TSX-V: nan $0,58 -$0,01 -1,69% Volume: February 16, 2022

Navigation

North American Nickel Inc.: Kalaallit Nunaanni Maniitsumi suliassami nikkelimik kanngussammik kobolt-imik PGM-imik sulfid-it aatsitassannguussimasut qaffasissumik akuissuseqartunik nutaamik nassaarneq

December 3, 2012

Vancouver, Britisk Columbia - (Marketwire – 3. december 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) - North American Nickel-ip ("NAN") Ingerlatseqatigiiffiup 100%-imik kisermaassisussaatitaalluni Kalaallit Nunaata kujataata kippasissortaani Maniitsumi suliassami 4.983 km2-isut annertussuseqartumi nikkelit, kanngussat, kobolt-it aammalu siullerpaamik saffiugassat erlinnartut platin, palladium aamma kuulti annertoorujussuarmik naleqartut nassaarineqarsimasut (inissisimaffiinut ilusiliaq 1 takuuk) matumuuna nalunaarutigaa.

Spotty Hill-imi nunap qaavata ataani, 50 meterit missaanniit aallartittumi nassaarineqartut nutaat taakkua, diamantimik qillerlugu putuliami MQ-12-005-imi, avannamut kangimuinnaq ammukajaajusorujussuarmut elektromagnetiskimik (EM) nalinginnaasuunngitsut ruujorimut assinguut, 2012 VTEM-Plus atorlugu misissuinermi nassuiarneqartut ammorluinnaq misilerarnissaannik ilusilersugaasumi, qupineqarput. Spotty Hill oqaluttuarisaanermi nunap qaavanut qanittumiilluni nalinginnaasuunngilaq, siusinnerusukkut nunap qaavanut qanittunik avannamuinnaq kujammuinnarlu qillerinerni misilerarneqartarsimalluni.

Spotty Hill-imi putuliamit MQ-12-005-imit immikkoortut pingaarnerit:

  • 123,94 meterit (m) med 0,81%-imik nikkel-itaqartut (Ni), 0,21%-imik kanngussattaqartut (Cu), 0,03%-imik kobolt-itaqartut (Co) & 0,26 g/t platin (Pt) + palladium (Pd) + kuulti (Au)
  • Ilanngullugu: 24,20 m @ 1,75% Ni, 0,34% Cu, 0,06% Co & 0,52 g/t Pt + Pd + Au.
  • Ilanngullugu: 8,20 m @ 2,39% Ni, 0,21% Cu, 0,07% Co, aamma 0,60 g/t Pt + Pd + Au.
  • Aatsitassannguussimasut pingaartumik sulfid-imi siammarsimasumiipput manngimasunik-manngertunik sulfid-inik ilaqarlutik.
  • Aatsitassannguussimasut qaffasissumik Ni tenor-itaqarput 100%-imut sulfid-imut naatsorsorlugu 9,0%-imik Ni-mik, aammalu akuitsunngorlugu suliareqqinneqarsinnaasoq ilimanarluni.

ick Mark, pisortaaneq oqarpoq: "qillerinermi qupineqartuni takisuuni Ni, Cu, Co aamma PGM / Au qaffasissumik akuissuseqartut nassaarineqartut, siusinnerusukkut Maniitsup eqqaani aatsitassannguussimasunik nassaarineqartartuni nassaarineqarsimanngillat. Tamanna nikkeleqarfimmi tassani siunissami ineriartortitsinissamut neriulluarnarpoq. Imiak Hill-imi siusinnerusukkut nalunaarutigineqartut Ni/Cu qaffasissumik akuissuseqartut saniatigut saffiugassat platin-it Spotty Hill-imi Ni-nut qaffasissumik akuissuseqartunut aatsitassannguussimasunut akuleriinnut ilanngunneranni, oqaluttuarisaanermi inerniliunneqartarsimasunik nutaamik nassuiaanitta aammalu nunap qanoq sananeqaateqarneranik misissuinermi teknikkip atukkatta, pigisatta Ni-Cu-Co PGM-inik peqarfinnik annertoorujussuarnik peqarfiusinnaaneranut periarfissaqartoq uppernarsaraa oqartoqarsinnaalluarpoq."

