TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip Kalaallit Nunaata kujataata kitaanni Maniitsumi Ni-Cu-PGE-nut suliassaani nunarsuarmi Meteorit-it pisoqaanersaasa nakkarfia nassaarineqarpoq

July 10, 2012

Vancouver, Britisk Columbia - (Marketwire – 10. juli 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") matumuuna nalunaarutigaa, Nationale Geologiske Undersøgelser for Danmark og Grønland ("GEUS") ulloq 28. juni nalunaaruteqartoq, "Meteorit-ip nakkarfiata annertuupiluunersuup, ukiunik tre milliardinik pisoqaassuseqartup sinnikui.. " Maniitsumi nunap ilusaaniittut. GEUS-imit taamatut nalunaaruteqarneq, sammisaq taanna pillugu atuagassiami ataqqisaasumi Earth and Planetary Science Letters-imi (Elsevier) Adam A. Garde, Iain McDonald, Brendan Dyck aamma Nynke Keulen allaaserinnittuullutik, allaaserisap tamanut saqqummersinneqarnerata peqatigisaanik pivoq.

Allaaserisami allaaserinnittut oqaatigaat Kalaallit Nunaanni Norit Bælte-mi (GNB) nunap qaavata qalipanissimanera nakkarfiusimanerata kingunerisaanik taamaalersimasoq. Ingerlatseqatigiiffiup suliassaq ukioq kingulleq aallartimmaguli, GNB Maniitsup eqqaanni NAN-ip suliaqarnerani sammineqarpoq. NAN, GNB-imut soqutiginnippoq, pissutigalugu sumiiffik annertoorujussuummat (peqarfik 70 km sinnerlugit takissuseqarpoq aammalu 15 km tikillugit silissuseqarluni), noritiske intrusive-nik nunap qaavata qalipanissimaneranik takussutissartaqartunik sananeqaateqarmat (tamannalu nikkelinik-kanngussammik sulfid-inik saffiugassanik peqalertarneranut atatillugu pingaaruteqarpoq), nikkelinik peqarfinni oqaluttuarisaanermi qaffasissumik akuissuseqartunik amerlasuunik peqarfiummat (assersuutigalugu Imiak Hill-imi 9,85 meterit 2,67%-inik Ni-taqartut aamma 0,60%-inik Cu-taqartut) kiisalu aamma maluginiagassaasumik annikitsuinnarmik aatsitassarsiorluni misissuiffiusimammat.

Garde-p allaaserisaa nutaarsiassaavoq pissaganartoq, tassami tassani paasinarsisinneqarpoq GNB ujarassiornermi pisup annertoorujussuup asseqanngitsullu kingunerisaanik pilersimasoq. Nakkarsimaneraaneq aamma aatsitassarsiorluni misissuinermut sunniuteqarpoq. Assersuutigalugu nakkarnerani qullornerit ilusaat pilersimasut norit intrusive-t aningaasaqarnikkut soqutiginaateqartut inisissimanerinik aqutsisuusimasinnaapput. Taamaattumik NAN-ip GEUS-ip Maniitsup eqqaani aqqutissiuisumik ilisimatusarnermik suliaqarnera annertoorujussuarmik soqutiginnilluni suli malinnaaffigissavaa.

Maniitsumi suliassaq Kalaallit Nunaata kujataata kitaani inissisimavoq, aammalu North American Nickel-ip maannakkorpiaq GNB qulaavaallugu qulimiguulimmik elektromagnetiskemik 3.000 linje-kilometerinik misissuineq ingerlatileruttorpaa. Nalinginnaasuunngitsut pingaarnersiukkat misissuinermi paasineqartut aasamut kingusinnerusukkut qilleriffigineqassapput.

