TSX-V: nan $0,23 +$0,00 +0% Volume: 3.500 November 27, 2020

Navigation

North American Nikkel-ip John Pattison Ujarassiuunut pisortatut toqqarpaa; Aktiaatinik pisinissamut salliusussaatitaanernik tunniussineq

July 5, 2011

Vancouver, Britisk Columbia - (Marketwire – 5. juli, 2011) - North American Nickel Inc.-ip (TSX VENTURE: NAN) (OTCBB: WSCRF) (CUSIP: 65704T 108) John Pattison-ip Ujarassiuunut pisortatut toqqarneqarnera matumuuna nalunaarutigaa.

John Pattison inuussutissarsiutigalugu ujarassiuujuvoq University of Toronto-mit Ujarassiornikkut ilisimatusarnerni B.Sc.-itut angusisimalluni. Teknikkikkut patajaatsumik tunuliaqutaqarpoq aammalu kanngussannik-zinkimik aamma nikkelimik-kanngussammik-PGE sulfid-inik aatsitassarsiorluni misissuinermi ukiut 25-it sinnerlugit misilittagaqartoq. Nunami sumiiffinnut paasissutissanut periaatsip (GIS) teknologiikkut aatsitassarsiorluni misissuinermi atorneqartarnerani immikkut ilisimatusarsimavoq. John maannakkorpiaq VMS Ventures-imiippoq, aammalu taakkua Advisory Board-iannut ilaalluni.

Kingullermik Exploration Syndicate Inc.-imi Ujarassiuunut pisortaavoq, tassani 2008-imi Saskatchewan-imi Suggi Lake-p eqqaani Flin Flon-imi nuiggersimanerup kitaatungaani ujarassiuunut suleqatigiinnut kanngussammik-zinkimik qaffasissumik akuissuseqartumik manngertumik nassaartunut ilaalluni. 1983-imiit 2002-imut John Falconbridge Limited-imi aamma suliffeqarfinni tassunga atasuni sulisimavoq, tassani aatsitassanik nalinginnaasunik, PGE-nik aamma kuultimik Canada tamakkerlugu aamma Afrikap kujasissortaani aatsitassarsiorluni misissuinerni ingerlatsinermi akisussaasuusimalluni. 2002-imi Falconbridge qimareeramiuk, aammalu 2006-imi Exploration Syndicate-mut pinnginnermini, aatsitassarsiorfiutileqatigiiffinnut angisoorsuarnut aamma minnerusunut ujarassiornikkut siunnersortitut John sullissisimavoq, ilanngullugit Falconbridge aamma Anglo American.

Ingerlatseqatigiiffik Ingerlatseqatigiiffimmi pisortanut, atorfilinnut, sulisunut, siunnersortinut aamma siunnersuisartunut, Ingerlatseqatigiiffiup aktiaatinik pisinissamut salliutitsinissamut pilersaarutaa naapertorlugu, aammalu oqartussaasut akuersissuteqarnissaat apeqqutaatillugu, Ingerlatseqatigiiffiup aningaasaataanni aktiaatinik nalinginnaasunik 350.000 tikillugit pisinissamut aktiaatinut salliusussaatitaatitsivoq. Salliusussaatitaanerit kingusinnerpaamik ulloq 29. juni 2016 atuinermut akigititaq aktiamut ataatsimut $ 0,20 atorlugu pisinermut atorneqarsinnaapput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD taaneqartarpoq Worthington Offset Dykenip tallissutaa, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4