TSX-V: nan $0,23 +$0,00 +0% Volume: 3.500 November 27, 2020

Navigation

North American Nikkel Post Creek-imi aamma Halcyon-imi suliassani footwall-inik ilusilinnik nassaarpoq; Qillerinerit septembarip qiteqqunnerani aallartinneqassapput

September 12, 2011

Vancouver, Britisk Columbia - (Marketwire – 12. September, 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna nalunaaruteqarpoq, Ingerlatseqatigiiffiup Post Creek-imi suliassaani, ujarassiornermi alapernaarsuinerit footwall-inik iluseqartunik peqarneranik paasinarsisitsimmata, qillerummit qaqitassanik qillerinerit ulloq 15. septembarip missaani aallartinneqassasut. North American Nickel Post Creek-imi qillerinernik minnerpaamik 1.500 meterinik suliaqarnissaq pillugu Chenier Boring-imut, Hanmer, Ontario-miittumut isumaqatigiissuteqarpoq.

Pisortaq aamma COO. Mark Fedikow oqarpoq: "NAN-ip ujarassiuuisa ujarassiornikkut nassuiaanerisa, sukumiisumik nunap assiliornermik, kiisalu nunap qaavani issumik piiaanermik aamma qulaarneqartunik saliinermik aallaaveqartup, Post Creek-imi suliassatsinni footwall-inik iluseqartunik peqartoq paasinarsisippaat. Offset dyke-it immikkuullarissut marluk ujarassiornikkut nassuiarneqarallarnerisa paasissutissanik suli allanik ataqatigiissillugit, ilutsit taakkua footwall-inik iluseqartunut sanilliunneqarsinnaasut nassuiaqqinneqarnissaannut pisinnaalersippaatigut. Nunap ilusaani tassani EM atorlugu nunap qaavani kingullermik misissuinitsinnit nalinginnaasuunngitsut qillerinermi misilerarnissaannut qilanaarpugut, tassami footwall-ini avatangiisit taakkua ujaqqat nikkelitaqartut sinerlugit, Sudbury-mi aatsitassarsiorfiup sumiiffiani kanngussannik-nikkelinik-platin-eqatigiinnik aatsitassanik-kuultimik-siilvimik peqarfiit anginersaasa peqarnersaasalu ilaat tassaniimmata."

Post Creek-imi nunap ilusaa
North American Nickel-ip Ingerlatseqatigiiffiup Post Creek-imi suliassaani nunap ilusaani taakkunani nassuiaanerini, footwall-imik ilusillit brecciering-itaqartut, kvarts diorit-itaqartut aamma ilaatigut aassimasunik pingaarnertut akoqartut ilaatinneqarput. CJ # 1-ip aamma # 2-ip sumiiffiini Post Creek-imi nunap ilusaa siusinnerusukkut Whistle-mi nikkelinut-kanngussannut aatsitassarsiorfiup, Podolsky-p aatsitassarsiorfiata kiisalu qaffasissumik akuissuseqartup North Zone-p ("Golden Sidewalk") nangissutigineraa pillugu naliliinissaq sulissutigineqarpoq. Taamatut ataqatigiissimasinnaanera nassuiaanerup takutinnissaa siunertaralugu, matuma kinguliani immersuganngorlugu takutinneqarpoq (ilusiliaq 1).

Ilusiliaq 1 takuniarlugu linki una atoruk: http://media3.marketwire.com/docs/nan912a.jpg

Post Creek-imi suliassami offset dyke-nik marlunnik ("CJ # 1 aamma CJ # 2, takuuk tusagassiuutitigut nalunaarutit 16. juni aamma 16. august) sumiiffiit nassaarfioqqaartut, sumiiffiit assigusut brecciering aamma ilaatigut aatsitsineq atorlugit annertunerusunik qulaajaanernik tapertaqartinneqarput. Sumiiffiit CJ # 1 aamma CJ # 2 dyke-upput "nalinginnaasuunngitsut" sakkortuunik ataneqartut, kisiannilu sumiiffiullutik brecciering-itaqartut mikisualunnik arlalinnik, ujaraaqqaniit ujararujussuarnut angissusaat nikerartunik, akoqartut, aammalu katitigaaneranni kvarts diorit-init aamma amfibolit-init ilaatigut aassimasunik silika-taqarluartut. Sumiiffiit maannakkut 40 meterit tikillugit angissuseqarput, kangimut-kimmuinnaq aamma avannamut-kujammuinnaq hundrede meterit arlallit isorartussuseqarlutik. CJ # 1-imi aamma CJ # 2-imi nunap ilusai Sudbury Intrusiv Complex-ip ("SIC") pileriartornerani ilaatigut ujaqqanik aassimallutik ineriartorsimasuni atituumik torsuusaasamut atasumik kvarts diorit-inik katangarsimasunik peqarfiullutik, sumiiffittut brecciering-itaqartutut nassuiarneqarsinnaapput. Sumiiffiit taakkua ilaatigut aassimasut aammalu kvarts diorit-itaqartut annertunerusumik killissalersorneqarnissaat siunertaralugu, nunap qaavani issumik piiaaneq kiisalu qulaarneqartut salinneqarnerat aallartinneqarpoq.

