TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip Kalaallit Nunaata kitaata kujataani Maniitsumi Ni-Cu-PGE-nut suliassaani 2012-imut suliaqarnermut pilersaarut inaarsarpaa

May 7, 2012

Vancouver, Britisk Columbia - (Marketwire – 7. maj, 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") matumuuna nalunaarutigaa, Ingerlatseqatigiiffiup Kalaallit Nunaata kitaata kujataani 100%-imik kisermaassisussaatitaalluni Maniitsumi Ni-Cu-PGE-nut suliassaanut 2012-imi asimi suliaqarnissamut pilersaarut naammassineqartoq. Suliaqarneq pilersaarutigineqartoq sisamanik immikkoortoqarpoq: Qulimiguulimmik TEM atorlugu aamma kajungerisaqarneranik misissuineq, misissuineq ”remote sensing”, aatsitassarsiorluni misissuinermi pisussanut pilersaarut, aamma qillerummit qaqitassanik qillerinerit.

North American Nickel-imi CEO Rick Mark oqarpoq: "Aktiaateqartuutivut tamaasa peqatigalugit ullorsiutit ukioq manna maajimut killinnissaannut qilanaarpunga, tassami tassani Kalaallit Nunaanni Maniitsumi sulissami 2012-mut pisussanut pilersaarutitta aallartinnera pisussaammat. Nikkelinik norit-eqarfik 75 km-isut isorartussuseqartoq sinerlugu sumiiffiit nutaat qulaavaallugit timmisartorneq sapaatit akunneri pingasut missaat qaangiuppata aallartissavarput. Anguniagaraarput qillerinermi siunnerfissanik amerlanerusunik, 2012-imi aasaanerani qillerinermi pisussanut pilersaarutitsinnut ilanngunneqarsinnaasunik, nassuiaanissaq. Maniitsumi qillerinermi pisussanut pilersaarut siulleq juulip naalernerani pisussatut pilersaarutigineqarpoq."

2012-imi qulimiguulimmik TEM atorlugu aamma kajungerisaqarneranik misissuineq, NAN-ip suliassaata sumiiffiata iluani Kalaallit Nunaanni Norit-eqarfimmi (GNB) annertunerusumik pissarsititsissaaq. GNB Maniitsup eqqaani nikkelimik aatsitassannguussimasunik pingaaruteqartunik tamarluinnangajannik akoqarpoq, tassani ilaalluni Imiak Hill-imi qupisaq 9,85 meteriusoq agguaqatigiissillugu Ni-nik 2,67%-inik akoqartoq aamma oqaluttuarisaanermi qillerlugu putuliami Im-9-imi Cu-mik 0,60%-imik akoqartoq. Misissuineq maaji naatinnagu aallartissasoq pilersaarutaavoq.

”Remote sensing” atorlugu misissuinermi, norit intrusive-t aatsitassartaqartut ilusaasa misissorneqarsinnaassusaa paasiniarlugu, kiisalu sumiiffiit upernaamut qulaavaallugit timmisartorfigineqartussat avataanni nutaanik intrusion-eqarsinnaanera aatsitassannguussimasunillu peqarsinnaanera sumiiffissarsiniarlugu, satellittikkut assilisat tamatigoortumik assiliisinnaasut, qaffasissutsinut digitalimik ilusiliat aamma kajungerisaqarneranut paasissutissat nalunaarsukkat atorneqassapput. Misissuinermi suliassap sumiiffia 4.983 km2-iusoq tamakkerlugu ilaatinneqassaaq.

Aatsitassarsiorluni misissuineq aamma nunap qaavani uppernarsititsinissaq juulip aallartinnerani aallartissaaq, aammalu nalinginnaasuunngitsut 2011-imi aamma 2012-imi qulimiguulimmik TEM atorlugu misissuinerni kiisalu 2012-imi ”remote sensing” atorlugu misissuinermi paasineqartut misissoqqinnissaat aallunneqassalluni. Linki manna aqqutigalugu imaluunniit nittartakkatsinni nutaarsiassanut immikkoortumi takuuk tusagassiuutitigut nalunaarut. (http://www.northamericannickel.com/Theme/NAN/files/Press%20Releases/2012/NR%20Jan%2031%2012_v001_t7ar02.pdf)

Diamantimik qillerinerit juulip naaneranut pilersaarutigineqarput. Pisussanut pilersaarut maannakkorpiaq siunnerfiit pingaartinneqarnerpaat 3-5-it misilerarneqarnissaannut ilusilersugaavoq, kisianni immikkoortut pingasut allat taakkua, nalunaarummi matumani nassuiarneqartut inernerisa tiguneqartarneri ilutigalugit annertusineqarsinnaalluni. Qillerut qulimiguulimmik aallaaveqartoq qillerinerni atorneqassaaq, aammalu qillerlugu putuliami EM-imi periaaseq putuliani misissuinermi pissarsiarineqarsinnaassaaq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 45%-iisa missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4