TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel-ip Bell Lake Offset Dyke-mi suliassami, SV Sudbury Basin-imiittumi aatsitassarsiorluni misissuineq aallartippaa

August 22, 2011

Vancouver, Britisk Columbia - (Marketwire – 22. august, 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") Bell Lake kvarts diorit offset dyke-mi annertuumik aatsitassartaqartumi aatsitassarsiorluni misissuineq aallartippaa. Suliassaq Nairn Centre-mut qanittumi, Sudbury-mit 50 km missaanni ungasissusilimmi Sudbury Intrusiv-eqarfissuup kujammut kimmuinnaq teqeqquani inissisimavoq. Sumiiffimmut aqqutissaq Trans-Canada-p aqquserna pingaarneq aammalu aqqusernit ujaraaqqanik qallikkat tulleriissaartut aqqutigalugit aqqutigiuminarluinnarpoq.

Pisortaq aamma COO. Mark Fedikow oqarpoq, "Bell Lake Offset dyke Worthington Offset aatsitassartaqartoq sinerlugu inissisimavoq, aammalu inissisimaffik taanna sumiiffiup pissarsiarinissaanut tunngaviusimavoq pingaaruteqartoq. Bell Lake-p sumiiffianit oqaluttuarisaanermi paasissutissaasivipput aallaavigalugu, North American Nickel-ip dyke-mi geofysik-imut aamma qillerummit qaqitassanik qillerinissamut pilersaarusiornissaa ajornarunnaarsinneqarpoq. Dyke-p nunap qaavani ersiinnarnerata, aammalu sulfid-nik siammarsimasunik manngimasunillu annetuumik nikkelimik, kanngussammik aamma aatsitassanik erlinnartunik akoqartunik isorartuumik aatsitassartaqarnerata, nunap ilusaani tassani aningaasaqarnikkut periarfissaqarfiusut nalilersornissaat siunertaralugu ingerlaannaq iluaqutissippaatigut."

The Bell Lake Property
Bell Lake sumiiffiuvoq annertoorujussuaq 256 hektarinik angissuseqartoq, tassaniillutik Worthington Offset dyke 1 km missaa, nunap ilusaa Sudbury-mi ujaqqat tiggussimasut ataatsimoorfiata kujammut kimmuinnaq killeqarfianit aallartilluni10-11 km-isut takissuseqartoq. Worthington Offset Dyke annertuumik aatsitassartaqartoq North American Nickel-ip Bell Lake-mi sumiiffimmi suliaqarfianut ingerlaqqippoq, tassani 00-it aallartilaarneranni siusinnerusukkut aatsitassarsiorluni misissuinerni, dyke-p ingerlaqqinneranut atatillugu nikkelinik-kanngussannik-koboltinik-platininik-palladium-inik aatsitassartaqartoq uppernarsarneqarsimalluni. Sulfid-it aatsitassannguussimasut siammarsimasunit manngimasunut sumiiffimmi nunap qaavani ersiinnarput, inklusion-eqarluartunut kvarts diorit-inut akuliussimallutik, naak aatsitassannguussimaneri aamma sumiiffimmi Nipissing dyke-mi takussaagaluartoq, taakkua ujaqqat taamaattut Offset Dyke-mi avatangiisini takussaasuupput. Tassani takutinneqarpoq aatsitassannguukkiartortartut aatsitassat nalinginnaasut aamma aatsitassat erlinnartut Offset Dyke-miinnaq takussaanngitsut. Aatsitassarsiorfik Victoria tunisassiorfiusoq (1,5 millioner ton 2,2%-imik kanngussattaqartut, 1,5%-imik nikkelitaqartut aamma ton-imut ataatsimut 2,3 gramminik ataatsimut katillugit aatsitassanik erlinnartunik akoqartut) aamma Vale-p Aatsitassarsiorfia Totten maannakkorpiaq inerisarneqaleruttortoq (10,1 millioner ton 1,5%-inik nikkelitaqartoq, 2%-inik kanngussattaqartoq aamma ton-imut ataatsimut 4,8 gramminik platininik aatsitassartaqartoq) kiisalu sumiiffiit nikkelinik-kanngussannik-PGM-inik akoqartut aatsitassannguussimasut allat amerlasoorpassuit Worthington Offset Dyke-mi inissisimapput.

Oqaluttuarisaanermi aatsitassarsiorluni misissuineq
Bell Lake-mi suliassaq 2001 tikillugu annertuunik aatsitassarsiorluni misissuinernik ingerlatanik, ilanngullugit qillerummit qaqitassanik qillerinerit, takusaqarfiusimanngilaq, tamatuma kingorna ujarassiornikkut aamma geofysiskemik nunap qaavani misissuinerit aallartinneqarlutik. Dr. Walter V. Peredery asimi aamma qulluilluni misissuinernik suliaqarpoq, aammalu uppernarsillugu Bell Lake dyke tassaavittoq Sudbury offset dyke. Oqaluttuarisaanermi paasissutissanik nalunaarsukkanik katersinermi paasinarsivoq Bell Lake Offset dyke minnerpaamik 1,1 km-isut isorartussuseqartoq, qaqutigut tamaana qillerinernik misileraavigineqarsimalluni (Ilusiliaq 1). Dyke-p ilarujussua misissuiffigineqarsimanngilaq, aammalu sumiiffiit taakkua EM imaluunniit RIM atorlugit geofysiskemik misissuereernerit kingorna NAN-imit qillerinerni misileraavigineqassallutik.

