TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel-ip Kalaallit Nunaata kujammut kippasissortaani Ingerlatseqatigiiffiup Maniitsumi suliassaani sumiiffiit qulimiguulimmik Elektromagnetiskimik aamma kajungerisaqarneranik misissuinernik suliaqarfiusussat toqqartorpai; SkyTEM-imut isumaqatigiissuteqarpoq

September 12, 2011

Vancouver, Britisk Columbia - (Marketwire – 12. september 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna nalunaaruteqarpoq, Ingerlatseqatigiiffiup sumiiffiit marluk qulimiguulimmik ”time-domain” elektromagnetiskimik (TEM) aamma kajungerisaqarneranik misissuinerni suliaqarfiusussatut toqqarsimagai, suliaqarnerit ataatsimoortinnerinit, ilanngullugu oqaluttuarisaanermi timmisartumik geofysiskimut paasissutissat nalunaarsukkat nutaamik nassiuarneqarnerat aammalu asimi pisussanut pilersaarut qanittumi naammassineqartoq, paasisat aallaavigineqarlutik.

Sumiiffiit marluk taakkua, Blok 1-itut aamma 2-itut taagorneqartut, inissinneqarnerat ilusiliaq 1-imi takutinneqarput. Taakkua ataatsimut katillugu nunaminertami 360 km2-it missaannik annertussuseqartumiipput aammalu uuttortaanermi 2.000 linje-kilometerit missaat ilaatinneqassallutik. Narlumuinnaq ungasissusaa 100-miit 200 meterimut nikerassaaq.

NAN-ip qulimiguulimmik TEM atorlugu uuttortaanernik suliaqarnissaq, septembarip qiteqqunnerani aallartittussatut pilersaarutigineqartoq, pillugu SkyTEM Surveys ApS-imut isumaqatigiissut atsiorpaa. SkyTEM suliffeqarfiuvoq danskinit pigineqartoq Kalaallit Nunaanni misilittagaqartuusoq, aammalu qulimiguulimmik TEM atorlugu aamma kajungerisaqarneranik misissuinernik suliaqarnissamut nassuiaanissamullu pikkorissunik sulisoqartoq.

Misissuinermi siunertaasoq
suliaqarnermi tassani siunertaavoq qillerinernut siunnerfissanik nassaarniarnissaq. NAN-ip tusagassiuutitigut nalunaarutaani ulloq 15. august, 2011 ullulerneqartumi nassuiarneqartutut, Maniitsumi suliassaq qaffasissumik akuissuseqartunik nikkelinik-kanngussannik sulfid-inik aatsitassannguussimasunik noritiske intrusiv-inut atasunik arlalippassuarnik peqarfiuvoq. Suliassap sumiiffiata ilarujussua 1995-imi suluusalimmik GeoTEM atolugu misissuiffigineqarpoq, kisianni EM nalinginnaasuunngitsut ikittuaraannaat paasineqarlutik, aammalu malitseqartitsilluni qillerinernik suliaqartoqarani. NAN isumaqarpoq nunami qutaarluusumi, Maniitsumi suliassap ilisarnaatigisaani, nalinginnaasuunngitsut nikkelinik-kanngussannik sulifid-it eertaasatut angissusilinnut assigiiaanngitsumik ilusilinnut akuliussimasut sumiissusersinissaannut, qulimiguulimmik TEM-imi periaaseq nutaaliaasoq annertunerujussuarmik naleqquttuusoq. 1995-imi suluusalimmik GeoTEM-imut periaaseq atorlugu aatsitassannguussimasunut naleqqiullugu pitsaanngitsumik isikkiveqartumut akuttunngitsumik timmisoqartariaqartarsimavoq, aammalu qaffasissorujussuarmi timmisoqartariaqartarsimalluni. Qulimiguulik atorlugu periaatsimi nunap ilusaata malinnissaa ajornannginnerussaaq kiisalu aatsitassannguussimasunut sammisumik timmisartortoqarsinnaassalluni. Tamatuma saniatigut qulimiguulimmik periaatsimi tigusissutip nipiliornera nipikinnerujussuussaq, tamannalu assigiinngitsumik iluseqartunik sulfid-qarfinnik paasisaqarnissamut iluaqutaassaaq.

