TSX-V: nan $0,23 +$0,00 +0% Volume: 3.500 November 27, 2020

Navigation

North American Nikkel-ip Ingerlatseqatigiiffiup Post Creek-imi suliassaani, North Range, Sudbury Basin, Ontario-miittumi Kvarts-Diorit Offset Dyke nassaarineqaqqammersoq nalunaarutigaa

August 16, 2011

Vancouver, Britisk Columbia - (Marketwire - 16 Aug 2011) - North American Nickel Inc.-ip (TSX VENTURE: NAN) (OTCBB: WSCRF) (CUSIP: 65704T 108) ("NAN") Sudbury, Ontario-mi North Range Post Creek-ip eqqaani Whistle offset-imi nunap ilusaani kvarts-diorit offset dyke aatsitassannguussimasut nutaat nassaarineqartut matumuuna nalunaarutigaa.

Pisortaq aamma COO Mark Fedikow oqarpoq: "Post Creek-imi CJ # 1 offset dyke nassaarineqaqqammersup eqqannguani asimi suliaqartutta malitseqartitsilluni aatsitassarsiorluni misissuinerat, Offset dyke-mik nutaamik nassaarnermik inerneqarpoq. Taanna juunimi nalunaarutigineqaqqaartup kangiani 135 meterit missaanni ungasissusilimmi takussaavoq. Aatsitassarsiornissamik periarfissaqarfiusunik misissuinermi aamma maskiinat assaassutit dyke-p nutaap taassuma sammivia sinerlugu qaarsumiittut suli allat qulaarneqarput, tamannalu septemberimi pisussanut pilersaarutigisatsinnut qillerinermi siunnerfissanik nassuiaanissamut suli annertunerusumik tunngavissaliivoq. Offset dyke nutaaq, NAN-ip ujarassiuuanit Mr. Cecil Johnson-imit aamma nassaarineqartoq maannakkut taagorneqalerpoq CJ #2 offset. "

Post Creek Whistle Offset Kvarts-Diorit Dyke-Nutaaq nassaarineqartoq, CJ # 2 CJ # 2 aamma CJ # 1 Offset dyke-t Quadra-FNX-p Podolsky-mi kanngussannut-nikkelinut-PGE-nut aatsitassarsiorfiata avannaani 2,8 km missaanni ungasissusilimmi, aamma Whistle Offset-imi nunap ilusaani takuneqarsinnaasut sinerlugit (ilusiliaq 1) inissisimapput. Sudbury-mi aatsitassarsiorfiup eqqaani kanngussannik-nikkilinik-PGM-inik saffiugassaqarfiit annertuut Offset dyke-nut akuliussimapput, soorlu Post Creek-ip sumiiffiani nassaarineqartut taamaattut.

Qulaarneqartoq annikitsoq offset dyke-ni takuneqartartutut iluseqartoq aamma aatsitassartamigut ilisarnaateqartoq, ”Beep Mat” atorlugu kajungerisaqarnermik uuttortaalluni suliaqarnermut aamma nalinginnaasumik aatsitassarsiorluni misissuinermut ingerlasumut atatillugu NAN-imi ujarassiuumit Cecil Johnson-imit, orpiup uppissimasup sorlaasa ataanni nassaarineqarpoq. Tamatuma kingorna saliinermi aamma nunap qaavani issumik piiaanermi CJ # 2 offset dyke-mi kangimut-kimmuinnat 100 meterit maannakkut qulaarneqarput.

CJ # 1 aamma CJ # 2 dyke-t imminnut ataqatigiinnerat maannakkorpiaq ilisimaneqanngilaq. Dyke-t marluk taakkua offset dyke-t anginerujussuit annertunerujussuillu ilagissagaat eqqarsaatigineqarsinnaavoq. CJ # 1 aamma CJ # 2 dyket tamarmik imminnut sanilliunneqarsinnaasunik iluseqarput aammalu ujaqqat suussusaat imminnut atasuullutik, aamma taakkua marluk tamarmik magnetkis-inik aamma kanngussassanik siammarsimasunik aatsitassartaqarput (ilusiliaq 2).

