TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip Ingerlatseqatigiiffiup Kalaallit Nunaata kujataata kitaani Maniitsumi Ni-Cu-PGE-nut suliassaani qillerinerit ingerlanneqartut naammassivai

September 20, 2012

Vancouver, Britisk Columbia - (Marketwire – 20. september 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) North American Nickel-ip ("NAN") matumuuna nalunaarutigaa Ingerlatseqatigiiffiup Maniitsumi 100%-imik kisermaassisussaatitaalluni suliassamini qillerinerit ingerlanneqartut siulliit naammassisimagai. Qillerinerit ulloq 26. august aallartinneqarput aammalu ulloq 16. september naammassineqarlutik. Ni diamant atorlugu qillerlugu putuliat tamakkerlutik katillugit 1.550 meterinik takissuteqartut suliarineqarput.

Putuliat 9-it tamarmik immiussivigineqarput, aammalu qupisinernit aatsitassartaqartunit tamaginnit misissugassanik tigusisoqarluni. Misissugassat katillugit 531-it misissoqqissaarneqartussatut tiguneqarput. Misissugassat maannakkut Activation Laboratories-imut ingerlanneqarput, aammalu inerneri sapaatit akunnerisa sisamaniit arfineq pingasunut ingerlaneranni pissarsiarineqassasut naatsorsuutigineqarluni.

Putuliani ujaqqanut noritiskiusunut aamma nikkelinik sulfid-inik aatsitassartaqartunut atatillugu elektromagnetiskimik (EM) misissuinermi nalinginnaasuunngitsut misilerarneqarput. nalinginnaasuunngitsut SkyTEM-imit aamma VTEM atorlugu qulimiguulimmit, Time-Domain, EM atorlugu 2011-imi aamma 2012-imi ingerlatseqatigiiffiup timmisartumik misissuineranit paasineqarput. Crone Geofysik Ltd Mississauga, Ontario-meersup qillerlugu putuliami pingasunik atortoqartumik maluginiaassutilik EM (BHEM) periaaseq atorlugu putuliat 8-it misissuiffigai. Misissuinerugallartoq naammassereerpoq, aammalu misissueqqissaarneq inaarutaasoq, misissueqqissaarnerup inerneri pigineqalerpata inaarsarneqassalluni.

Qillerilluni aamma BHEM atorlugu misissuinernit paasisat, ingerlatseqatigiiffiup aatsitassarsiorluni misissuinermi paasissutissaasivianut pioreersumut ataqatigiissinneqassapput, tamatumalu NAN-ip ujarassiuuisa suleqatigiit, Ingerlatseqatigiiffiup Maniitsup eqqaani 2013-imut qillerinissaannik pilersaarusiornerisa inaarsaanissaat ajornarunnaarsissavaa.

NAN-ip nittartagaa nutarterneqarpoq, aammalu aktiaatillit siusinnerusukkut tusagassiuutitigut nalunaarutit takuniarlugit kiisalu NAN aamma Maniitsumi suliassaq pillugu paasissutissanik annertunerusunik pissarsiniarlutik, nittartagaq alakkaqqullugu kaammattorneqarput. Ingerlatseqatigiiffiup nittartagaa nassaarineqarsinnaavoq uani www.northamericannickel.com.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Imiak Hill-imi aamma Spotty Hill-imi aningaasarsiutigineqarsinnaasunik aatsitassartaqartunik nassaarnerit siulliit marluk, Maniitsumi Nikkeleqarfiup qaffasissumik naleqarnera periarfissaqarfiuneralu uppernarsarpaat.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

WIC Sudbury-p kujammut kangiani 13 km-isut ungasissusilimmi aammalu Wahnapitae-mi Trans Canadiske Hovedvej 17-ip kujataani 1 km-isut ungasissusilimmi inissisimavoq. Sumiiffik 5,6x2,4 km-isut takissuseqarpoq mafisk intrusion-inik qaleriaarneqarluni avannamut kangimuinnaq-kujammut kimmuinnaq sammilluni, nikkelinik-kanngussannik-PGE-nik aatsitassannguussimasunik gabbro-norite aamma gabbro-mik akoqarluni "Injektions Breccia Zone".

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4