Sumiiffimmi putut katillugit 17-it annerpaamik 583 meterinik itissuseqartut qillerneqarput. Putut taakkua sumiiffiit aatsitassartaqartut 2,5 meterit tikillugit atitussuseqartut 1,26% tikillugit nikkelinik, 0,45% tikillugu kanngussammik, aamma ton-imut ataatsimut 13,43 gramminik platininik saffiugassanik kuultimillu ataqatigiissunik akuissuseqartut aqqusaarlugit qupineqarput. Pilattukkanit misissugassani nunap qaavani sumiiffiit aatsitassartaqartut misilerarneqarput, 5,0 meterisut atitussuseqartumi 1,92% tikillugu nikkelimik, 1,01% tikillugu kanngussammik, 0,165% tikillugu koboltimik, ton-imut ataatsimut 0,909 grammit tikillugit palladium-imik aamma tonimut ataatsimut 0,99 gram tikillugu platin-inik akoqarlutik. Bell Lake-mi sumiiffimmi soqutiginaateqartut allat tassaapput Nipissing dyke-mi aatsitassannguussimasunik peqarfik Worthington Offset Dyke-mut sanilliunneqarsinnaasumik aatsitassanik akoqartoq. Chip-imut immiussat misissugassat 3,07% tikillugit kanngussammik, 1,50% tikillugu nikkelimik, 0,126% tikillugu koboltimik, 1 ton-imi 0,39 grammit tikillugit platinimik aamma 1 tonimi 1,34 gram tikillugit palladium-imik akoqarput.

Ilusiliaq 1 takuniarlugu linki una atoruk: http://media3.marketwire.com/docs/m819a.pdf

Ilusiliaq 2 takuniarlugu linki una atoruk: http://media3.marketwire.com/docs/m819b.pdf

Chip-imi immiussanit misissugassat naammattumik amerlassuseqartut misissoqqissaarneqarneranni paasisat Bell Lake Offset-imi aatsitassartaqartumi sumiiffinnit pingasunit chip-imut immiussanit misissugassat naammattumik amerlassuseqartut, sumiiffiup qanittumi asimi nalilersuiffigineqarnerata nalaani NAN-ip ujarassiuuinit katersorneqarput. Takussutissiaq 1-imi aatsitassat attuumassuteqartut akui eqikkarneqarput, aammalu dyke-mi nunap qaavani nikkelinik-kanngussannik-PGM-imik aatsitassannguussimasut qaffasissumik akuissuseqartut uppernarsarneqarlutik. Sumiiffik misissugassanik katersiffigineqartoq ilusiliaq 1-imi allassimavoq.

-------------------------------------------------- -------------------------

Takussutissiaq 1. Bell Lake QD Offset Dyke-mi aatsitassannguussimasortaanit chip-imi immiussanit misissugassat naammattumik annertussuseqartut misissueqqissaarfigineqarnerat

Nikkelinut, kanngussannut aamma svovlinut misissueqqissaarnerit ALS-Chemex-imit, ISO-mi akuersissummik allagartaqarluni laboratoriaqartumit suliarineqarput. Misissueqqissaarnerni (ME ICP-61a) ICP-AES syre-mik ammarterneqartut ilaatinneqarput. Misissugassaq salpetersyre, perchlorsyre aamma flussyre akuliullugit akuukkami arrortinneqarput. Misissugassap silaannaninnissaa sukkatsitinniarlugu kiisalu taratsunut isugutattunut arrortillugit aalartinneranni ingerlaarnerani misissugassanik annaasaqarnissaq annikillisinniarlugu perchlorsyre akuliunneqarpoq.

Kuulti, platin aamma palladium ALS-Chemex-imit (PGM-ICP24) misissugassami 50 grammitut angissusilimmi assay sisamat aamma ICP-AES finish aallaavigalugit misissoqqissaarneqarput.

Siunissami aatsitassarsiorluni misissuinissaq
North American Nikkel isumaqarpoq Bell Lake-mi suliassami aatsitassarsiorluni misissuinissamut periarfissaqarfiusut immikkut ittumik annertoorujussuusut, aammalu avatangiisit malunnaatilimmik aatsitassartaqartut taakkua nalilersornissaannut ujarassiornikkut, geofysiskimik aamma diamantimik qillerinissamut pisussanut pilersaarutit ingerlatsiviginissaat pilersaarutigalugu.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4