Abitibi Geophysics-ip itisuumut qaleriiaani EM atorlugu misissuineranit paasisat aallaavigalugit maannakkut nassuerutigineqarpoq, Offset dyke nutaaq, CJ # 2, aamma nalinginnaasuunngitsunut elektromagnetiskiusunut assigusoq, aammalu taassuma suminngaaneerfia nunap qaavaniit ammut 55 meterisut itissusilimmiittoq missiliorneqarpoq. Abitibi Geofysik-p nassuiarpaa nalinginnaaguunngitsoq EM nutaaq taanna "sulfid-inik magnesiumimik saviminissamillu manngertumik-magnesiumimik saviminissamillu manngimasumik aatsitassartaqartutut" oqaatigineqarsinnaasoq (Ilusiliaq 3).

CJ # 1 aamma CJ # 2 aallaqqaasiullugu ujarassiornikkut nassuiarneqarneri CJ # 1 aamma CJ # 2 dyke-t maannakkut NAN-ip asimi suliaqartuinit nassuiarneqarneranni, ujarassiornikkut paasissutissat qanittumi pissarsiarineqartut aallaavigalugit; paasinarsivoq nassaarineqartut offset dyke-p appasinnerusortaaniissinnaasut imaluunniit footwall-imik iluseqartup annertunerusup ilaaniissinnaasut. Dyke-t marluusut tamarmik kvarts-diorit-itut eertatut angitigisukkaartutut Sudbury Intrusive Complex ("SIC") pinngoriartornerani ilaatigut aakkiartuaarsimasunut torsuusatut atituujulluni ersittumut atasutut nassuarneqarsinnaapput. Dyke-mi taassumaluunniit eqqaani qunnerni aatsitassannguussimasut inissisimaneri, aamma/ imaluunniit sammiviani tassanngaannartumik allannguuteqarnerit, qillerinermut pisussanut pilersaarut atorlugu siunissami qanittumi nalilersorneqassapput. Tamanna septembarimi pisussatut pilersaarutigineqarpoq, aammalu CJ # 1 aamma CJ # 2 Offset dyke-nut atatillugu nunap qaavanut qanittumi nalinginnaasuunngitsut misilerarneqassallutik, ilanngullugit InfiniTEM arfineq marluk siunnerfiusut Post Creek-ip sumiiffiani siusinnerusukkut nassiuarneqartut.

Ilusiliaq 1 takuniarlugu linki una atoruk: http://media3.marketwire.com/docs/nan816_F1.pdf.

Ilusiliaq 2 takuniarlugu linki una atoruk: http://media3.marketwire.com/docs/nan816_F2.pdf.

Ilusiliaq 3 takuniarlugu linki una atoruk: http://media3.marketwire.com/docs/nan816_F3.pdf.

Maannakkut aatsitassarsiorluni misissuineq
NAN-ip dyke CJ # 2-ip nutaap eqqannguani aatsitassarsiorluni misissuineq nangeqqinniarpaa aammalu nunap qaavani issoq suli annertunerusoq piiarniarlugu aamma qulaarneqartut salinneqarnerannut ataqatigiissillugu ujarassiornikkut nunap assiliornernik misissugassanillu tigusinernik suliaqassalluni. Aamma nunap qaavani issumik piiaaneq CJ # 2 Offset kangiani kitaanilu ingerlanneqassaaq. Suliaqarnermit taassumannga paasissutissat nalunaarsukkat, nunap qaavani kajungerisaqarneranik misissuinernut nutaanut, pigisaqarfiup tamarmiusup kiisalu sumiiffiup CJ # 1 aamma CJ # 2 Offset dyke-nik ilaatitsiviusup ilaatinnissaannut ilusilersugaasunut, akuliutsinneqassapput. Siunnerfiit toqqartorneqartut 2011-imi septembarimi qillerinermi misileraavigineqassapput.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4