TSX-V: nan $0,23 +$0,01 +4,65% Volume: 1.500 November 26, 2020

Navigation

North American Nickel-ip Ingerlatseqatigiffiup Bell Lake Offset Dyke-misuliassaani, SV Sudbury Basin-imiittumi EM atorlugu misissuineq aallartippaa

September 8, 2011

Vancouver, Britisk Columbia - (Marketwire – 8. september 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna nalunaarutigaa Ingerlatseqatigiiffiup, 100%-imik kisermaassiviusumik Bell Lake kvarts diorit offset dyke-mi suliassami, Ontario-mi Sudbury kujammut kitaani Worthington Offset-imi inissisimasumi, annertuumik aatsitassannguussimasuni sukumiisumik aatsitassarsiorluni misissuinissamut pilersaarutit siuartissimagai.

Pisortaq aamma COO. Mark Fedikow oqarpoq: "Bell Lake-mi nunap qaavani suliaqarnissarput siuartissallugu aalajangerpugut. Nunap qanoq sananeqaateqarneranut aamma ujarassiornermit paasissutissat nalunaarsukkat nutaat, oqaluttuarisaanermi paasissutissanut ataqatigiissillugit, nunap qaavani qanittumiittuni periarfissat annertoorujussuusut upperinnilersippaatigut, peqatigisaanik soorunami eqqumaffigalutigu Worthington Offset-imi aatsitassannguussimasut sinerlugit inissisimasunik qaffasissumik akuissuseqartunik itisuunik peqarfeqartoq. Worthington sinerlugu peqarfinnut itisuunut assersuutissani ilaapput aatsitassarsiorfik Vales Totten (10,1 Mt 1,5%-inik nikkelitaqartoq, 1,97%-inik kanngussattaqartoq, tonimi ataatsimi 4,8 gramminik platinitaqartoq aamma palladium-itaqartoq) aamma Quadra / FNX-ip aatsitassarsiorfia Victoria 12.5 Mt-inik annertussuseqartoq 2,3%-inik kanngussattaqartoq, 2,2%-inik nikkelitaqartoq, tonimi ataatsimi 8,5 gramminik ataatsimoortunik erlinnartunik aatsitassartaqartoq (platin + palladium + kuultit). Aatsitassarsiorfik Victoria kanngussannguuttussanik saffiugassanik 3,4 milliarder tonsinik akoqassasoq naatsorsuutigineqarpoq. Isumaqarpugut ullutsinni geofysiskimut teknologiit ujarassiornermi paasissutissat nassuiaanerillu pigisatsinnut nutaanut ataqatigiissillugu, Bell Lake-mi nutaanik paasisaqartitsissasut aammalu nutaanik periarfissaqartitsilissasut."

Bell Lake-mi suliassami sukumiisumik aatsitassarsiorluni misissuineq Sulfid-it siammarsimasunit manngertunut tassaasut pentlandit aamma kanngussassaq - sulfid-it aatsitassannguussimasut ersarinnerpaat, EM atorlugu nunap qaavani geofysiskimik periaatsit atorlugit nalilersorneqassapput, dyke-mi taarmi 1,1 km-ini uuttortaasoqassalluni. Titarnerni qulluinerit ungasinngitsukkut aallartinneqassapput.

EM atorlugu misissuinerni taakkunani sumiiffimmi nunap qaavata aamma 250 meterisut itissusillip akornanni allanik aatsitassannguussimasunik peqarnissaanut periarfissat misissorneqassapput, kiisalu taassuma ataani itisuumi nikkelinik-kanngussannik-PGM-inik aatsitassannguussimasunik periarfissaqarfiit misilerarneqassallutik. Nipissing dyke-mi aatsitassannguussimasut qaffasissumik akuissuseqartut sumiiffimmi aamma nalilersorneqassapput. EM atorlugu misissuinerit oktobarip aallartinnerani aallartinneqassasut naatsorsuutigineqarpoq.

Putut katillugit 17-it annerpaamik 583 meterisut itissuseqartut Bell Lake-mi suliassami qillerneqarput. Putut taakkua pingaartumik sumiiffinni dyke-mi nunap qaavani malunnaatilimmik aatsitassartaqartuni aallunneqarput. Qillerlugit putuliani sumiiffiit aatsitassartaqartut 2,5 meterit angullugit atitussuseqartumik 1,26% angullugu nikkelinik, 0,45% angullugu kanngussannik, aamma tonimi ataatsimi 13,43 grammit angullugit platininik aatsitassanik aamma kuultimik ataqatigiissunik akuissuseqartut pitarlugit putoorisoqarpoq. Nunap qaavani pilattukkanit misissugassani sumiiffiit aatsitassartaqartut misilerarneqarput, 5,0 meterit tikillugit atitussuseqartumi 1,92% tikillugit nikkelitaqarlutik, 1,01% tikillugit kanngussattaqarlutik, 0,165% tikillugu Koboltitaqarlutik, tonimi ataatsimi 0,909 gramminik palladiumitaqarlutik aamma tonimi ataatsimi 0,99 gramminik platinitaqarlutik.

North American Nickel-ip nunap qaavani geofysikimit nutaamit paasisat suli allanik geofysiskimik paasissutissanut nalunaarsukkanut ataqatigiissinnissaat siunertaraa, taakkua suliassami oqaluttuarisaanermi qillerlugit putulianik ammaaqqinnernit pissarsiarineqassallutik, aammalu ilusilianik suliaqarnermut ikiorsiinissamut taakkunannga geofysiskimik tuuttortaanerit atorneqassallutik.

Bell Lake offset dyke-mut uuttuutit pingasut atorlugit ujarassiornikkut ilusiliaq, sumiiffimmi siusinnerusukkut qillerinernit qillerinernut nalunaarsukkat ikiorsiullugit ilusilersorneqassaaq. Paasissutissat taakkua oqaluttuarisaanermi qillerummit qaqitat nalunaarsoqqinneqarnerannit paasissutissanik nalunaarsukkanik tapertaqartinneqassapput, aammalu qillerinermut siunnerfinnik nassuiaanissamut geofysiskimik paasissutissanut nalunaarsukkanut tamanut ataqatigiissinneqassallutik. Ujarassiornermut ilusiliaq sananeqaleruttorpoq, aammalu geofysiskimik misissuinissat pillugit isumaqatigiissutit atsiorneqartussanngulerput. Nunap qaavanik nassuiaaneq, pisuussutinik naatsorsuinermi naliusunut periarfissaqarfiusut nalilersornissaannut Ingerlatseqatigiiffiup iluaqutigissavai.

Bell Lake-mi sumiiffik 100%-imik kisermaassiffiusoq Nairn Centre-mut qanittumi Sudbury-mi Intrusiv-eqarfissuup kujammut kimmuinnaq teqeqquani inissisimavoq. Sumiiffimmut aqqutissaq Trans-Canada-p aqquserna pingaarneq aammalu Sudbury-mit 50 km missaannik isorartussusillit aqqusernit ujaraaqqanik qallikkat tulleriissaartut aqqutigalugit aqqutigiuminarluinnarpoq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4