TSX-V: nan $0,23 +$0,01 +4,65% Volume: 1.500 November 26, 2020

Navigation

North American Nickel-ip Post Creek-Halcyon-imit Sudbury, Ontario-imiittumit qillerinermut pilersaarummit paasisat tamanut ammasumik saqqummiuppai

December 14, 2011

Vancouver, Britisk Columbia - (Marketwire – 14. dec 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") Ingerlatseqatigiiffiup Post Creek-imi suliassaani Quadra-FNX-ip Podolsky-mi nikkelinut-kanngussannut-PGM-inut aatsitassarsiorfiata eqqaani Sudbury Complex ("SC") magmatiskit footwall-ianni inissisimasumi 1.500 meterinik qillerinermik pilersaarummi suliaqarnermit qanittumi naammassisumit paasisat matumuuna nalunaarutigai.

Qillerinermi pisussanut pilersaarummi aallarniutaasumi, nunap qaavani geofysiskimik InfiniTEM elektromagnetiske ("EM") atorlugu paasisat nalinginnaasuunngitsut amerlanerusut, CJ Breccia Bælte qanittumi paasineqaqqammersumut akuliussimasut, misileraavigineqarnissaat eqqarsaatigineqarpoq. Breccia bælte aasaq taanna siusinnerusukkut paasineqarpoq, aammalu kvartsdiorit-inik akoqarnerusunik ilaatigut SC-ip pinngoriartuaarneranut atasumik breccianik aakkiartorsimasunik asseqanngitsunik akoqarluni. Peqarfik sumiiffimmi minnerpaamik 700x800 meterisut annertussuseqartumiippoq. Taanna tamakkiisumik killissalersorneqanngilaq, aammalu sammivinnut tamanut ammalluni.

North American Nickel-ip pisortaa aamma Chief Operating Officer Dr. Mark Fedikow oqarpoq: "CJ Breccia Bælte ujaqqanit taassuma eqqaaniittunit aatsitassannguussimasut suussutsit arlallit ilaatinnissaannut annertussuseqarluni angissuseqarpoq. Assersuutigalugu platinit akui nalinginnaasuunngitsut (0,39 g/t) aamma palladium (0,40 g/t) 0,5 meterinik akuttussusilimmi sulfid-ini aatsitassannguussimasuni nassaarineqarput, Breccia bælte-mi annikitsumik svovlimik akoqarlutik. Aatsitassannguussimasunik aningaasaqarnikkut akuissuseqartunik suli nassaanngikkaluarluta, paasisat siulliit neriulluarfigaavut, suliassami paasisimasaqarnerulersimmatigut. Footwall-imi avatangiisini asseqanngitsuni taakkunani Sudbury-mi aatsitassannguussimasut suussusaasa paasiniarnera sulissutigaarput."

North American Nickel-ip qillerinermi pisussanut pilersaarutaani siullermi aamma qillerlugu putuliami tassunga atasumi Pulse EM (BHPEM) atorlugu misissuinerni Breccia bælte-p ilisimaneqartup taassuma 25%-iata missaa 300 meterinut taamaallaat itissusilimmut misilerarneqarpoq. Aatsitassarsiorluta misissuinerput aamma ujarassiornermi nunap assiliornermut pisussanut pilersaarutivut, Post Creek Breccia bælte sammivinnut tamanut annertusitinniarlugu ingerlaqqipput, aammalu pisussanut pilersaarutit taakkua upernaamut ingerlateqqinneqassapput.

Nunap qaavani aatsitassannguuttuni akuliussimasuni ilaapput magnetkis aamma kanngussassaq siammarsimasut, EM nalinginnaasuunngitsunut aammalu malunnaatilimmik qaffasissumik kajungerisaqartunik nalinginnaasuunngitsunut assigusut. Breccia bælte nikkelinik-kanngussannik-platineqatigiinnik peqarfeqarnissamut periarfissaqarfiusumut nunap ilusaanut annertunerusumik nungusimasumut footwall-itut nassuiarneqarpoq, Sudbury footwall-immi peqarfinnut tunisassiorfiusunut allanut assigulluni, soorlu Podolsky-mi aatsitassarsiorfik.

