TSX-V: nan $0,23 +$0,01 +4,65% Volume: 1.500 November 26, 2020

Navigation

North American Nikkel-ip Post Creek-imi, North Range, Sudbury Basin, Ontario-miittumi Offset Dyke-p qulaani 55 meterinik itissusilimmi EM Anomaly 200 meterinik takissuteqartup nassaarineqarnera nalunaarutigaa

August 4, 2011

Vancouver, Britisk Columbia - (Marketwire – 4. august, 2011) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") matumuuna Ingerlatseqatigiiffiup Post Creek-imi aamma Halcyon-imi suliassaanni nunap qaavaniit ammut qaleriiaani itisuummi geofysiskimik misissuinerinit maannamut paasisaagallartut nalunaarutigai, taannalu elektromagnetiskiusut nalinginnaasuunngitsut arfineq marluk paasisaqarfiginerannik inerneqarpoq, ilanngullugu Post Creek-imi offset dyke qanittumi paasineqartoq tassunga assingusoq.

Pisortaq aamma COO. Mark Fedikow oqarpoq: "Post Creek-imi aatsitassarsiorluni misissuinissamut pilersaarutitsinni sakkortuumik suliaqarfiusumi suliaqareernerup kingorna, Post Creek-imi aamma Halcyon-imi taassuma sanianiittup ilaani suliassatsinni nunap qaavaniit itisuumut qaleriiaani elektromagnetiskimik misissuinissaq ”InfiniTEM”-itut ilisimaneqartoq pillugu Abitibi Geophysics isumaqatigiissuteqarfigaarput. Maannamut paasisaagallartut neriulluarnartorujussuupput. Nalinginnaasuunngitsut arfineq marluk taakkua paasisaqarfigineqartut sulfid-inik aatsitassartaqartutut manngertutut nassuiarneqarput. Pingaartumik nalinginnaasuunngitsut offset dyke-mi qanittumi paasisatsinniittut, maanna NAN-imi ujarassiooq Cecil Johnson nassaartuusoq atsiullugu taagorneqartut CJ # 1, soqutigaavut. Siunnerfiit arfineq marluk tamarmik qillerinissamik pilersaarutitsinni septemnbarimi pisussatut pilersaarutigisatsinni misilerarneqassapput."

Post Creek-imi InfiniTEM atorlugu geofysiskimik misissuinerit
Post Creek-imi InfiniTEM atorlugu misissuineq attaveqaqatigiinnit Whistle Offset-imi nunap ilusaani tukimut qupineqassasoq ilisimatinneqartunit suliarineqarpoq. Narlumuinnaq 100 meterisut ungasissuseqarpoq, aammalu katillugit 35 linje km misissorneqarlutik.

Maannamuugallartoq paasisat paasinarsisippaat Post Creek-imi elektromagnetiskinik nalinginnaasuunngitsunik arfineq marlunnik peqartoq. Anomaly EM01 uppernarnerpaajuvoq. Nalinginnaasuunngitsoq taanna offset dyke-mut, maannakkut taagorneqartumut CJ # 1, imaluunniit Cecil Johnson Offset Dyke qanittumi paasineqartumut assinguvoq.

EM01 200 meterinik takissuseqarpoq, aammalu avannamut isuani avannamut kangimuinnaq napilluni imaluunniit najunngarluni, aammalu "sulfidit manngimasunit manngertunut" elektromagnetiskimik ilisarnaateqartutut Abitibi Geophysics-imit nassuiarneqarluni. Nalinginnaasuunngitsut nunap qaavanit ammut 55 meterit missaanniittutut nassuiarneqarput, aammalu nalinginnaasuunngitsut sammiviat ilaatigut CJ #1 dyke-p aamma Whistle Offset-imi nunap ilusaata kujammuinnaq samminerannut assinguvoq. Nalinginnaasuunngitsut elektromagnetiskiusut suli allat EM05, EM06 aamma EM07 Post Creek-ip sumiiffiani aamma takuneqarput, aammalu nalinginnaasuunngitsut EM02, EM03 aamma EM04 Halcyon-imi suliassap kujammut kimmut teqeqquani paasineqarput. Nalinginnaasuunngitsut taakkua tamarmik immikkut Abitibi-mit nassuiarneqartut sulfidinik manngimasunik peqarfiusut NAN-imit qillerinermi misilerarneqassapput.

