TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel-ip 2011 SkyTEM, Kalaallit Nunaanni Maniitsoq qulaallugu 1995-imi GeoTEM atorlugu geofysiskimik misissuinernut sanilliuppaa.

December 8, 2011

Vancouver, Britisk Columbia - (Marketwire – 08. December, 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna qulimiguulimmik SkyTEM atorlugu misissuinernit qanittumi naammassineqartunit elektromagnetiskimik (EM) atuilluni paasisanik siusinnerusukkut 1995-imi GeoTEM atorlugu suluusalimmik misissuinernut sanilliussinermit paasissutissiivoq.

Assilisani matuma kinguliani takutinneqartuni SkyTEM-imi periaatsip nalinginnaasuunngitsunik siusinnerusukkut paasineqarsimanngitsunik nalunaarsuinera takutinneqarpoq, tamatumalu saniatigut EM nalinginnaasuunngitsut siusinnerusukkut ilisimaneqartut annertunerujussuarmik ersarinnerusumik assilisaallutik. Paasisat taakkua NAN-ip naatsorsuutigisaannit annertunerupput, aammalu teknologiit nutaat ullumikkut atorneqartut, nutaanik maannamut siunnerfissatut isigineqarsimanngitsunik paasisaqarsinnaanerat uppernarsarlugu. Assilisat matuma kingulianiittut aamma nittartakkatsinni pissarsiarineqarsinnaapput: http://www.northamericannickel.com/Projects/Projects-Overview/Greenland/Maniitsoq/SkyTEMSurveyManiitsoq/default.aspx.

Sumiiffiit 2011-imi misissuiffigineqartut Maniitsumi suliassap tamarmiusup taamaallaat 8%-iatut annertussuseqarpoq. Pisussanut pilersaarutip taassuma iluatsitsiviunera tunngavigalugu, sumiiffiit suli amerlanerusut qulimiguulimmik 2012-imi uuttortaavigineqartussatut nalilersorneqassapput.

NAN-imi ujarassiuut pisortaat John Pattison oqarpoq: "1995-imi GeoTEM atorlugu misissuinerit suliniutini angisuuni, SkyTEM atorlugu misissuinitta siornatigut, timmisartumik Time Domain EM atorlugu misissuinerni Maniitsumi nikkeleqarfimmi ingerlanneqarsimasuni kisiartaapput. SkyTEM-imi periaatsimi EM-imut siunnerfiit nutaat paasineqarput. Paasivarput maannakkut nukittuumik aatsitassarsiorluni misissuinermi sakkussaqalerluta, nunarsuup ilaani ukioq kaajallallugu sikoqartanngitsumut killittumi misissuiffigineqanngitsumi nikkelinik-kanngussannik PGM-inik peqarfinnik nutaanik nassaarnissamut nutaanik periarfissaqarfigilikkatsinnik."

Ulloq 6. december 2011 nalunaarutigisatsitut NAN-p SkyTEM atorlugu qulimiguulimmik Time Domain EM (TEM) atorlugu aasaq taanna uuttortaanerit 2217 linje-kilometerit naammassivai, tassanilu 100%-imik kisermaassilluni aatsitassarsiorluni misissuinissamut pisinnaatitsissutip 4841 km2-isut annertussuseqartup iluani blokkit marluk katillugit 373 km2-isut annertussuseqartut misissuiffigineqarput.

Sumiiffik uuttortaavigineqartoq ilusiliaq 1-imi takutinneqarpoq (matuma kinguliani). Blok 1 Norit-eqarfiup >80 kilometerisut takissuseqartup avannamut isuani inissisimavoq, aammalu Norit-it ersiinnartut nikkelitaqartut ilisimaneqartunit annerpaat kiisalu nikkeleqarfimmi ulloq manna tikillugu nikkeleqarfiit annertunerpaat tassaniillutik. Blok 2-miipput Norit-eqarfiup qiterpasissortaata avannamut kitaani Norit-it ersiinnartut manngertornisimasut 4 kilomerisut takissuseqartut.

