TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip Mr. Gilbert Clark, Sentient Group-imeersoq Siulersuisunut toqqarpaa

May 25, 2012

Vancouver, Britisk Columbia - (Marketwire – 25. maj 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") matumuuna nalunaarutigaa Ingerlatseqatigiiffiup, Mr. Gilbert Clark Siulersuisunut toqqarsimagaa.

Mr. Clark Europami aallaaveqarluni ujarassiuujuvoq ukiunit 13-init amerlanerusuni suliassaqarfimmi misilittagaqartoq; pingaartumik aatsitassarsiorfinni ingerlatsinerup iluani aamma nunani tamalaani isumalluutinik ineriartortitsinermi. 2010-imiilli Mr. Clark aatsitassarsiornermut nukissiuuteqarnermullu suliassaqarfiup iluanni namminersortut aningaasaliisarnerannik aamma nammineq aningaasaatinik nalilersuisarnermik suliaqarsimavoq. Maannakkorpiaq Sentient Group-imi arlaannaannulluunniit attuumassuteqarani namminersortut aningaasaliisarnerannut ingerlatseqatigiiffiusumut, nunarsuarmioqatigiinni suliffissuaqarnermi isumalluutini immikkut ilisimatusarsimasumi, Aningaasaliisarnermut siunnersortaavoq.

Rick Mark, North American Nickel-imut pisortaaneq oqarpoq: "Due diligence-mi ingerlatitsinitsinni qammatit pingasut kingulliit ingerlaneranni Gilbert-ip aamma Sentient Group-ip suleqatiginissaannut periarfisasqarsimavunga, taamaattumillu Sentient-ip Siulersuisutsinnut toqqarmagu nuannaarutigisorujussuullugu. Gilbert-ip nunani tamalaani suliassani misissueqqissaarnermik suliaqarnermi misilittagaasa, siulersuisutsinni periarfissaqarfiusut annertusitissavai nukittorsassallugillu, aammalu ingerlatseqatigiiffinni ineriartortitsinerup immikkoortuini tamaginni suliniartuarnera Kalaallit Nunaanni iluatsitsilluarnermik malitseqarluni iluaqutaassasoq qularnanngilluinnarpoq."

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 26 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfisaq: Rick Mark, CEO aamma Siulersuisuni siulittaasoq
Suliffeqarfiup aqqa: North American Nickel Inc.
604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4