Qillerinermit paasisat
Putusinerit aatsitassartaqartut
qillerlugu putuliamit paasisat, ilanngullugit Post Creek-ip aamma Halcyon-ip sumiiffiinit immikkoortut aatsitassannguussimasut, takussutissiaq 1-imi eqikkarneqarput. Qillerlugit putuliat tamarmik Lamontagne Geofysik-imit periaatsit BHPEM ilisimaneqartut, Sudbury-mi aatsitassarsiorfiit sumiiffiini annertuumik iluatsitsiviulluartumik atorneqartut, ikiorsiullugit misileraavigineqarput. Lamontagne-mit inaarutaasumik nassuiaanerit aamma nalunaarusiaq suli naammassineqanngillat.

Qillerlugit putulianit PC-14, -15 aamma -16 paasisat paasinarsisippaat InfiniTEM atorlugu misissuinerni nalinginnaasuunngitsut, magnetkis-inik, pyrit-inik aamma ujaqqani qaqqamit anitsisartuneersunit magnesiummimik saviminissamillu akoqartuni aamma gabbro-ni sumiiffinni kanngussassartaqartunik saattunik manngimasunit manngertunit eertaasatut angissusilinnik pissuteqartut. Ujaqqat aatsitassannguussimasut takussutissiaq 1-imi nassuiarneqartut, CJ breccia bælte-mi ujararujussuartut takussaapput. Sulfid-it qaleriiaat taakkua Lamontagne-mit som et 40 meterisut takissusilittut qaleriittut, kangimuinnaq 30 gradinik 120 meterinut ammuinnartutut nassuiarneqarput.

Sumiiffimmi sakkortuumik kajungerisaqartoq nalinginnaasuunngitsoq qillerlugu putuliami PC-18-imi misileraavigineqarpoq, aammalu magnetit saviminissanut akimut putuneqarluni.

Qillerlugu putuliat PC-17, -18 aamma -19, CJ Breccia bælte ujarassiornikkut atitunerusumik paasisaqarfiginiarlugu, aammalu kingusinnerusukkut BHPEM atorlugu misissuinernut aallaavissatut, qillerneqarput. Putuliani taakkunani geofysiskimik qisuariarnernik takusaqartoqanngilaq. Kvarts diorit brecciat ilaatigut aassimasut, sumiiffinnik 2-3%-inik siammarsimasunik magnetkis-inik aamma kanngussassanik akoqartut (Breccia bælte-mi qitiusumik akuusut) akimorlugit putuneqarput. Aatsitassannguussimasut taakkua sulfid-takittunut avatangiisinut takussutissaasoq isumaqartoqarpoq PGM-nik aatsitassannguussimasoqarsinnaanera periarfissaqarfiulluni, kiisalu CJ breccia bælte-mi geokemiskimik aatsitassannguussimasoqarsinnaaneranut aqqutissiuussisuullutik.

Takussutissiaq 1. Post Creek-Halcyon-imi qillerinermut pisussanut pilersaarummit aatsitassannguuttunik putoorinernut takussutissiaq.

Misissueqqissaarnerup inerneri
putulianit arfineq marlunnit qillerummit qaqitat tamarmik immiunneqarput, pilattuummik diamantimik killorneqarlutik aammalu misissoqqissaarneqartussanngorlugit nassiunneqarlutik. Misissueqqissaarnerit tamarmik Agat Laboratories-imit, ISO-mi akuersissummik allagartaqarluni laboratoriaqartumit suliarineqarput. Paasisat takussutissiaq 2-imi matuma kingulianiittumi eqikkarneqarput.

Kanngussak aamma kuulti qaffasissumik akoqartut putuliani PC-15-imi aamma PC-18-imi sumiiffimmi 2-3%-inik siammarsimasunik kanngussassanik aamma magnetkis-imik akoqartuni takussaapput. Aatsitassannguussimasut taamaattut qillerinerni arlalinni takuneqarput, aammalu pisussanut pilersaarummi ingerlatsivigineqartumi suli allanik misissugassanik tigusinissamut misissueqqissaarnissamullu siunnerfiussallutik. Ujaqqani qaqqamit anitsisartuneersunit magnesiummimik saviminissamillu akoqartuni Pb-Zn-Ag-inik akoqartoq qillerlugu putuliami PC-16-imi takussaavoq, aammalu sulfid-init aatsitassannguussimasunit aatsitassanit nalinginnaasunit manngertuneersut ilimagineqarluni. Platinit aamma palladium-it nalinginnaasuunngitsut akuusut qillerlugu putuliani PC-14-imi aamma 19-imi sumiiffinni arlalinni takussaapput. Kanngussak (0,29%) aamma kuulti (1,7 g/t) qaffasissumik akoqartut oxid facies saviminissaqarfimmi uppernarsineqarput.

