TSX-V: nan $0,58 -$0,01 -1,69% Volume: February 16, 2022

Navigation

Kalaallit Nunaata kujataata kitaani Ingerlatseqatigiiffiup Maniitsumi Ni-Cu-PGE-nut suliassaani sumiiffiit innaallagiaqartut 50-it North American Nickel-ip VTEM Plus atorlugu misissuinerani paasineqarput

July 24, 2012

Vancouver, Britisk Columbia - (Marketwire – 24. juli 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna nalunaaruteqarpoq, Ingerlatseqatigiiffiup 100 %-imik kisermaassisussaatitaalluni Kalaallit Nunaata kujataata kitaani Maniitsumi suliassaani sumiiffiit innaallagiaqartut 50-it, amerlasuut annertoorujussuarmik isorartussuseqartut, Ingerlatseqatigiiffiup VTEM Plus qulimiguulimmik Time-Domain elektromagnetiskimik misissuineranit qanittumi naammassineqaqqammersumit paasissutissani nalunaarsugaagallartuni paasineqartut. (Takuuk asseq 1).

Nalinginnaasuunngitsunit 50-init 12-init amerlanerusut sumiiffittut qaffasissumik pingaartinneqartutut, ingerlatseqatigiiffiup aggustimi qillerinermi pisussanut pilersaarutaani suliaqarfiusussami siunnerfiusussatut periarfissaqarfiusut, suussusersineqareerput. VTEM Plus atorlugu misissuinermit paasissutissat nalunaarsukkat tamarmik sukumiinerusumik misissoqqissaarneqarnerat naammassingajalerpoq.

NAN-imi CEO, Rick Mark, oqarpoq: "Nalinginnaasuunngitsut nutaat 50-it killissalersorneqarnerannut tunngatillugu VTEM Plus atorlugu periaatsip iluatsitsilluarfiusimanera nuannaarutigisorujussuuarput. Paasissutissat nalunaarsukkat taakkua pigilerneranni, kingullermik ukiaanerani annikinnerusumik SkyTEM atorlugu misissuinerup nalaani paasineqartunut qillerinermi siunnerfiusussanut pingasunut assigusunik, 1 km sinnerlugu isorartussuseqarpasittunik, siunnerfissanik nutaanik arlalinnik peqalereerpugut. Maannakkut kiisami peqarfik 75 kilometerisut takissuseqartoq tamaat nalinginnaasuunngitsunik paasisaqareeratta, sumiiffiup taassuma nunap immikkoortuatut nikkeleqarfittut nutaatut nassuiarnerani aatsaat taama qulanngitsigilerpugut.”

Kalaallit Nunaanni Norit Bælte (GNB) 75x15 km-isut takissuseqarpoq noritiske intrusivenik nunap qaava qalippersimalluni, oqaluttuarisaanermi qaffasissumik akuissuseqartunik nikkelinik sulfid-inik aatsitassannguussimasunik arlalinnik peqarluni (assersuutigalugu Imiak Hill-imi 9,85 meterit 2,67%-imik Ni-taqartut aamma 0,60%-imik Cu-taqartut). Peqarfimmi aatsitassannguussimasut qaffasissumik nikkel tenor-imik ataannartumik peqarpoq (2000-imi Falconbridge-mit suliarineqartut malillugit sulfid-ini 100%-ini Ni 6-8%).

Ersarilluinnartumik periarfissaqarfiugaluartoq GNB annikitsuinnarmik qilleriffigineqarsimavoq. Putuliat katillugit 119-it ataatsimut katillugu 6.300 meterinik takissuseqartut, aammalu agguaqatigiissillugu 53 meterit inorlugit putuliat itissuseqartut, 1960-ikkunni aamma 70-ikkunni qillerneqarput. Aatsitassarsiorluni misissuinermi pisussanut pilersaarutini nutaanerusuni EM atorlugu nalinginnaasuunngitsunik qillerinerni malitassaasussanik soqannginneq pissutigalugu, qillerinissat ilaatinneqanngillat. NAN-ip Maniitsup eqqaani periusissaa tassaasimavoq, qillerinermi siunnerfissanik nassuiaanissamut qulimiguulimmik TEM atorlugu misissuineq nutaaliaasoq, taannalu iluatsilluarsimavoq. Teknologii taanna siusinnerusukkut aatsitassarsiorluni misissuinermut pissarsiassaasimanngilaq.

VTEM Plus atorlugu misissuineq, SkyTEM atorlugu ukioq kingulleq NAN-ip timmisartumik misissuineranut ataqatigiissillugu, Ingerlatseqatigiiffik qaffasissumik ersarissusilimmik TEM atorlugu Kalaallit Nunaanni Norit Bælte-mi eqqaanilu nunaminertami ataatsimut katillugu 860 kvadratkilometerinik annertussuseqartumi paasissutissanik peqalersippaa.

VTEM Plus atorlugu misissuinermit paasissutissat nalunaarsukkat suliarineqaleruttorput nassuiarneqalerutorlutillu. Nalinginnaasuunngitsut elektromagnetiskiusut pingaaruteqartut tamarmik asimi misissorneqassapput nalunaaqutsersorneqassallutillu. Siunnerfissat pingaarnersiuinermi pingaartinneqarnerpaajusut, qillerinermi pisussanut pilersaarummi, aggustimi aallartittussatut pilersaarutigineqartumi, misilerarneqassapput.

Misissuineq 20. junimit 17. juulimut ingerlasoq, aammalu 3.532 linje-km-inik uuttortaanermik ilaqartineqartoq, Geotech Ltd.-imit fra Ontario-mi Toronto-meersumit suliarineqarpoq. Condor Consulting Inc.ip, Colorado-mi Lakewood-imeersup ullut tamaasa paasissutissat nalunaarsukkat QA/QC atorlugu misissoqqissaarnissaat isumagisaraa.

2012-imi juunip naalernerani nalunaarutigineqarpoq GNB meteorit-ip angisoorsuup nakkarnerata kingunerisaanik pilersimasoq. GNB aamma NAN-ip Kalaallit Nunaanni aatsitassarsiorluni misissuinissamut pilersaarutaa pillugu annertunerusumik paasisaqarusunnermi, ingerlatseqatigiiffiup nittartagaa takujuk http://www.northamericannickel.com/

Nunap assinga tusagassiuutitigut nalunaarummut matumunnga atasoq takuniarukku linki una atoruk: http://media3.marketwire.com/docs/nan-0724-image1.pdf

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 26 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4