2012 SPOTTY HILL-IMI MISISSUEQQISSAARNERIT INERNERI
Qupisinerit annertuut takussutissiaq 1-imi eqikkarneqarput.

Takussutissiaq 1: Spotty Hill-imi 2012-imi qupineqartut pingaaruteqartut
Hul

Normu
Uuminnga

(m)
Uunga

(m)
Takissusaa

(m)
Ni

(%)
Cu

(%)
Co

(%)
Pt

(g/t)
Pd

(g/t)
Au

(g/t)
S

(%)
MQ-12-005 41.36 165.30 123.94 0.81 0.21 0.029 0.12 0.11 0.03 2.91
Ilanngullugu 117.80 142.00 24.20 1.75 0.34 0.057 0.22 0.25 0.05 6.30
Ilanngullugu 117.80 126.00 8.20 2.39 0.21 0.069 0.28 0.30 0.02 7.44
MQ-12-009 8.00 127.00 119.00 0.17 0.03 0.011 0.02 0.02 0.01 0.43
Ilanngullugu 61.00 73.56 12.56 0.26 0.06 0.015 0.03 0.03 0.01 0.88

2012 FOSSILIK II-IMI MISISSUEQQISSAARNERIT INERNERI

Aamma putuliamut Fossilik II-ip eqqaanit MQ-12-006-imut aamma MQ-12-007-imut misissueqqissaarnerit inerneri tiguneqarput. Putuliaq MQ-12-006-imi 3,21 meterit gabbro-imi manngimasumik sulfid-imik aatsitassartaqartut, agguaqatigiissillugu 0,63%-imik Ni-taqartut aamma 0,10%-imik Cu-taqartut qupineqarput. MQ-12-007-imi sulfid-it aatsitassannguussimasut 4,07 meterit agguaqatigiissillugu 0,30%-imik Ni-taqartut aamma 0,13%-imik Cu-taqartut qupineqarput.

Fossilik-imi oqaluttuarisaanermi qillerinerit 12.89meterit tikillugit 2,24%-imik Ni-taqartut aamma 0,63-imik Cu-taqartut utertippaat. Fossilik-imi paasisanik tamaginnik nutaamik nassuiaanerit ingerlanneqarput.

Kimberlit dykes Fossilik II-imi putuliani marlunni taakkunani qupineqarput, aammalu misissugassat kimberlit-inik aamma diamantinik mikisuaqqanik/angisuunik malunniuttoqarsimasinnaaneranut misilerarneqartussatut Saskatchewan-imi Ilisimatusarnermut siunnersuisooqatigiinnut nassiuneqarput.

2012 P-59 MISISSUEQQISSAARNERIT INERNERI

Putuliaq MQ-12-008 VTEM EM atorlugu nalinginnaasuunngitsoq P-59-imik misileraaviusoq Fossilik II-ip avannamut kitaani 250 meterisut ungasissusilimmiittoq annertuunik aatsitassannguussimasunik toraangaqanngilaq. Putuliami nalinginnaasuunngitsut tamatuma kingorna nunap qanoq sananeqaateqarneranik misissuinermi nassaarineqarput, aammalu paasinarsisillugu qillerlugu putuliap nalinginnaasuunngitsoq qaangiinnarsimagaa. Sumiiffik taanna taamaalilluni suli paasinarsinngilaq aammalu tullianik qillerivissanngorpat misissorneqaqqissalluni.

MANIITSUMI SULIASSAQ PILLUGU

Maniitsumi Ni-Cu-PGM-inut suliassaq Kalaallit Nunaata kujammut kimmuinnaq sineriaa sinerlugu inissisimavoq, inuiaqatigiit aalajaatsuullutik, patajaatsuullutik aatsitassarsiorfimmillu ingerlatsinissamut akuersaartuullutik. Kalaallit Nunaata kujammut kimmuinnaq sineriaa ukioq kaajallallugu imaatigut angallavigineqarsinnaavoq, aammalu imaani itisuumi umiarsualivinnut periarfissaqarfiusunik sumiiffippassuaqarluni.

Spotty Hill-imi nassaarineqartut nutaat, Imiak Hill-imi nassaarineqartut (14. november 2012 tusagassiuutitigut nalunaarut) ilanngullugit Maniitsumi Nikkeleqarfiup aningaasaqarnikkut pingaaruteqarnera uppernarsarpaat.

