TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel nalunaaruteqarpoq IR-ip aamma paasissutissanik nalunaarsukkanik katersinissamut isumaqatigiissutip ataani nuussinerit Ingerlatseqatigiiffiup naammassigai

August 31, 2011

Vancouver, B.C. - 31. august 2011, North American Nickel Inc. (TSXV: "NAN" OTCBB: "WSCRF" CUSIP: 65704T 108). North American Nickel Inc.-ip ("Ingerlatseqatigiiffik") matumuuna nalunaarutigaa, Ingerlatseqatigiiffik tusagassiuutitigut nalunarummut ulloq 15. august, 2011 ullulerneqartumut tapiliullugu, Hunter Minerals Pty Limited-ip ("Hunter") aamma Spar Resources Pty Limited-ip ("Spar") akornanni pigisanik pissarsiarineqartunik inatsisitigut illersuinissaq aamma paasissutissanik nalunaarsukkanik katersinissamut isumaqatigiissut, Kalaallit Nunaanni Maniitsumi aatsitassarsiorluni misissuinissamut pisinnaatitsissutip pissarsiarineqarneranut atatillugu isumaqatigiissutigineqartoq, naapertorlugit nuussinerit Ingerlatseqatigiiffiup matusimagai.

Salliusussaatitaanerit Hunter-imit aamma Spar-imit akilerneqartut tassaapput aningaasanngorlugit $ 300.000 aamma aktiaatinik 12.960.000-inik pisinissamut salliusussaatitaanerit, akigititat assigiinngitsut ulloq 15. august 2011 tusagassiuutitigut nalunaarummi allassimasut atorlugit ukiut tallimat ingerlaneranni atorneqarsinnaasut. Tamatuma saniatigut Hunter-imut aamma Spar-imut Maniitsumi suliassamut tunngatillugu ilanngaaseereernermi 1,25%-imik NSR royalty-mik tunniussisoqarpoq, Ingerlatseqatigiiffik Hunterimut aamma Spar-imut 1,0 millioner dollarsinik akiliilluni, royalty-t marluusut 0,5% NSR royalty-mut appartinnissaannut pisinnaatitaaffeqarluni.

Ingerlatseqatigiiffik aamma Don Whalen-imut nuussinermut atatillugu aningaasarsiarititatut aktiaatinik 200.000-inik tunniussivoq.

Aktiatinik pisinissamut salliusussaatitaanerit aamma aningaasarsiarititat inatsisini aalajangersagaasumik piffissami uninngatinneqartussaatitaapput, taannalu ulloq 31. december 2011 naasussaavoq.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4