TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip Kalaallit Nunaata kujataata kitaani Ingerlatseqatigiiffiup 100%-imik kisermaassisussaatitaalluni Ni-Cu-PGE-nut suliassaani Maniitsumi qillerinermi pisussanut pilersaarut nutarterpaa; Richardson COO-tut toqqarneqarpoq

September 6, 2012

Vancouver, Britisk Columbia - (Marketwire – 6. september 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("NAN") matumuuna qillerinerup immikkoortuata siulliup Imiak Hill-ip eqqaani ingerlanneqartup naammassinera nalunaarutigaa. Tamanna Maniitsup eqqaani 2012-ip ingerlanerani qillerinermi pisussanut pilersaarummi qillerummit qaqitassanik qillerinissanut pilersaarutaasunit sumiiffiit siunnerfiusussat siullersaraat. Putuliat sisamat katillugit 666,59 meterit sumiiffimmi qillerneqarput.

Putuliani MQ-12-001-imi aamma MQ-12-002-imi sulfid-inik aatsitassannguussimasut qupineqarput, aammalu aatsitassannguussimasut Avannamut-Avannamut kimmut samminerat EM atorlugu misissuinernit paasissutissanit nalunaarsukkanit eqqoriarneqartoq uppernarsillugu. Takussutissiami matuma kingulianiittumi sulfid-it qupineqarneri pingaaruteqarnerpaat NAN-ip ujarassiuuinit putuliaq 1-imi aamma 2-imi takuneqartut missingersorneqarneri takutinneqarpoq. Malugiuk, aatsitassannguussimasunik peqarnerata ilimanaateqarnera putuliaq 001-imi nunap qaavanut qanittumit 5,32 meterinit 32,3 meterinut ataannartoq, aammalu putuliaq 002-imi nunap qaavanut qanittumit 5,13 meterinit 70,08 meterinut ataannartoq takuneqarsinnaavoq.

Sulfid-inik aatsitassannguussimasut siammarsimasuniit sumiiffimmi sulfid-inut manngimasunut immikkoortukkaanut tunngapput. Aatsitassannguussimasut assilineri ingerlatseqatigiiffiup nittartagaani pissarsiarineqarsinnaapput (http://northamericannickel.com/Projektets/Projektets-Overview/Greenland/Maniitsoq/Maniitsoq-Drilling/default.aspx).

Putuliap ID Uuminnga (m) Uunga (m) Takissusaa* (m) Magntekis % Pyrit % Kanngussassaq %
MQ-12-001 5.32 5.56 0.24 15 7 spor
MQ-12-001 5.56 11.82 6.26 2 2 spor
MQ-12-001 11.82 16.94 5.12 20 10 spor
MQ-12-001 16.94 20.84 3.9 spor nil nil
MQ-12-001 20.84 32.3 11.46 10 5 1
MQ-12-002 5.13 9.15 4.02 12 4 1
MQ-12-002 9.15 15.78 6.63 2 1 nil
MQ-12-002 15.78 23.35 7.57 7 3 1
MQ-12-002 23.35 55.9 32.55 1 1 nil
MQ-12-002 55.9 70.08 14.18 10 4 1

* Silissusaa eqqortoq ilisimaneqanngilaq. Akuttussusai tassaapput qillerummit qaqitat takissusai uuttortakkat.

Putuliani MQ-12-003-imi aamma MQ-12-004-imi EM atorlugu misissuinermi nalinginnaasuunngitsut Imiak Hill-imi aatsitassannguussimasunut atasut kujammuinnaq aamma avannamuinnaq tallissutaa misilerarneqarpoq, aammalu qillerlugu putuliani EM (BHEM) atorlugu misissuinernut aallaaviusussatut atorneqarlutik. BHEM atorlugu misissuinerit maannamuugallartoq nassuiarneqarnerisa paasinarsisippaat, aatsitassannguussimasut naammaannartumik kujammuinnaq ueriartortut aammalu itissusaani ammallutik. Assilisami ilanngunneqartumi (Asseq 1) qulimiguullip aamma BHEM atorlugu misissuinermi nalinginnaasuunngitsut oqaluttuarisaanermi maannakkullu qillerinerit inissisimaneri takutinneqarput. Assilisami BHEM atorlugu misissuinermi nalinginnaasuunngitsut nassuiarneqartut aappaluttunngorlugit, qulimiguulimmik EM atorlugu misissuinermi nalinginnaasuunngitsut tungujortunngorlugit, oqaluttuarisaanermi qillerlugit putuliat qasertunngorlugit aammalu NAN-ip qillerlugit putuliai qaqortunngorlugit takutinneqarput.

