TSX-V: nan $0,58 -$0,01 -1,69% Volume: February 16, 2022

Navigation

North American Nickel-ip sullissinernut Investor Relations-inik taagorneqartunut Freeform Communications Inc. atorfinitsippaa

January 18, 2012

Vancouver, Britisk Columbia - (Marketwire – 18. januar 2012) - North American Nickel Inc.-ip (TSX VENTURE: NAN) (OTCBB: WSCRF) (CUSIP: 65704T 108) matumuuna nalunaarutigaa, TSX-ip akuersissuteqarnissaa apeqqutaatillugu, Ingerlatseqatifgiiffiup suliffeqarfinnut attaveqaqateqarnernik suliaqarnissamut aammalu Ingerlatseqatigiiffimmut aningaasaliisartunut attaveqaataasunut sullissinissamut Vancouver-imi, BC, Canada-imi Freeform Communications Inc. ("Freeform") atorfinitsissimagaa.

Ingerlatseqatigiiffiup aningaasaliisartut akornanni ilisimaneqarnerulernissaa siunertaralugu, aammalu Ingerlatseqatigiiffik nunarsuarmi aatsitassarsiornermik suliffissuaqarnermi aamma nunani tamalaani aningaasaliisartut akornanni aningaasaliisartunut namminersortunut, nalilersueqqissaartartunut, akunnermiliuttartunut, aningaasaateqarfinnik aqutsisunut aamma nutaarsiassanik allaaserinnittartunut ilisaritinniarlugu, suliffeqarfiup attaveqaqateqarnera aamma aningaasaliisartunut attaveqarnermut sullissinerit periusissatigut akuleriisillugit Ingerlatseqatigiiffimmut ikiuunnissamut Freeform sulilluarpoq.

North American Nickel CEO, Rick Mark, oqarpoq: "Freeform-ip tunngaviusutut atugai ikiuni arlalinni ilisimareerpavut aammalu suleqatigiit sulisuisa misilittagaqartut pikkorissuseqarluinnartullu nuannersumik suleqatigalugit. Kalaallit Nunaanni Maniitsumi suliassatsinni 2011 SkyTEM-imi pisussanut pilersaarutitsinni iluatsitsilluarnerup kingorna, Ingerlatseqatigiiffiup aatsitassarsiorluni misissuinermi ingerlatassanut piffissap suliaqarfiusussap aappaanut neriulluarfiusumut piareersaanerit ingerlappai. Isumaqarpugut NAN-ip Kalaallit Nunaanni nunap immikkoortuanik nunarsuarmi nikkeleqarfiit aappassaannik ujarlernera pillugu oqaluttuaq, maannakkut nunarsuarmi aningaasaliinermi suliassat akornanni asseqanngitsoq, maannakkullu ilungersorluta tamatigoortumik annertussusiliilluta tuniniaanissamut nittarsaassinermut pilersaarummik, aningaasaliinerup iluanaarutitassaannik nassuiaaffiusumik NAN-ip annaasaqaataasinnaasumik aningaasaliisartunut saqqummiussassaanik suliaqarneq aallartittussanngorparput."

Freeform Communications Inc. 1992-imi pilersinneqarpoq, aammalu Vancouver-imi, BC-imi aallaaveqarluni ingerlatseqatigiiffiulluni aningaasaliisartunut attaveqartartoq, ukiut 40-it sinnerlugit misilittagaqartoq, aningaasaliisartunut attaveqarnernik aamma aningaasaatinut niuerfinni kiffartuussinerni assigiinngitsorpassuarni immikkut ilisimatusarsimasoq. Freeform sullitanit pisortaneersunit aamma namminersortunit amerlasoorpassuarnit aallartitaasarsimavoq, aammalu tamaasa ataasiakkaarlugit siunnerfimminnik angusaqarnissaannik ikiortarsimallugit, ilanngullugit aningaasaatinik pissarsinissaq aamma aktiaateqartuinik annertusititsinissaq.

Ingerlatseqatigiiffiup isumaqatigiissutaa naapertorlugu Freeform qaammatit siulliit arfinillit ingerlaneranni qaammammut akiliummik CAD 7.000-inik annertussuseqartumik akilerneqartassaaq. Freeform aamma Ingerlatseqatigiiffimmi aktiaatinik nalinginnaasumik 300.000-inik pisinissamut salliusussaatitaanermik tunineqassaaq. Salliusussaatitaanerit piffissami ulloq tunniunneqarfia aallarnerfigalugu ukiunik tallimanik sivisussusilimmi pisinermi $ 0,15-inik akeqartitsilluni atorneqarsinnaapput. Salliusussaatitaanerit piffissap qaammatinik 12-inik sivisussusillip ingerlanerani pissarsiarineqarsinnaalertassapput.

Ingerlatseqatigiiffiup aamma Freeform-ip akornanni isumaqatigiissut suli allanik qaammatinik arfinilinnik ingerlaannartumik sivitsorneqarsinnaavoq, aammalu ullut 30-it sioqqullugit allakkatigut ilimasaarinikkut illuatungeriinnit atorunnaarsinneqarsinnaalluni. Ingerlatseqatigiiffik aamma Freeform aammalu salliusussaatitaanernik tunniussineq oqartussaasut akuersissuteqarnissaat apeqqutaatillugu pipput.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 45%-iisa missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.841km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Bell Lake-mi suliassami ilaavoq pisinnaatitsissuteqarfik 256 acres-inik angissuseqartoq, Mystery Offset Dyke-p aamma MOD-itut ilisimaneqartup ilaani kilometeri ataatsip missaa inissisimalluni. MOD, Worthington Offset Dykep nangissutaatut nassuiarneqartarpoq, tassaniillutik Vale-p aatsitassarsiorfia nutaaq Totten aamma peqarfik Victoria pissanganartoq Quadra FNX-imit pigineqartoq.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118
www.northamericannickel.com

Freeform Communications Inc.
Robert Ferguson
Pisortaq
778-372-2890
Najoqqutarisaq: North American Nickel Inc.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4