NAN-ip siusinnerusukkut tusagassiuutitigut nalunaarutaanni nassuiarneqartutut, aammalu ilusiliaq 1-imi takutinneqartutut, Maniitsumi suliassami Kalaallit Nunaanni Norit Bælte (GNB) 75x15 km-isut annertussuseqartoq aallunneqarpoq, tassuma annertunersaa NAN-ip pisinnaatitsissutaata killeqarfiata, katillugit 4.983 km2-inik annertussuseqartup iluaniilluni. GNB pingaartumik nikkelsulfid-inik misissuiffissatut pilerinaateqarpoq, pissutigalugu taanna nikkelinik aatsitassannguussimasunik qaffasissumik ataannartunik nikkel-itaqartunik arlalippassuarnik akoqarmat.

Maniitsumi suliassap 2011-imi pissarsiarineqarneranili, NAN-ip GNB-ip annertunerpaartaani qulimiguulimmik EM atorlugu misissuinerit naammassisimavai. Nalinginnaasuunngitsut aatsitassarsiorluni misissuinerit aamma qillerummit qaqitassanik qillerinerit atorlugit nalilersorneqartut amerlasoorpassuupput.

Siusinnerusukkut tusagassiuutitigut nalunaarutit aammalu NAN aamma Maniitsumi suliassaq pillugu paasissutissat annertunerusut pissarsiariniarukkit Ingerlatseqatigiiffiup nittartagaa alakkarsinnaavat uani www.northamericannickel.com.

Qualified person
Nalunaarummi matumani teknikkimut tunngatillugu paasissutissat tamarmik Dr. Mark Fedikow-imit, P. Geo, tassaasumit Qualified person kiisalu North American Nickel Inc.-imi Pisortaq, misissorneqarput.

Pitsaassutsimik qulakkeerineq/Pitsaassutsimik misissuisarneq aamma misissueqqissaarnermi periaaseq Qillerummit qaqitanit paasisat pitsaassutsimik qulakkeeriniarnermut aamma pitsaassutsimik misissuisarnermut suleriaatsip ilaatut nalilersorneqartarput, tassunga ilanngullugu misissueqqissaarnerit inernerisa eqqoqqissaassusai erseqqissusaalu aalajangerniarlugit atorneqartarlutik akuusut assigiinngitsut tamarmik, aatsitassat erlinnartut nalinginnaasullu ilisimaneqartut nalinginut pitsaassusissanut malitassat akuerisaasut aamma pitsaassusissanut malitassat imaqanngitsut. Qillerummit qaqitanik misissueqqissaarnerit Activation Laboratories Ltd Ancaster-imi, Ontario-miittumi suliarineqartarput.

Misissueqqissaarnermi periaatsit pingasut misissugassani Activation Laboratories-imut nassiunneqartuni akuusut imarisaat annertussusaasalu aalajangernissaannut atorneqartarput. Taakkua tassaapput 1, Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-OES atorlugu naammassinera; 2, Au, Pt aamma Pd (misissugassaq 30 gram aamma Fire Assay) misissoqqissaarnera ICP-OES atorlugu naammassinera; aamma 3, Ni-imik imaluunniit Cu-imik > 1,00%-imik akullit misissugassat ICP-OES atorlugu killissai qaffasinnerusut nassaarineqartarlutik.

Ilusiliaq 1 takuniarlugu linki una atoruk: http://media3.marketwire.com/docs/NAN1203.pdf

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Imiak Hill-imi aamma Spotty Hill-imi aningaasarsiutigineqarsinnaasunik aatsitassartaqartunik nassaarnerit siulliit marluk, Maniitsumi Nikkeleqarfiup qaffasissumik naleqarnera periarfissaqarfiuneralu uppernarsarpaat.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

WIC Sudbury-p kujammut kangiani 13 km-isut ungasissusilimmi aammalu Wahnapitae-mi Trans Canadiske Hovedvej 17-ip kujataani 1 km-isut ungasissusilimmi inissisimavoq. Sumiiffik 5,6x2,4 km-isut takissuseqarpoq mafisk intrusion-inik qaleriaarneqarluni avannamut kangimuinnaq-kujammut kimmuinnaq sammilluni, nikkelinik-kanngussannik-PGE-nik aatsitassannguussimasunik gabbro-norite aamma gabbro-mik akoqarluni "Injektions Breccia Zone".

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4