Imiak-mi 2012-imi qillerinernut anguniagaq pingaaruteqartoq tassaavoq, qulimiguulimmik nunap qanoq sananeqaateqarnerani nalinginnaasuunngitsut Ingerlatseqatigiiffiup qanittumi timmisartumik misissuinerani paasineqartut nassuiarneqarnerisa uppernarsarnissaat. Imiak Hill-imi nalinginnaasuunngitsut nassuiarnerisa paasinarsisippaat oqaluttuarisaanermi nunap qaavani qanittumi qillerinerit, aatsitassannguussimasut avannamut-avannamut kangimuinnaq sammiviat saneqqullugu pisimasut. Qillerlugu putuliat naammassineqaqqammersut tamarmik immikkut kingusinnerusukkut itisuumi EM atorlugu misissuinissanut aallaaviussapput. Misissuinerit taakkua Crone Geophysics-imit, Ontariumi Mississauga-miittumit aqunneqarput aammalu qillerinerup naammasseriitsiarnerani piariissallutik. Qillerlugu putuliani misissuinerit aatsitassannguussimasunik 3D-imik takutitsipput, aammalu ilusilianik eqqoqqissaarnerujussuarnik pissarsiffiusinnaallutik, tassanngaaniillu qillerinerit immikkoortui tulliuttut Ingerlatseqatigiiffiup suliaqarfiusussamut tassunga uternerani pilersaarusiorneqarsinnaalissallutik.

Matuma allaaserineqarnerata nalaani putuliat sisamat immiussivigineqarput, aammalu misissugassat Actlabs Ancaster-imut Ontario-miittumut misissoqqissaarneqartussanngorlugit nassiunneqassallutik. Aatsitassanik nalinginnaasunik misissueqqissaarneq ICP aamma syre-mik ammaasarneq atorlugit ingerlanneqassaaq. Kuulti, platin aamma palladium Fire assay (30 gram) ICP-MS atorlugu naammassineqartussaq atorlugu misissoqqissaarneqassapput.

NAN-imi CEO, Rick Mark, oqarpoq: "Siullermik Kalaallit Nunaanni suleqatigiit Ujarassiuut pisortaannit John Pattison-imit aqunneqartut nersualaarusuppakka. Qupisinerit taakkua pisussanut pilersaarummi taama siusitsigisumi sulfid-inik aatsitassartaqartut, tamatsinnut annertuumik qiimmaallatsitsipput. Misissueqqissaarnerit inernerisa tigunissaat qilanaaraarput. Suliassami annertoorujussuarmi pilersaarusiorfigissallugulu periarfissaqarfiulluartumi annertunerujussuarmik suliassaqartoq ersarissorujussuuvoq. Maannakkut qillerinermi pisussanut pilersaarummi 2012-imi nalinginnaasuunngitsut suli allat marlussuit misilerarneqartussaasut, Maniitsup eqqaani timmisartumik nalinginnaasuunngitsut paasineqartut katillugit 75-iupput. Maannangaaq Kalaallit Nunaanni suliaqarfiusoq siulleq manna, ukiup tullianut pisussanut pilersaarummik sivisunermik annertunermillu ilusilersuinissamut pilersaarusiornermut atorparput, peqatigisaanillu qaammammi matumani 2012-imi qillerinerput ingerlateqqissavarput."

Ingerlatseqatigiiffiup aamma Neil Richardson-ip Chief Operating Officer-itut, aamma Cheryl Messier-ip NAN-imi Chief Financial Officer-itut toqqarneqarneri nalunaarutigerusuppai. Mark Fedikow Siulersuisunut siulittaasutut aamma ingerlatseqatigiiffimmi pisortatut ingerlaannassaaq, aammalu Ed Ford Pisortatut aamma Kukkunersiuinermut ataatsimiititaliamut siulittaasutut ingerlaannassalluni.