Oqaluttuarisaanermit isigalugu Sudbury-mmi aatsitassanguussimasut tassaapput sulfid-it manngertut, manngimasut, attaveqaqatigiittut aammalu siammarsimasut, qaarsuni brecciere-ni ujaqqat suminngaaneerfiiniittut, aammalu kanngussannik-nikkelinik-platininik aatsitassanik, kuultinik aamma siilvinik akoqartut. Post Creek-imi suliassami aatsitassarsiorluni misissuinermi, VTEM kajungerisaqarneranik aamma elektromagnetiskimik misissuinerit, nunap qaavani geofysikimik itisuumut qaleriiaani aamma nunap qaavani ”beep mat” atorlugu misissuinerit ikiorsiullugit, aatsitassarsiorluni misissuinermik ilaqartillugit, nalinginnaasuunngitsut innaallagiaqartut arlallit nassuiarneqarput. Abitibi Geophysics-ip InfiniTEM atorlugu CJ # 1-ip aamma CJ # 2-ip sumiiffiini nunap qaavani geofysiskimik misissuinerminni paasisat nassuiarpaat tassaasut "sulfid-inik aatsitassannguussimasut manngertut-manngimasut nunap qaavanit 55 meterit missaanni itissisulimmiittut." Nalinginnaasuunngitsut taakkua saniatigut siusinnerusukkut Whistle Offset-imi nunap ilusaa sinerlugu aatsitassarsiorluni misissuinermit paasissutissat nalunaarsukkat 15% angullugu kanngussammik, tonimi ataatsimi 29 gram angullugu Au-imik aamma tonimi ataatsimi 18,7 gram angullugu Ag-imik appasissumik nikkelitaqartunik misissueqqissaarnernik imaqarput (takuuk 10. januar 2011tusagassiuutitigut nalunaarut).

North American-ip ujarassiuuata Cecil Johnson-ip qanittumi asimi alapernaarsuinerini CJ # 1-ip sumiiffiata kangiani kvarts dioritt-it suli allat ersiinnartut ilaatinneqarput, taakkualu nunap ilusaa nassuiaavigineqartoq annertuumik annertusitippaa (ilusiliaq 2).

Ilusiliaq 2 takuniarlugu linki una atoruk: http://media3.marketwire.com/docs/nan912b.jpg

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel misissuinermik suliaqarnermut aatsitassarsiorfiutileqatigiiffiuvoq Sudbury-mi, Ontario-mi aamma Thompson-imi, Manitoba-mi aatsitassarsiorfiit sumiiffiini kisermaassilluni suliaqarfeqartoq. Ingerlatseqatigiiffiup aallussiffigisai pingaarnerit tassaapput Sudbury-mi, Ontario-mi suliassat marluk kiisalu Ingerlatseqatigiiffiup Kalaallit Nunaanni suliassaa.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Aamma Kalaallit Nunaata kujataata kitaani pisinnaatitsissuteqarfik 4841 km2-itut annertussuseqartoq kisermaassisussaatitaanermik pisinnaatitaaffeqarfiusoq North American Nickel-ip aquppaa. Siunnerfiit pingaarnerit tassaapput nikkeleqarfiit-kanngussaqarfiit qaffasissumik akuissuseqartut, ujaqqanut noritiske-mik allanullu mafiske-mik aamma ultramafiske-mik pinngoriartuaarsimasunut akuliussimasut.

Ingerlatseqatigiiffik South Bay Ni-Cu-PGE qaffasissumik akuissuseqartunut suliassamut Thompson, Manitobap eqqaaniittumut kiisalu Thompson North-imi aamma Cedar Lake-imi sumiiffinni, nunarsuarmi tusaamasaasup Manitoba-mi Thompson Nikkel Bælte-p ilaaniittuni, ineriartortitsiniarluni suliassani angisoorsuarni 100%-imik piginnittuuvoq.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4