TSX-V: nan $0,58 -$0,01 -1,69% Volume: February 16, 2022

Navigation

North American Nickel nikkelinut-kanngussannut-PGE-nut Sudbury, Ontario-miittup eqqaani Wahnapitae Intrusiv komplekset-imut pisinnaatitaaffeqalerpoq; Bell Lake aamma Woods Creek taamaatippai

April 18, 2012

Vancouver, Britisk Columbia - (Marketwire – 18. April, 2012) - North American Nickel Inc.-ip (TSX VENTURE: NAN) (OTCBB: WSCRF) (CUSIP: 65704T 108) matumuuna nalunaarutigaa Ingerlatseqatigiiffik Sudbury-p sumiiffiani 100%-imik kisermaassisussaatitaalluni nikkelinut-kanngussannut-platingruppe-nut suliassap pisiarinissaanut pisinnaatitaaffiit naapertorlugit suleqataasunut aalajangersimasunut salliusussaatitaanermut isumaqatigiissut ("salliusussaatitaanermut isumaqatigiissut") atsiorsimagaa ("Salliusussaatitaaneq"). Sumiiffik Wahnapitae Intrusiv Complex ("WIC sumiiffia") pisinnaatitsissuteqarfiusunik 10-inik peqarfiuvoq, ataatsimoortut taakkua qiterpasissortaanni nunaminertaq 3x2 km-isut annertussuseqarluni. Sumiiffimmukarnissamut aqqut aqqusernit/aqqutissat asfaltikkat ujaraaqqanillu qallikkat aqqutigalugit aqqutigissorujussuuvoq. Eqqaani attaveqarnermi ilaapput innaallagissamut aqqusersuutit aamma illoqarfik najukkamiittoq Wahnapitae.

Dr. Mark Fedikow, P. Geo. (Pisortaq aamma COO) oqarpoq: "Nikkelinut-kanngussannut-platineqatigiinnut suliassaq taanna misissuiffigineqarpianngitsoq Sudbury-mut qanittumi inissisimasoq, pitsaalluinnartumik orninnissaanut aqqutissaqarpoq aammalu attaveqarneq pitsaasuulluni, aammalu oqaluttuarisaanermi aatsitassarsiorluni misissuinernit paasisat annertuut pigineqarlutik. Tamanna North American Nickel-imut periarfissaavoq qaqutigoortoq. WIC-imiittut sukkasuumik akikitsumillu nalilersornissaat misissuiffiginissaallu suliarisinnaavarput. Upernaamut asimi suliaqaqatigiittussat sumiiffimmukartillugit aallartissavagut, kiisalu paasissutsissat taakkua eqikkarneqarnerat aallaavigalugu 2012-imi qillerinissanut periarfissaqarfiusunut siunnerfissanik ineriartortitsinissaq siunertaralugu, ujarassiornermit paasissutissaavitsinnik sukkasuumik pissarsissalluta inerisaassallutalu."

Wahnapitae Intrusiv Complex – Nikkel-inik-kanngussannik-PGE-inik peqarfik

WIC Sudbury-p kujammut kangiani 13 km-isut ungasissusilimmi aammalu Wahnapitae-mi Trans Canadiske Hovedvej 17-ip kujataani 1 km-isut ungasissusilimmi inissisimavoq. Sumiiffik 5,6x2,4 km-isut takissuseqarpoq mafisk intrusion-inik qaleriaarneqarluni avannamut kangimuinnaq-kujammut kimmuinnaq sammilluni, nikkelinik-kanngussannik-PGE-nik aatsitassannguussimasunik gabbro-norite aamma gabbro-mik akoqarluni "Injektions Breccia Zone". Gabbro-norite-taani ilaapput norit-it olivin-imik akullit manngertut aamma qaleriiaartut, norite aamma gabbro, Injektions Breccia Zonen tassaalluni gabbro manngertumit sioqqatut ujaraaqqatullu ittunut. Laurentian University-mi (Sudbury, Ontario) nunap qanoq pinngoriartuaarsimaneranik aamma aatsitassalerinikkut misissuinerit paasinarsisippaat norit aamma gabbro pladet killiginut qanittumi nunavittap qalipaani akuliussimasut, taamaaliornikkut saffiugassap 40%-ia tikillugu nunarsuup qalipaanik siammarfigineqarsimalluni. Nikkeli aamma kanngussak poorsimasup gabbro-norit-imi ujaqqamiittup paasinarsisippaa aatsitassat taakkua aggorlutik pisoqarsimasoq.