AATSITASSARSIORLUNI MISISSUINERUP TUNULIAQUTAA

Maniitsup eqqaa angissutsimigut annertoorujussuugaluartoq nikkelinillu aatsitassannguuttoqarsimanera annertugaluartoq, annikitsuinnarmik aatsitassarsiorluni misissuiffigalugu suliaqarfigineqarsimavoq. Oqaluttuarisaanermi aatsitassarsiorluni misissuinermi ilaapput piffissami 1965-ip aamma 1972-ip akornanni nikkelinik aatsitassannguussimasunik ujarlerluni qillerinerit, tassani nunap qaavanut qanittumi qillerlugit putuliat 119-it nalunaarutigineqarlutik. Putuliani nunap qaavani qulaarneqartut sulfid-it aatsitassannguussimasut, aammalu nunap qaavani nalinginnaasuunngitsut elektromagnetiskiusut (EM) nunap qaavani aatsitassannguussimasunut toqqaannartumik atasut misilerarneqarput. Putuliat tamarmi marlussuit kisimik pinnatik qillerutit angallattakkat mikisut Winkie atorlugit ikkattuinnarmut qillerneqarput. Agguaqatigiissillugu putuliap takissusaa taamaallaat 53 meteriuvoq.

Taamaakkaluartoq qupinernik amerlasoorpassuarnik pingaaruteqartunik nalunaarsuisoqarpoq:

  • Imiak Hill: 9,85 m @ 2,67% Ni, 0,60% Cu,
  • Fossilik: 12,89 m @ 2,24% Ni, 0,63% Cu, og
  • Quagssuk: 4,95 meter @ 1,97% Ni, 0,43% Cu.

1995-imi Cominco Ltd-ip, De Nationale Geologiske Undersøgelser for Danmark og Grønland (GEUS) suleqatigalugu, GNB-ip annertunerpaartaa qulaavaallugu GeoTEM suluusalik, timmisartumik EM-imi periaaseq atorlugu misissuivoq. Nalinginnaasuunngitsut EM ikittuinnaat nassaarineqarput. Malitseqartitsilluni aatsitassarsiorluni misissuineq aamma nunap qaavani annikitsumik nunap qanoq sananeqaateqarneranik misissuineq 1995-imi aamma 1996-imi Cominco-mik suliarineqartoq, aamma 2000-imi Falconbridge Limited-imit suliarineqartoq, annertunerusunik qillerinernik kinguneqanngilaq. Taamaattoq KØ-p qillerummit qaqitaannit aamma nunap qaavani qulaarneqartuneersunit Cominco-mit aamma Falconbridge-mit suiarineqartunit, misissugassanik tiguseqqinnerup ataatsimut isigalugu sulfid-inik qaffasissumik nikkelinik akoqarneri uppernarsarpaat (Falconbridgep suliaqarneranit sulfid-init 100%-init nikkeli 8% missaani).

NAN-ip suliassaq pissarsiaraa, pissutigalugu Ingerlatseqatigiiffik isumaqarmat sumiiffiup nunap immikkoortuanik nikkeleqarfimmik annertoorsuarmik peqarnissaa periarfissaqarfiulluarmat. Time-Domain, qulimiguulimmik EM atorlugu periaatsip nutaaliaasup atornerani, Maniitsup eqqaani nunami qutaarluusumi 1995-imi suluusalimmik timmisartumik misissuinermit taamaaqataanit, nikkelinik sulifid-inik peqarfinnik paasisaqarnissamut aatsitassarsiorluni misissuineq sunniuteqarluarneruvoq. Qulimiguulimmik TDEM atorlugu periaatsit 1995-imi pissarsiassaanngillat, aammalu taakkua nikkeleqarfinnut toqqoqqasunut itinerusumiittunullu malussarissusaasa pitsaanerunerani, NAN siusinnerusukkut misissuisartunut naleqqiullugu annertoorujussuarmik iluaqutissinneqarpoq.

Maniitsumi suliassaq pillugu annertunerusumik paasisaqarusukkuit, ingerlatseqatigiiffiup nittartagaa alakkaruk http://www.northamericannickel.com/.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

"Asseq 1", tusagassiuutitigut nalunaarummut matumunnga ilaatinneqartoq, takuniarlugu linki una atoruk: http://media3.marketwire.com/docs/nan96i.pdf

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4