SIUSINNERUSUKKUT AATSITASSARSIORLUNI MISISSUINEQ

Maniitsup eqqaa angissutsimigut annertoorujussuugaluartoq nikkelinillu aatsitassannguuttoqarsimanera annertugaluartoq, annikitsuinnarmik aatsitassarsiorluni misissuiffigalugu suliaqarfigineqarsimavoq. Oqaluttuarisaanermi aatsitassarsiorluni misissuinermi ilaapput piffissami 1965-ip aamma 1972-ip akornanni nikkelinik aatsitassannguussimasunik ujarlerluni qillerinerit, tassani nunap qaavanut qanittumi qillerlugit putuliat 119-it nalunaarutigineqarlutik. Putuliani nunap qaavani qulaarneqartut sulfid-it aatsitassannguussimasut, aammalu nunap qaavani nalinginnaasuunngitsut elektromagnetiskiusut (EM) nunap qaavani aatsitassannguussimasunut toqqaannartumik atasut misilerarneqarput. Putuliat tamarmi marlussuit kisimik pinnatik qillerutit angallattakkat mikisut Winkie atorlugit ikkattuinnarmut qillerneqarput. Agguaqatigiissillugu putuliap takissusaa taamaallaat 53 meteriuvoq.

Taamaakkaluartoq qupinernik amerlasoorpassuarnik pingaaruteqartunik nalunaarsuisoqarpoq:

  • Imiak Hill: 9,85 m @ 2,67% Ni, 0,60% Cu,
  • Fossilik: 12,89 m @ 2,24% Ni, 0,63% Cu, og
  • Quagssuk: 4,95 meter @ 1,97% Ni, 0,43% Cu.

1995-imi Cominco Ltd-ip, De Nationale Geologiske Undersøgelser for Danmark og Grønland (GEUS) suleqatigalugu, GNB-ip annertunerpaartaa qulaavaallugu GeoTEM suluusalik, timmisartumik EM-imi periaaseq atorlugu misissuivoq. Nalinginnaasuunngitsut EM ikittuinnaat nassaarineqarput. Malitseqartitsilluni aatsitassarsiorluni misissuineq aamma nunap qaavani annikitsumik nunap qanoq sananeqaateqarneranik misissuineq 1995-imi aamma 1996-imi Cominco-mik suliarineqartoq, aamma 2000-imi Falconbridge Limited-imit suliarineqartoq, annertunerusunik qillerinernik kinguneqanngilaq. Taamaattoq KØ-p qillerummit qaqitaannit aamma nunap qaavani qulaarneqartuneersunit Cominco-mit aamma Falconbridge-mit suiarineqartunit, misissugassanik tiguseqqinnerup ataatsimut isigalugu sulfid-inik qaffasissumik nikkelinik akoqarneri uppernarsarpaat (Falconbridgep suliaqarneranit sulfid-init 100%-init nikkeli 8% missaani).

AATSITASSARSIORLUNI MISISSUINERUP TUNULIAQUTAA

NAN-ip suliassaq pissarsiaraa, pissutigalugu Ingerlatseqatigiiffik isumaqarmat sumiiffiup nunap immikkoortuanik nikkeleqarfimmik annertoorsuarmik peqarnissaa periarfissaqarfiulluarmat. Time-Domain, qulimiguulimmik EM atorlugu periaatsip nutaaliaasup atornerani, Maniitsup eqqaani nunami qutaarluusumi 1995-imi suluusalimmik timmisartumik misissuinermit taamaaqataanit, nikkelinik sulifid-inik peqarfinnik paasisaqarnissamut aatsitassarsiorluni misissuineq sunniuteqarluarneruvoq. Qulimiguulimmik TDEM atorlugu periaatsit 1995-imi pissarsiassaanngillat, aammalu taakkua nikkeleqarfinnut toqqoqqasunut itinerusumiittunullu malussarissusaasa pitsaanerunerani, NAN siusinnerusukkut misissuisartunut naleqqiullugu annertoorujussuarmik iluaqutissinneqarpoq.

Maniitsumi suliassaq pillugu annertunerusumik paasisaqarusukkuit, ingerlatseqatigiiffiup nittartagaa alakkaruk http://www.northamericannickel.com/.

Maniitsup eqqaani sumiiffik nakkarfiusoq pillugu annertunerusumik paasisaqarusukkuit linki una atoruk http://www.universetoday.com/96047/oldest-impact-crater-on-earth-discovered-in-greenland/.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 26 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4