Blok 1-imi aamma 2-imi sumiiffiit misissuiffigineqartut
Blok 1 346 km2-isut annertussuseqarpoq. Tassaniipput noritske intrusiv-it anginerpaat, aammalu suliassap sumiffiani nikkeleqarfiit annertunerpaat tassaniillutik (ilusiliaq 2). Timmisartumit kajungerisaqarneranik uuttortaanermit oqaluttuarisaanermi paasissutissat nalunaarsukkat nutaamik nassuiarneqarneranni paasineqarpoq, suliassap sumiiffiata ilaani tassani norit intrusiv-it annertuumik kajungerisaqarnermik ilisarnaateqartut. Ilisarnaataasut taakkua nunap assiliorneranni paasinarsivoq, ujaqqat noritisk-iusut amerlanerujussuusut ilimanartoq aammalu nikkelinik-kanngussannik aatsitassannguussimasut tassunga atasut nunap qaavaniluallaat takussaasut.

Blok 2 avannamut kangimuinnaq ingerlaartumut noritisk intrusiv-imut Pingo-mik taagorneqartumut tunngassuteqarpoq, 4 km-init annertunerusumik isorartussusilimmi takussaalluni (ilusiliaq 3). Sumiiffiit manngertornisimasut m2-ialunniit 100 m2-inut annertussuseqartut norit tamaat atuataarlugu takussaapput, aammalu magnetkis-imik annikitsuaqqamik (1-2% tikillugu) aamma sumiiffimmi kanngussassamik akoqarlutik. Pululiaq ikkattoq (61,88 m) 1970-imi norit-it ersiinnartut qeqqisa eqqaanni qillerneqarpoq, aammalu 4,16 meterinik akuttussuseqartumik qupineqarluni sulfid-inik aatsitassannguussimasunik Ni-imik 0,58%-imik aamma Cu-mik 0,24%-imik annikitsumik akoqarluni. Taanna intrusion-imi qillerinerit nalunaarsorneqarsimasut kisiartaraat.

Nuna misissuiffigineqartoq
Pingo-p sumiiffiani nuna annertoorujussuarmik qutaarluuvoq, taamaattumik 1995-imi GeoTEM atorlugu misissuinermi 125 meterisut portussuseqartumik timminissaq inassutigineqaraluartoq 100 meterinik qulaallugu portussuseqartumi timmisariaqartarsimallutik, tamatumalu periaatsip EM-inik nalinginnaasuunngitsunik periarfissaqarfiusunik nassaarnissamut periaatsip piginnaasai annertuumik annikillisittarpai. Paasissutissani nalunaarsukkani nassuiarneqaqqaaraluartuni EM-inik nalinginnaasuunngitsunik nalunaarsuisoqanngilaq, kisiannili NAN-ip nutaamik nassuiaanerini EM-inik nalinginnaasuunngitsunik pingasunik pingaaruteqartunik paasisaqartoqarluni, Pingo-norit-ip kujammut killinga avillugu titarneqalersitsisumik. Nalinginnaasuunngitsut taakkua ilaatigut timmisartup nipiliorneranut assigupput, taamaalillutillu nunami annertussutsinit imikkoortikkuminaallutik. Taakkua nalilersorsinnaanissaannut aammalu nalinginnaasuunngitsunik allanik Pingo-norit-imut atasunik peqarnersoq aalajangiunnissaanut, qulimiguulimmik misissuinissaq pisariaqarpoq.

Ilusiliaq 1 tusagassiuutitigut nalunaarummut matumunnga ilaatinneqartoq takuniarlugu linki una atoruk: http://media3.marketwire.com/docs/nan912c.jpg

Ilusiliaq 2 tusagassiuutitigut nalunaarummut matumunnga ilaatinneqartoq takuniarlugu linki una atoruk: http://media3.marketwire.com/docs/nan912d.jpg

Ilusiliaq 3 tusagassiuutitigut nalunaarummut matumunnga ilaatinneqartoq takuniarlugu linki una atoruk: http://media3.marketwire.com/docs/nan912e.jpg

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4