Ilusiliaq 2-imi (matuma kinguliani) blok 1-imi 1995-imi GeoTEM EM nalinginnaasuunngitsut paasineqartut agguarnerat takutinneqarpoq. 1995-imi nalinginnaasuunngitsut annertuut pingasuinnaapput (kanalinit marlunnit anginerusut), aammalu tamarmik ataasiinnarmik titarneqartumi nalinginnaasuunngitsuullutik Imiak Hill-imi, Fossilik II-imi aamma Spotty Hill-imi ersiinnartuni nunap qaavani aatsitassannguussimasunut atasuusut. 1995-imi blokkip kimmut sammisortaani nalinginnaasuunngitsut ataatsimik marlunnillu kanaleqartut annertussusaat tatsitut annertussuseqarpoq, aammalu malittaasumik kinnernit pissuteqassasut ilimanarluni. Ilusiliaq 3-imi (matuma kinguliani) 2011-imi SkyTEM atorlugu Blok 1-imit paasisat takutinneqarput. Malugiuk EM nalinginnaasuunngitsut annertussusaat, ilanngullugu nalinginnaasuunngitsut arlalinnik titarnillit annertoorujussuarmik isorartussuseqartut. Nalinginnaasuunngitsuni annertuuni ilaapput:

Target B1-B: 850 meterisut takissuseqartoq, nalinginnaasuunngitsoq ilisimaneqanngitsoq norit-itut nassuiarneqartoq.

Target B1-F: 300 meterisut takissuseqartoq norit-ip ersiinnartup nassuiarneqartup sinaani nalinginnaasuunngitsoq ilisimaneqanngitsoq.

Target B1-J: 200-niit 300 meterisut takissuseqartoq nalinginnaasuunngitsoq sakkortoorujussuaq, Imiak Hill-imi aatsitassannguussimasunut assigusoq. Nalinginnaasuunngitsoq taanna sukumiisumik nassuiarneqarpoq, aammalu aatsitassannguussimanera itinerusumut periarfissaqarfiunersoq aalajangerniarlugu 3D-mik pisuusaartitsivigineqassalluni.

Target B1-O: 300 meterisut takissuseqartoq nalinginnaasuunngitsoq ilisimaneqanngitsoq, Proterozoisk olivin dyke-ip sinaanut qanittumi tukimut iluseqartumi inissisimasoq.

Target B1-Q: 150 meterisut takissuseqartoq sumiiffik innaallagiaqartoq, Fossilik II-imi aatsitassannguussimasunut assigusoq. Taanna aatsitassannguussimanera itinerusumut periarfissaqarfiunersoq aalajangerniarlugu 3D-mik pisuusaartitsivigineqassalluni.

Blok 2-imi GeoTEM-imi periaatsip 1995-imi nalinginnaasuunngitsut sakkukitsuinnaat (marlunnik kanalilik) ilusiliaq 4-imi takutinneqartup (matuma kinguliani) blokkip avannamut killigata eqqaani immiuppai, SkyTEM atorlugu 2011-imi misissuinermi nalinginnaasuunngitsut 8-it paasineqarlutik, taakkunannga ataaseq (B2-B) lone GeoTEM atorlugu nalinginnaasuunngitsumut ilusiliaq 5-imi (matuma kinguliani) takutinneqartumut assigusuulluni.

2011-imi SkyTEM atorlugu paasissutissat nalunaarsukkat ataatsimoortut pissarsiarineqartut nassuiarneqarnissaanni alloriarneq tulleq tassaassaaq, geofysiskimik nalinginnaasuunngitsut aalajangersimasut 3D-nik pisuusaartitsivigineqarnissaat. Pisuusaartitsineq ingerlanneqarpoq, aammalu ukiup nutaap aallartinnerani naammassineqassasut naatsorsuutigineqarluni. Suliaqarneq taanna 2012-imi aatsitassarsiorluni misissuinermut pilersaarummut qillerinermut siunnerfiusussatut periarfissaqarfiusunik pingaarnersiuinermut ingerlatseqatigiiffimmut iluaqutaassaaq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4