TSX-V: nan $0,58 -$0,01 -1,69% Volume: February 16, 2022

Navigation

North American Nickel Inc.-ip Ingerlatseqatigiiffiup Kalaallit Nunaata kujataata kitaani Maniitsumi Ni-Cu-PGE-nut suliassaani VTEM atorlugu timmisartumik misissuineq aallartippaa

May 30, 2012

Vancouver, Britisk Columbia - (Marketwire – 30. maj, 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna nalunaaruteqarpoq, Ingerlatseqatigiiffiup 100%-imik kisermaassisussaatitaalluni Maniitsumi Kalaallit Nunaata kujataata kitaaniittumi suliassaanik qaffasissumik ersarissuseqartumik, nutaaliaasumik, itisuumut qaleriiaani qulimiguulimmik Time-Domain EM (VTEM) atorlugu misissuinissaq siunertaralugu, Ingerlatseqatigiiffiup Geotech Ltd Aurora, Ontario-miittoq isumaqatigiissuteqarfigisimagaa.

Misissuinermi periaaseq VTEM (VTEM Plus) nutaanerpaaq atorneqassaaq aammalu sumiiffinni katillugit 448 kvadratkilometerinik annertussuseqartuni 3.000 linje-kilometerini uuttortaanerit ilaatinneqassallutik. Suliaqarnermi Kalaallit Nunaata Norit Bælte-qarfia periarfissaqarfiulluartoq aallunneqassaaq, tassani oqaluttuarisaanermi qillerinerni nikkel sulfid-inik aatsitassannguussimasut qaffasissumik akuissuseqartut toraarneqarlutik (assersuutigalugu putuliaq Im-9-imi 9,85 m sulfid-it aatsitassannguussimasut agguaqatigiissillugu 2,67%-inik Ni-taqartoq aamma 0,60%-imik Cu-taqartoq).

North American Nickel-imi CEO, Rick Mark, oqarpoq: "Ukioq kingulleq SkyTEM atorlugu misissuinerit iluatsitsiviulluartut, qulimiguulimmik Time-Domain geofysik-ip peqarfimmi tassani sunniuteqarluarnera takutippaat, aammalu periaatsimik suli annermik sakkortuujusumik peqarfiup sinnerani uuttortaasinnaanngussagatta nuannaarutigaara. VTEM ingerlatseqatigiiffiup immikkoortortaqatigisatta Manitoba-mi Reed Lake-mi peqarfimmik nassaarnerani iluaqutaavoq, aammalu misissuinerup taassuma inernerisa takunissaat qilanaaraara."

Timmisartorneq ulloq 9. juni aallartittussatut pilersaarutigineqarpoq. Nalinginnaasuunngitsut misissuinermi paasineqartut nunap qaavani uppernarsarneqassapput, aammalu nalinginnaasuunngitsut qaffasissumik pingaartinneqartut qillerinerni arlalinni juulip naalernerani aallartittussatut pilersaarutigineqartuni misilerarneqassapput. Maniitsoq allallu North American Nickel-ip suliassai pillugit sukumiinerusumik paasissutissartaat ingerlatseqatigiiffiup nittartagaani takuneqarsinnaapput uani www.northamericannickel.com.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 26 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4