Ilusiliaq 1 aamma 2-imi oqaluttuarisaanermi aatsitassarsiorluni misissuinermit paasisat aamma CJ # 1 dyke-p sumiiffianut aatsitassarsiorluni misissuinermit paasissutissat nalunaarsukkat akornanni ataqatigiinnerit takutinneqarput.

Ilusiliaq 1 aamma 2 takuniarlugu linki una atorneqassaaq: http://media3.marketwire.com/docs/0804nan.jpg

Kanngussap-nikkelip-PGM-ip saffiugassartaa annertoorujussuaq Sudbury-mi aatsitassarsiorfiup sumiiffiani offset dyke-nit piiarneqarpoq, ilanngullugu Vale-p Totten-imi aamma Copper Cliff North-imi aamma South-imi aatsitassarsiorfii aamma Quadra FNX-ip qanittumi Victoria-mi nassaavi aamma Podolsky-mi aatsitassarsiorfik. Offset dyke-t sulfide-nik sakkortuumik innaallagiaqartunik manngimasunik amerlanertigut eqiteruffigineqartarput. Peqarfiit taamaattut elektromagnetiskimik geofysiskimik teknikkinik, soorlu InfiniTEM, atuiffigissallugit pitsaalluinnartuupput.

Qualified person
nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, Ingerlatseqatigiiffiup pitsaassutsinut sulisuanit kiisaluder North American Nickel Inc-imi pisortamit aamma Chief Operating Officer-imit misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Sudbury-mi, Ontario-mi aamma Thompson-imi, Manitoba-mi sumiiffinni aatsitassarsiorfinni kisermaassiffiusunik suliniuteqartoq. Ingerlatseqatigiiffiup aallutai pingaarnerit Sudbury-mi aamma Ontario-mi suliniutini marlunniipput.

Post Creek-imi suliassaq periusissat eqqarsaatigalugit Quadra FNX Minings Podolsky-p kanngussammik-nikkelimik-PGE-mik peqarfia sinerlugu inissisimavoq. Peqarfik Whistle Offset Dyke-p ilusaanut uiggiulluni inissisimavoq, taannalu Ni-Cu-PGM-inik aatsitassannguussimasunik ujarassiornikkut aqunneqarpoq.

Bell Lake-mi suliassamiippoq pisinnaatitsissut ataaseq 256 acres-inik annertussuseqartoq, Mystery Offset Dyken aamma MOD-itut ilisimaneqartumi kilometerip ataatsip missaa tassaniilluni. MOD tolkes som værende en forlængelse af Worthington Offset Dykenip, tassaasup nunap ilusaa aatsitassartaqartoq 10-niit 11 kilometerisut takissuseqartup, Sudbury-mi aatsitassaqarfiit ataatsimoortut kujammut kimmuinnaq killeqarfianiit aallartittup nangissutaatut nassuiarneqarpoq, tassanilu ilaapput Vale-p Totten-imi Aatsitassarsiorfia qanittumi ammarneqartoq kiisalu Quadra FNX-p Victoria-mi peqarfia neriulluarnartoq.

Ingerlatseqatigiiffik aamma Woods Creek-imik aamma Halcyon-imi suliassani Sudbury-p eqqaanniittunik 100%-imik piginnittuulernissamut salliusussaatitaaffeqarpoq, aammalu Manitoba-mi Thompson-ip qanittuani South Bay Ni-Cu-PGE-nik qaffasissumik akuissuseqartunik suliassanik kiisalu Thompson North-imi suliassani annertoorsuarni aamma sumiiffinni Cedar Lake-mi nunarsuarmi tusaamasap, Thompson Nikkel Bælte-p ilaani Manitoba-miittumi 100%-imik piginnittuulluni.

North American Nickel Inc., North Shore Mining Group-imi ilaasortaavoq.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussissutinut sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqoqqissaarneranut akisussaatinneqarsinnaanngillat.

Paasissutissanik annertunerusunik piniarnermi attaveqarfissaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4