Takussutissiaq 2. Post Creek-Halcyon-imit qillerlugit putulianut pilersaarummit misissueqqissaarnermit paasisanut qaffasissumik akoqartunut takussutissiaq

2012 AATSITASSARSIORLUNI MISISSUINEQ
2011-imi aatsitassarsiorluni misissuinissamut pileraarummi ilaatinneqarput suliassap pilersaarusiornissaa, ujarassiornikkut nunap assiliorneq, InfiniTEM atorlugu geofysiskimik misissuinerit kiisalu 1500 meterinik qillerummit qaqitassanik qillerinerit. Pisussanut pilersaarummi ilaatinneqarput Post Creek-imi aamma Halcyon-imi suliiffinni CJ Brecciaqarfimmi 300 meterit qalliit aamma taassuma 25%-iata missaa. Brecciaqarfimmi kanngussannik-nikkelinik-PGM-inik aatsitassannguussimasut North Zone-imi nunap qaavani, aamma Podolsky-p aatsitassarsiorfiani 2000 Zone-mi nunap qaavata ataani 500 meterit missaanni takussaapput. CJ Brecciaqarfimmi 2011-imi Ingerlatseqatigiiffiup aatsitassarsiorluni misissuinerani 2000 Zone-p itissusaani paasinarpoq kanngussannik-nikkelinik-platininik aatsitassanik-kuultinik kiisalu siilvinik 300 meterit ataanni aatsitassannguussimasunik annertoorujussuarnik periarfissaqarfiusunik peqartoq.

Post Creek-imut aamma Halcyon-imut 2012-imi pilersaarummi ilaapput, CJ Brecciaqarfimmut killeqarfiit naasuiarnissaat aammalu 300 meterit ataanni itissutsini periarfissaqarfiusut nalilersornissaat siunertaralugu ujarassiornikkut nunap assiliorneq, suliassap pilersaarusiornissaa, geokemiskimik aamma geofysiskimik misissuinerit, ilanngullugit qillerummit qaqitassanik qillerinerit aamma BHPEM.

Pitsaassutsinik qulakkeerineq / Pitsaassutsimik nakkutiginninneq aamma misissueqqissaarnermi periaaseq
Qillerummit qaqitassanik qillerinernit paasisat pitsaassutsimik qulakkeerinissap aamma pitsaasssutsimik misissuinissap ilaatut nalilersorneqassapput, ilaatinneqarlutik tamatigoortunik akuutinneqartunik atuinissaq, aatsitassanik erlinnartunik aamma nalinginnaasunik akoqartunut pitsaassusissanut malitassat akuerissummik allagartaqarfiusut matrix-inut naleqqussagaasut, misissueqqissaarnerup inernerisa eqqoqqissaassusaannik eqqoqqissaarinissaannillu aalajangiinissamut malitassat aamma misissuinermut titartakkat atorneqartussat. Qillerummit qaqitassanik qillerinernit misissugassat Agat Laboratories-imit Toronto-mi Ontario-miittumi, ISO-mi akuersissummik allagartaqarfigineqartumik laboratoriami misissoqqissaarneqarput.

Qillerinermit misissugassat akuisa aalajangernissaannut misissueqqissaarnermut periaatsit pingasut atorneqarput. Taakkunani ilaapput 1. Tamatigoortunik akoqartunik assiliineq syre-mik ammaanertaqartoq aamma ICP / ICP-MS atorlugu misissueqqissaarneq; 2. Au, Pt aamma Pd (misissugassat 30 grammit aamma assay sisamat) ICP-MS misissueqqissaarnertaqartoq; aamma 3. Lanthanide aamma lithium borat fusion ICP-MS atorlugu misissueqqissaarneq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD tolkes som værende en forlængelse af Worthington Offset Dykenip, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup nangissutaatut nassuiarneqarpoq, tassanilu ilaapput Vale-p Totten-imi Aatsitassarsiorfia qanittumi ammarneqartoq kiisalu Quadra FNX-p Victoria-mi peqarfia neriulluarnartoq.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4