TSX-V: nan $0,58 -$0,01 -1,69% Volume: February 16, 2022

Navigation

North American Nickel Inc.-ip Ingerlatseqatigiiffiup Kalaallit Nunaata kujataata kitaani Maniitsumi Ni-Cu-PGE-mut suliassami 2012-imi aatsitassarsiorluni misissuinermi pisussanut pilersaarut aallartippaa

June 26, 2012

Vancouver, Britisk Columbia - (Marketwire – 26. juni, 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel ("NAN") matumuuna nalunaarutigaa, Ingerlatseqatigiiffiup 100%-imik kisermaassisussaatitaalluni Kalaallit Nunaata kujataata kitaani Maniitsumi suliassaani asimi ingerlataqarnerit maannakkut aallartinneqartut.

Qulimiguulimmik Time-Domain EM (VTEM) atorlugu misissuineq sapaatip akunnera kingulleq aallartinneqarpoq, aammalu Geotech Ltd.-imit Ontario-mi Aurora-meersumit suliarineqarluni. Misissuinermi prospektive Kalaallit Nunaanni Norit Bælte (GNB) annertoorujussuarmik periarfissaqarfiusoq sammineqarpoq, tassani oqaluttuarisaanermi qillerinerni nikkel sulfid-inik aatsitassannguussimasut qaffasissumik akuissuseqartut qupineqarlutik (assersuutigalugu putuliami Im-9-imi 9,85 m sulfid-inik aatsitassartaqartut agguaqatigiissillugu 2,67%-inik Ni-taqartut aamma 0,60%-inik Cu-taqartut).

North American Nickel-imi CEO, Rick Mark, oqarpoq: "Maniitsumi aatsitassarsiorluni misissuineq aallartittoq takusinnaagakku nuannaarutigisorujussuuara. Qaammammi matumani ingerlasussanik pilersaarusiornermi teknikkimilu unammilligassat pissutigalugit kinguaattoornerit misigaavut, kisianni qulimiguulik maannakkut sulilluni aallartippoq. Ukioq kingulleq timmisartumik pisussanut pilersaarutip takutippaa, teknologii nutaaliaasoq GNB-imi atorsinnaasoq. Nalinginnaasuunngitsut arlallit nassuiarnissaannut qilanaarpugut, aammalu aasaanerani kingusinnerusukkut qillerinerit arlallit aallartissallutigu."

Misissuinermi 3.000 linje-kilometerinit annertunerusut ilaatinneqassapput, aammalu ukioq kingulleq SkyTEM atorlugu misissuinerit ilanngullugit Ingerlatseqatigiiffiup pisinnaatitsissuteqarfiata iluani GNB tamaat qulimiguulimmik TEM atorlugu tamakkiingajalluinnartumik misissuiffigineqassalluni. Aamma uuttortaaneq GNB avataani siunnerfiusuni toqqartukkani pissaaq.

Nalinginnaasuunngitsut elektromagnetiskiusut 2012-imi VTEM atorlugu misissuinermi nassaarineqartut ukiaanerani kingullermi SkyTEM atorlugu misissuinermi paasineqartut ilanngullugit asimi uppernassuseqarnerat misissorneqassaaq, aammalu siunnerfiit qaffasissumik pingaartinneqartut aasaq manna kingusinnerusukkut qilleriffigineqassapput. Qillerinerit aggustip qiteqqunnerani aallartinneqassasut naatsorsuutigineqarpoq.

Maniitsoq allallu North American Nickel-ip suliassai pillugit sukumiinerusumik paasissutissartaat ingerlatseqatigiiffiup nittartagaani takuneqarsinnaapput uani www.northamericannickel.com.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 26 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq 604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4