TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel-ip Kalaallit Nunaata kujammut kitaani Maniitsumi suliassami aatsitassarsiorluni misissuineq aallartippaa

August 30, 2011

Vancouver, Britisk Columbia - (Marketwire – 30. august, 2011) - North American Nickel Inc. ("NAN") (TSX VENTURE: NAN) (OTCBB: WSCRF) (CUSIP: 65704T 108) matumuuna nalunaaruteqarpoq, aatsitassarsiorluni misissuinissamut pisinnaatitsissuteqarfiup kisermaassisussaatitaaffiusup sumiiffiata 4.841 km2-inik annertussuseqartup iluani sumiiffiit periarfissaqarfiusut nalilersorniarlugit, Ingerlatseqatigiiffiup asimi suliaqarnissaq aallartissimagaa. Nalinginnaasuunngitsut elektromagnetiskiusut, 1995 GeoTEM atorlugu timmisartumik suluusalimmik misissuinermik qanittumi nutaamik nassuiaanermit paasineqartut, kiisalu sumiiffiit allat soqutiginaatillit siusinnerusukkut suliaqarnerit aamma satellitsikkut assilisat ataatsimoortinneri tunngavigalugit nassuiarneqartut, malitseqartitsilluni qulimiguulimmik Time Domain elektromagnetiskimik (TEM) uuttortaanissamut septembarimi aamma oktobarimi pilersaarutigineqartumut sumiiffiit uuttortaaviusussat nassuiarnissaat siunertaralugu, nunap qaavani misissorneqassapput.

NAN-ip tusagassiuutitigut nalunaarutaani ulloq 15. august, 2011 ullulerneqartumi nassuiarneqartutut, Maniitsup eqqaani nikkel-kanngussak sulfid-inik aatsitassannguussimasunik norit intrusiv-inut akuliussimasunik amerlasoorpassuarnik peqarpoq. Intrusiv-ini taakkunani siusinnerusukkut qillerineq kisiartaasoq 1965-ip aamma 1972-ip akornanni pisimavoq. Qillerinermi tassani nunap qaavani aatsitassannguussimasut kiisalu nunap qaavanut qanittumi nalinginnaasuunngitsut geofysiskiusut norit-inut ersiinnartunut tunngassuteqartut misilerarneqarput. Putuliat agguaqatigiissillugu takissusaat 45 meterit missaanniippoq, kisianni qulluinerni annertuuni ilaatinneqarput:

  • Imiak Hill eqqaani 9,85 meterit med Ni-imik 2,67%-imik aamma Cu-mik 0,60%-imik akoqartut
  • Fossilik eqqaani 12,89 meterit Ni-imik 2,24%-imik aamma Cu-imik 0,63%-imik akoqartut

N.B. Taakkua oqaluttuarisaanermi paasisaapput, aammalu North American Nickel-imit uppernarsineqarsimanatik.

Imiak Hill aamma Fossilik NAN-ip ujarassiuuinit suleqatigiinnit toqqarneqartut sumiiffiit 15-init amerlanerusut ilagaat.

Qulimiguulimmik TEM atorlugu misissuineq pisussaq pitsaanerulersinniarlugu, asimi suliaqarnermit paasisat, Ingerlatseqatigiiffiup oqaluttuarisaanermi suliaqarnernut paasissutissaasivianut pigineqartumut akuliutsinnissaat NAN-ip siunertaraa. Qulimiguullip TEM-imi periaasiani 1995-imi suluusalimmik misissuinermi atorneqartunit attaveqarnermut-nipiliornermut tunngasut pitsaanerujussuupput, tamatumalu saniatigut nikkelinik-kanngussamik sulfid-init aatsitassannguussimasunit geofysiske-mik paasisaqarnerit nalunaarsornissaasa annertunerulersinnissaannut timminermi qutsissusissaq pisariaqartoq qulimiguullip pitsaanerusumik angusinnaavaa.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4