TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip Ingerlatseqatigiiffiup Kalaallit Nunaata kujataata kitaani Maniitsumi suliassaani nikkelinut-kanngussannut siunnerfinni qillerineq aallartippaa

August 29, 2012

Vancouver, Britisk Columbia - (Marketwire – 29. august 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) North American Nickel-ip ("NAN") matumuuna nalunaarutigaa Ingerlatseqatigiiffiup 100%-imik kisermaassisussaatitaalluni Maniitsumi suliassaani siunnerfinni pingaartinneqartutut toqqarneqartuni qillerummit qaqitassanik qillerinerit aallartikkai. Qillerinerit asimi misissuinissamut pisussanut pilersaarutip, sumiiffinnik nunap qanoq sananeqaateqarnerani nalinginnaasuunngitsunik nunap qaavani uppernarsisitsiniarnermut tunngasup, qulimiguulimmit Time-Domain EM atorlugu misissuinerni NAN-imit 2011-imi aamma 2012-imi naammassineqartuni paasineqartup, kinguninngua malittaatinneqarput. Qillerinermi pisussanut pilersaarummi minnerpaamik putuliat 10-it katillugit 2.000 meteriusut ilaatinneqassasut pilersaarutigineqarpoq.

EM atorlugu timmisartumik nunap qanoq sananeqaateqarneranik misissuinerni marlunni, suliassami ukiut marluk kingulliit ingerlaneranni ingerlanneqartuni, katillugit sumiiffiit nalinginnaasuunngitsut 75-it paasineqarput. Nalinginnaasuunngitsunit soqutiginaateqartunit 75-init taakkuninnga, aammalu 3D-imik pisuusaartitsinermi asimilu misissuinermi, qillerinermi siunnerfissat aalajangersimasumik amerlassusillit toqqarneqarput.

Præsident Dr. Mark Fedikow oqarpoq: "Suliassami oqaluttuarisaanermi suliaqarsimanermik nalilersuinermi suliarinninnermilu, timmisartumik nunap qanoq sananeqaateqarneranik misissuinissamut pilersaarutip ilusilersorneqarnerani aallartinneqarneranilu, qulimiguulimmik asimi suliaqarnermi aamma paasissutissat ataatsimoortut tamaasa ilanngutsinneqarnissaannut, qillerinissanik kinguneqartumik, teknikkikkut suliaqartortavut pitsaalluinnartumik suliaqarput. Qillerinermi siunnerfissat arlalippassuit, qillerinermi pisussanut pilersaarutitta siulliup malitseqartinneqarnissaanut annertuumik periarfissaqarfiulluartut, paasivagut."

AATSITASSARSIORLUNI MISISSUINERUP TUNULIAQUTAA

Maniitsup eqqaa angissutsimigut annertoorujussuugaluartoq nikkelinillu aatsitassannguuttoqarsimanera annertugaluartoq, annikitsuinnarmik aatsitassarsiorluni misissuiffigalugu suliaqarfigineqarsimavoq. Oqaluttuarisaanermi aatsitassarsiorluni misissuinermi ilaapput piffissami 1965-ip aamma 1972-ip akornanni nikkelinik aatsitassannguussimasunik ujarlerluni qillerinerit, tassani nunap qaavanut qanittumi qillerlugit putuliat 119-it nalunaarutigineqarlutik. Putuliani nunap qaavani qulaarneqartut sulfid-it aatsitassannguussimasut, aammalu nunap qaavani nalinginnaasuunngitsut elektromagnetiskiusut (EM) nunap qaavani aatsitassannguussimasunut toqqaannartumik atasut misilerarneqarput. Putuliat tamarmi marlussuit kisimik pinnatik qillerutit angallattakkat mikisut Winkie atorlugit ikkattuinnarmut qillerneqarput. Agguaqatigiissillugu putuliap takissusaa taamaallaat 53 meteriuvoq.

Taamaakkaluartoq qupinernik amerlasoorpassuarnik pingaaruteqartunik nalunaarsuisoqarpoq:

  • Imiak Hill: 9,85 m @ 2,67% Ni, 0,60% Cu,
  • Fossilik: 12,89 m @ 2,24% Ni, 0,63% Cu, og
  • Quagssuk: 4,95 meter @ 1,97% Ni, 0,43% Cu.

1995-imi Cominco Ltd-ip, De Nationale Geologiske Undersøgelser for Danmark og Grønland (GEUS) suleqatigalugu, GNB-ip annertunerpaartaa qulaavaallugu GeoTEM suluusalik, timmisartumik EM-imi periaaseq atorlugu misissuivoq. Nalinginnaasuunngitsut EM ikittuinnaat nassaarineqarput. Malitseqartitsilluni aatsitassarsiorluni misissuineq aamma nunap qaavani annikitsumik nunap qanoq sananeqaateqarneranik misissuineq 1995-imi aamma 1996-imi Cominco-mik suliarineqartoq, aamma 2000-imi Falconbridge Limited-imit suliarineqartoq, annertunerusunik qillerinernik kinguneqanngilaq. Taamaattoq KØ-p qillerummit qaqitaannit aamma nunap qaavani qulaarneqartuneersunit Cominco-mit aamma Falconbridge-mit suiarineqartunit, misissugassanik tiguseqqinnerup ataatsimut isigalugu sulfid-inik qaffasissumik nikkelinik akoqarneri uppernarsarpaat (Falconbridgep suliaqarneranit sulfid-init 100%-init nikkeli 8% missaani).

NAN-ip suliassaq pissarsiaraa, pissutigalugu Ingerlatseqatigiiffik isumaqarmat sumiiffiup nunap immikkoortuanik nikkeleqarfimmik annertoorsuarmik peqarnissaa periarfissaqarfiulluarmat. Time-Domain, qulimiguulimmik EM atorlugu periaatsip nutaaliaasup atornerani, Maniitsup eqqaani nunami qutaarluusumi 1995-imi suluusalimmik timmisartumik misissuinermit taamaaqataanit, nikkelinik sulifid-inik peqarfinnik paasisaqarnissamut aatsitassarsiorluni misissuineq sunniuteqarluarneruvoq. Qulimiguulimmik TDEM atorlugu periaatsit 1995-imi pissarsiassaanngillat, aammalu taakkua nikkeleqarfinnut toqqoqqasunut itinerusumiittunullu malussarissusaasa pitsaanerunerani, NAN siusinnerusukkut misissuisartunut naleqqiullugu annertoorujussuarmik iluaqutissinneqarpoq.

Maniitsumi suliassaq pillugu annertunerusumik paasisaqarusukkuit, ingerlatseqatigiiffiup nittartagaa alakkaruk http://www.northamericannickel.com/.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4