TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip CAD 3,4 millioninik namminersortunit ingerlanneqartumik nuussineq naammassivaa

May 23, 2012

Vancouver, Britisk Columbia - (Marketwire – 23. maj 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) matumuuna nalunaarutigaa, siusinnerusukkut namminersortunit ingerlanneqartumik aningaasanik immikkoortortaq ataaseq CAD 0,17-inik akeqartillugu immikkoortortat 20.000.000-it tikillugit nuussineq, CAD 3.400.000-inik iluanaaruteqarfigineqartoq ulloq 22. maj 2012 naammassisoq.

Sentient Group GP IV, Sentient Global Resources Fund IV LP ("Sentient") sinnerlugu niuerutiginnittoq, kisimiilluni aningaasaliisuuvoq.

Immikkoortortat tamarmik immikkut tassaapput Ingerlatseqatigiiffimmi aktia nalinginnaasoq aammalu nalinginnaasumik aktiamik pisinissamut salliusussaatitaanerup affaa (salliusussaatitaanerit iluitsut tamarmik, "Salliusussaatitaaneq" ataaseq), tamakkiisumik Salliusussaatitaanerni tamaginni pisisoq, piffissami neqeroortitsinerup matuneqareernerata kingorna qaammatinik 24-inik sivisussusilimmi, aktia ataaseq CAD 0,21-inik akeqartillugu aktiamik nalinginnaasumik suli allamik ataatsimik pisisinnaatitaavoq. Aningaasalersuinermi ilanngaaseereerluni iluanaarutaasoq ingerlatseqatigiiffiup Kalaallit Nunaanni aamma Canada-mi suliassaasa siuarsarneqarnissaannut atorneqassaaq; kiisalu annertunerusumik ingerlatsinermi aningaasassaqalersitsissalluni.

Sentient nunarsuarmi suliffissuaqarnermi isumalluutit iluanni aningaasalersuisarnermut ingerlatseqatigiiffiuvoq namminersortoq arlaannaannulluunniit attuumassuteqanngitsoq. Sentient pillugu annertunerusumik paasisaqarniarnermi linki una atoruk www.thesentientgroup.com.

Aktiaatit Sentient-imit pisiarineqartut, aamma aktiaatit aktiaatinik pisinissamut salliusussaatitaanerup atorneratigut pisiarineqarsinnaasut, pappiaqqanut nalilinnut tunngatillugu inatsisinut atuuttunut naapertuuttumik qaammatini sisamani neqeroortitsinerup matuneqarnerata ulluata kingorna ullormik ataatsimik ilallugu uninngatinneqassapput.

Ingerlatseqatigiiffiup siunissamut naatsorsuutigisai pillugit nalunaarutaasut, allallu tusagassiuutitigut nalunaarummi matumani nalunaarutaasut, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqaatsip taassuma Reform Act-imi 1995-imeersumi nammineq inuttut unnerluutiginnittarneq pillugu nassuiarneqarneratut "siunissamut nalunaarutaasut". Ingerlatseqatigiiffiup siunertaraa siunissamut oqaaseqarnerni taamaattuni Safe-Harbour-imi tunngaviusut taassuma inernerisai malinneqassasut. Nalunaaruteqarnerit taakkua aarlerinartortaqarmata nalorninartortaqarlutillu, taamaalillunilu sukkulluunniit allanngortinneqarsinnaallutik, Ingerlatseqatigiiffiup pissusiviusuni angusai angusassatut naatsorsuutigineqartunit annertuumik allaanerussuteqarsinnaapput.

TSX taassumaluunniit kiffartuussisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma pissusissamisoorneranut imaluunniit eqqortuuneranut akisussaatinneqarsinnaanngillat.

Annertunerusumik paasisaqarusunnermi attaveqarfigineqassaaq:
North American Nickel Inc.
Rick Mark
CEO aamma Siulersuisunut siulittaasoq
604-986-2020 imaluunniit akeqanngitsumik: 1-866-816-0118
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4