, aammalu sumiiffinni toqqartorneqartuni sivikitsumik takusaaneq, aasaanerani kingusinnerusukkut pisussatut pilersaarutigineqartoq, tunngavigalugit toqqartorneqassapput. Naatsorsuutigineqarpoq qulimiguulimmik uuttortaaneq septembarimi aallartereersinnaasoq. Alapernaarsuinermi aamma suliassap sumiiffiani diamantinik aamma/imaluunniit aatsitassanik qaqutigoortunik peqarfeqarsinnaaneranut periarfissaqarnissaq isumaliutersuutigineqassaaq, tassami kimberlit-it diamantitaqartut aamma karbonatit intrusiver suliassap eqqaani nassaarineqarsimammata.

Meteorit-imut tunngatillugu ilimagisat
Oqaatigineqassaaq Finnefjeld gneiss qaqqarsuisa qeqqanni annertoorujussuarmik itisoorujussuarmullu nungutitsisimasumik meteoritip itersanitsitsisimasinnaanera aammalu Maniitsumi norit-it taamaattumik nakkartoqarnerata kingunerisaanik pilersimasinnaanersut GEUS-ip maannakkorpiaq misissormagu. Taamaattoqarsimappat tamanna suliassamut annertoorujussuarmik siuariartitsinissamut periarfissaqarfiulertussaavoq, tassami taamaattoqarsimappat Maniitsumi norit-it tassaassammata norit-it Sudbury Basinnet avataani meteorit-imik nakkartoqarsimaneranut taamaattumut atatillugu ilisimaneqartuni kisiartaasut. John Ferguson-ip Spar Resources Pty Limited-imeersup, aamma John Rowntreep, Hunter Minerals Pty Limited-imeersup, ujarassiornermit paasissutissat nalunaarsukkat annertunerusumik misissorpaat aammalu inerniliillutik Maniitsumi nunap ilusaa itisoorujussuarmut nungutitsisumik meteorit-imik nakkarfigineqarsimasinnaasoq. Taakkua suminngaaneernerat apeqqutaatinnagu norit-it Maniitsumeersut, maannakkut nikkelinik aatsitassartaannut tunngatillugu annertussusaat, pitsaassusaat qanoq ittuussusaallu kisiisa aallaavigalugit aatsitassarsiorluni siunnerfissatut uppernarluinnartuusut.

Pisinnaatitaaffiit aalajangersimasumik iluseqanngitsut aamma Paasissutissanik nalunaarsukkanik katersinissamut isumaqatigiissut Maniitsumi Aatsitassarsiorluni misissuinissamut pisinnaatitsissummik tunniussinermut atatillugu Ingerlatseqatigiiffik Hunter Minerals Pty Limited-imut ("Hunter") aamma Spar Resources Pty Limited.-imut ("Spar") pisinnaatitaaffinnut aalajangersimasumik iluseqanngitsunut aamma paasissutissanik nalunaarsukkanik katersinissamut isumaqatigiissuteqarpoq ("IR-aftalen"). Hunter-ip aamma Spar-ip nunap immikkoortuanut ujarassiornikkut paasissutissat misissorpaat aammalu Meteorit-imut tunngatillugu ilimagisat ineriartorteqqillugit, tamatuma kingorna pisinnaatitaaffiit aalajangersimasumik iluseqanngitsut aamma paasissutissat nalunaarsukkat siusinnerusukkut taaneqartunit ("IR pisinnaatitaaffiit") ineriartortinneqarsimasut pisiarinissaannut periarfissaq kiisalu akuersissutip pissarsiarinissaanut atatillugu ikiuunnissaq NAN-imut neqeroorutigineqarput.

  1. IR-mi isumaqatigiissut naapertorlugu Hunter-ip aamma Spar-ip pisinnaatitaaffiit aalajangersimasumik iluseqanngitsut taakkua Ingerlatseqatigiiffimmut tunineqarnissaat akueraat, aningaasarsiassat makkua naapertorlugit: $ 300.000 aningaasanngorlugit akilerneqartussat (Hunter-imut aamma Spar-imut tamarmik immikkut $ 150.000), taakkunannga $ 200,000 akilerneqareerput aammalu $ 100.000 IR-mi isumaqatigiissut TSX Venture Exchange-mit akuerineqarpat akilerneqartussat.
  2. aktiaatinik 12.960.000-inik pisinissamut salliusussaatitaatitsineq, Hunter-imut aamma Spar-imut tamarmik immikkut, imaluunniit taakkua immikkut piukkutaannut 6.480.000-it, ukiuni tallimani atuinissaq piffissalerneqarluni. Salliusussaatitaanerit 4.750.000-it aktia ataaseq $ 0,50-inik akilerlugu atorneqarsinnaapput; 4.750.000-it aktia ataaseq $ 0.70-inik akilerlugu atorneqarsinnaapput; aamma 3.460.000 aktia ataaseq $ 1,00-inik akilerlugu atorneqarsinnaapput, salliusussaatitaanerit IR-mi isumaqatigiissutip TSX Venture Exchange-mit akuerineqarnerani tunniunneqassapput. Pisinissamut salliusussaatitaanerit, Ingerlatseqatigiiffiup Maniitsumi pisinnaatitsissutimini soqutigisatik taamaatissagaluarpagit imaluunniit sumiiffiup soqutigisaqarfiusutut nassuiarneqartup iluani taamatut taamaatitsinermut aningaasarsiassanik tigusaqarani suliassap aqqi tassunga atasut taamaatissagaluarpagit, iluanaarutissanik siuartitsinissaq malinneqartussaavoq.
  3. Hunter-imut aamma Spar-imut tamarmik immikkut imaluunniit taakkua piginnaatitaannut 1,25%-imik NSR royalty-liineq, suliassami aatsitassanik niuernermik tunngaveqartumik tunisassiornerup aallartinnissaa pillugu aalajangiinerup kingorna ullut 60-issaanni imaluunniit taanna sioqqullugu Hunter-imit aamma Spar-imit (imaluunniit taakkua piginnaatitaat), CDN$ 1.000.000 dollars-inik akiliuteqarneranni, NAN-i royalty-t taakkua tamaasa NSR royalty-mut 0,5%-imut annikillisinnissaannik pisinnaatitaaffeqarluni.
  4. IR-mi isumaqatigiissut TSX Venture Exchange-mit akuerineqanngippat imaluunniit allatigut akuersissuteqarfigineqanngippat NSR royalty-mut procentiliussaq Hunter-imut aamma Spar-imut tamarmik immikkut ingerlaannaq 1,75%-imut qaffanneqassaaq, aammalu Hunter-imit aamma Spar-imit (imaluunniit taakkua piginnaatitaat) CDN$ 1.000.000 dollars-inik akiliuteqarnikkut, NAN-i royalty-t tamaasa 1,0%-imut appartinnissaannut pisinnaatitaaffeqassaaq.

Ilusiliaq 1 aamma 2 tusagassiuutitigut nalunaarummut matumunnga ilaatinneqartut takuniarlugit linki una atoruk: http://media3.marketwire.com/docs/nan815i.pdf

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4