TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel-ip Kalaallit Nunaanni Maniitsumi suliassaani SkyTEM atorlugu misissuinermi nutarterineq

October 17, 2011

Vancouver, Britisk Columbia - (Marketwire – 17.oktober 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) - North American Nickel-ip ("NAN") matumuuna Ingerlatseqatigiiffiup Kalaallit Nunaanni SkyTEM atorlugu misissuinerani nutarterineq nalunaarutigaa.

SkyTEM-imi periaaseq ulloq 15. september Maniitsumut tikiunneqarpoq, timmisartorneq ulloq 17. september aallartinneqarpoq, aammalu misissuineq ulloq 6. oktober naammassineqarpoq. Katillugit 2.217 titarnerit-kilometerit blokkeni marlunni innaallagiamik kajungerisaqarneranik aamma kajungerisaqarneranik uuttortaasoqarpoq. Condor Consulting-ip, silaannakkoortumik geofysik-imut suliassaqarfimmi immikkut ilisimasaqartuusup akuerisaasup, paasissutissat pitsaassusaa ullut tamaasa misissortarpai.

Paasissutissanik nalilersuinerugallartup takutippaa taakkua pitsaasumik pitsaassuseqartut, aammalu nunap ilusaa qutaarluugaluartoq, qulimiguullip nunap ilusaa malillugu timmisinnaasimasoq. Sapaatit akunnerisa 7-iniit 8-inut iluanni paasissutissat ataatsimoortut portussutsinit assigiinngitsunut tunngasut inaarutaasut aammalu SkyTEM-imit aallarniutaasumik nassuiaanerit naammassissasut naatsorsuutigineqarpoq. Taanna Maniitsumut tunngatillugu aatsitassarsiorluni misissuinermut paasissutissaasivianut pioreersumut ilanngullugu inissinneqassaaq, aammalu sukumiisumik nalinginnaasuunngitsunut nikkel sulfid anomali-nut misissoqqissaarneqassallutik. Nalinginnaasuunngitsut qaffasissumik pingaartinneqartut pingasunik annertussusilikkani pisuusaartitsivigineqassapput aammalu qillerummit qaqitassanik qillerinissanut piareersarneqassallutik.

NAN-ip tusagassiuutitigut nalunaarutaani ulloq 12. september 2011-imeersumi nassuiarneqartutut, Maniitsumi suliassaq Kalaallit Nunaata kujataani kitaaniippoq aammalu nikkelinik-kanngussaap sulfid-ini aatsitassannguussimasunik qaffasissumik akuissuseqartunik arlalipparujussuarnik norit-imi pinngoriartorsimasunut akuliussimasunik akoqarluni. Sumiiffiit maannakkut misissuinermi ilaatinneqartut aamma GeoTEM-imi periaatsimik suluusalimmik 1995-imi timmisartorfigineqarput, tassani taamaallaat EM-imi nalinginnaanngitsut paasineqarlutik. NAN isumaqarpoq SkyTEM-imi periaaseq nunami qutaarluusumi, Maniitsumi suliassami ilisarnaataasumi, najukkami nalinginnaasuunngitsunik nikkelimut-kanngussammi sulfidinut atasunut pitsaanerujussuarmik naleqquttuusoq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut.

Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4