Oqaluttuarisaanrmi aatsitassarsiorluni misissuinerup eqikkarneqarnera

WIC-ip sumiiffia annikitsuaraannarmik aatsitassarsiorluni misissuiffigineqarsimavoq, aammalu teknikkit teknologiillu nutaaliaasut atorlugit tulleriissaartumik suliaqarfigineqarsimanani. WIC-ip sumiiffiata kujammut killeqarfia sinerlugu oqaluttuarisasanermi aatsitassarsiorluni misissuinermi sumiiffiit manngertornisimasut annertuut paasineqarput. Aammattaaq pisortat paasissutissaataasa takutippaat, sumiiffimmi suliassaqarfiusumi aasitassannguussimasunit misissugassat Ni-Cu-Co-platin-inik saffiugassanik ulikkaartut. Siusinnerusukkut nunap qaavani nunap qanoq sananeqaateqarneranik misissuinerni, ataatsimoortut killiganni kujasinnerusortaani elektromagnetiskimik misissuinermi nalinginnaasuunngitsut arlallit, qillerinikkut misileraavigineqarsimanngisaannartut, sumiissusersineqarput, aammalu kajungerisaqarneranik misissuinermi nalinginnaasuunngitsut avannamuinnaq-kujammuinnaq sammisut annertuut, ataatsimoortut sinaanni kangisissortaani killissalersorneqarlutik.

Aatsitassarsiorluni misissuinermi periusissaq

WIC-ip sumiiffiani misissuinermi, nunap qanoq pinngoriartuaarsimaneranik misissoqqissaagassanik naammattunik misissugassanik pissarsiniarluni, aatsitassarsiorluni misissuineq aamma nunap assiliiorneq, timmisartumik aamma nunap qaavani nunap qanoq sananeqaateqarneranik misissuinerit kiisalu sumiiffimmi manngertornisimasunik peqarfiusuni assaanerit qaartiterinerillu ataqatigiissillugit atorneqassapput. North American Nickel-ip qillerinermi pisussanut pilersaarut, paasissutissanik nalunaarsukkanik katersuinermi immikkoortumi aallarniutaasumi ujarassiornikkut-nunap qanoq sananeqaateqarneranik-nunap qanoq pinngoriartuaarsimaneranik misissuinermi siunnerfinnik misileraaviusussaq, pilersaarusiorpaa.

Salliusussaatitaanermut isumaqatigiissummut atugassarititaasut

Salliusussaatitaaneq atorluarniarlugu aammalu WIC-ip sumiiffiani soqutiginninnermut katersiniarluni, Ingerlatseqatigiiffiup CAD 120.000-inik aningaasanngorlugit akiliinerit piviusunngortissavai aammalu ukiut pingasut salliusussaatitaanermut isumaqatigiissutip atuuffissaata ingerlanerani aktiaatit nalinginnaasut 225.000-it salliusussaatitaanermik pigisaqartuusunut tunniutissallugit. Ingerlatseqatigiiffiup aamma WIC-ip sumiiffiani salliusussaatitaanermut isumaqatigiissutip atuuffiata ingerlanerani aatsitassarsiorluni misissuineq minnerpaamik CAD 63,000-inik aningaasalersussavaa. Salliusussaatitaanerup atorluarneqarnerani salliusussaatitaanermik pigisaqartut WIC-ip sumiiffiani 2%-imik net smelter royalty-mik ("NSR") pissarsissapput aammalu Ingerlatseqatigiiffik 2015-imi aggustimi aallartittumik sioqqutsisumik ukiumut CAD 8.000-inik NSR-mut akiliisarnissamut pisussaaffeqalissaaq. Ingerlatseqatigiiffik WIC-ip sumiiffiani niuernermik tunngaveqartumik tunisassiornerup aallartinneqarnissaa sioqqullugu sukkulluunniit NSR-ip 50%-iata $ 1.000.000-inik akeqartillugu utertillugu pisiarinissaannut pisinnaatitaaffeqearpoq.

Salliusussaatitaanermut isumaqatigiissummi TSX Venture Exchange-imit akuersissuteqarnissaq tunngavissarititaavoq.

Bell Lake-mi aamma Woods Creek-imi suliassat

North American Nickel-ip Sudbury Bassin-ip eqqaani kujammut kippasissumiittuni Bell Lake-mi aamma Woods Creek-imi suliassani suleqataasunut Ingerlatseqatigiiffiup salliusussaatitaanermut isumaqatigiissutaa, aatsitassarsiorluni misissuinernit paasisat pitsaasuunnginnerat pissutigalugu, nutartersimanngilaa. Aatsitassarsiorluni misissuineq Post Creek-Halcyon-imi aamma Wahnapitae Intrusiv Complex-imi suliassanik aallussiviussaaq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 45%-iisa missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4