TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel-ip nalunaarutigaa Dr. Walter Peredery Ingerlatseqatigiiffiup Advisory Board-ianut toqqarneqartoq; Aktiaatinik pisinissamut salliusussaatitaanermik tunniussineq

September 6, 2011

Vancouver, Britisk Columbia - (Marketwire – 6. September, 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") matumuuna nalunaarutigaa Dr. Walter Peredery Ingerlatseqatigiiffiup Advisory Board-ianut toqqarneqartoq.

Ukiuni 40-init amerlanerusuni najukkami aamma nunani tamalaani nikkelimik-kanngussammik aamma platin-eqatigiinnik aatsitassannguuttunik misilittagaqarneq Dr. Peredery-p North American Nickel´s Advisory Board-ianut eqquppaa. Misilittagaanni ilaapput INCO Ltd.-imi aatsitassarsiorluni misissuinermi aamma ilinniagartuutut ujarassiuutut ukiuni 32-ini sulisimaneq, aamma ukiuni 14-ini Sudbury-mi aallaaveqarluni namminersorluni siunnersortitut sulisimaneq. Walter McGill University-mit B.Sc.-itut aamma M.Sc.-itut soraarummeersimavoq, aammalu ilisimatusarfimmi ilinniarnermini University of Toronto-mit Ph.D.-itut naammassisimalluni. Ilisimatusarnermut soqutigisai assigiinngisitaarput annertoorujussuullutillu, aammalu Manitoba-mi Thompson Nikkel Bæltet pillugu aamma Sudbury-mi imaani ujarassiorneq pillugu pappiaqqanik arlalippassuarnik saqqummersitsisimalluni, ilanngullugu Immikkut saqqummersitaq 1 "Geology and Ore Deposits of Sudbury"-mut ilanngussat Ontario-mi ujarassiornermi misissuisarfimmit saqqummersinneqartoq. Walter kingullermik "Geology and Mineral Deposits of Ukraine"-mut University of Toronto Press-imit 2007-imi saqqummersinneqartumut aaqqissuisuuvoq. Prospectors and Developers Association of Canada-mi ilaasortaavoq, aammalu Association of Professional Geoscientists of Ontario-mi P. Geo.-tut nalunaarsorsimalluni.

Ingerlatseqatigiiffik Ingerlatseqatigiiffimmi pisortanut, atorfilinnut, sulisunut, siunnersortinut aamma siunersuisartunut Ingerlatseqatigiiffiup aktiaatinik pisinissamut salliutitsinissamut pilersaarutaa naapertorlugu, aammalu oqartussaasut akuersissuteqarnissaat apeqqutaatillugu, Ingerlatseqatigiiffiup aningaasaataanni aktiaatinik 1.450.000 tikillugit pisinissamut aktiaatinut salliusussaatitaatitsivoq. Salliusussaatitaanerit kingusinnerpaamik ulloq 6. september 2016 atuinermut akigititaq aktiamut ataatsimut $ 0,25 atorlugu pisinermut atorneqarsinnaapput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4