TSX-V: nan $0,58 -$0,01 -1,69% Volume: February 16, 2022

Navigation

North American Nikkel Maniitsumi suliassami Kalaallit Nunaanni Norit-eqarfimmi sumiiffinnik annertunerusunik pissarsivoq

March 1, 2012

Vancouver, Britisk Columbia - (Marketwire – 1. marts 2012) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108). North American Nickel-ip ("NAN") matumuuna nalunaarutigaa, Ingerlatseqatigiiffiup aatsitassarsiorluni misissuinissamut akuersissut qinnuteqaatigisaa, Kalaallit Nunaanni Norit-eqarfiup (GNB) periarfissaqarfiulluinnartup qeqqani 142 kvadratkilometerinik annertussuseqartoq, Kalaallit Nunaanni Aatsitassanut Ikummatissanullu Pisortaqarfimmit akuersissuteqarfigineqartoq, ingerlatseqatigiiffiup nalunaarut tigusimagaa (takuuk asseq 1). naatsorsuutigineqarpoq pisinnaatitsissuteqarfik nutaaq taanna qaammatip ataatsip missaata iluani tunniunneqassasoq.

Sumiiffik pisinnaatitsissuteqarfiusoq nutaaq taanna norit intrusive-nik amerlasoorpassuarnik aammalu nikkelsulfid-inik aatsitassannguussimasunik arlalippassuarnik imaqarpoq, aammalu NAN-ip pisinnaatitsissuteqarfianut pioreersumut ataqatigiilluni. Tamatuma Maniitsumi ingerlatseqatigiiffiup pisinnaatitsissuteqarfiata sumiiffia 4.983 kvadratkilometerinik annertussuseqartilerpaa. Pisinnaatitsissut nutaaq taanna nikkeleqarfiup GNB-ip qeqqani inissisimavoq, aammalu aatsitassartaqartut pingasut Kryolitselskabet Øresund A/S-imit (KØ) mellem 1965-ip aamma 1972-ip akornanni nassaarineqarsimasut tassaniillutik:

  • Kajortoq – nunamut atasut sinerlugit sumiiffimmi ataatsimoortunik sulfid-itaqarlutik gabbronorit-it ersiinnartut 750x350 m. Nunap qaavani aatsitassannguussimasuni misissugassat KØ i 1966-imi KØ-mit katersorneqartut 2,50% angullugu Ni-imik akoqarput.
  • Kitata Taserssuatia - ujaqqat noritiskiusut ersiinnartut arlallit, sumiiffinni sulfid-inik siammarsimasunik aamma eertatut angitigisukkaanik mikisunik imminnut qaninnerusumi aatsitassannguussimasunik akoqartut. Nunap qaavanit misissugassat 1967-imi KØ-mit katersorneqartut 2,36% angullugu Ni-nik akoqarput.
  • Sikolik - sumiiffimmi 1200x500 meterit sinnerlugit annertussusilimmi norit-it ersiinnartut sumiiffimmi sulfid-inik siammarsimasunik akoqartut. 1972-imi KØ norit-inik manngertornisimasuni nalinginnaasuunngitsut EM (VLF aamma slingram) misilerarniarlugit, katillugit taamaallaat 140 meterinik pingasunik ikkattunik putusilluni qillerivoq. Putuliani pingasuni tamaginni sulfid-it aatsitassannguussimasut siammarsimasut 2,92 meterini 0,38% angullugit Ni-taqartut aamma 0,11% angullugit Cu-taqartut toraarneqarput.

NAN-imi CEO, Rick Mark oqarpoq: "Kalaallit Nunaanni Nikkeleqarfiup periarfissaqarfiulluartup qiterpasissortaa North American Nickel-ip qulakkeersinnaammagu nuannaarutigaarput. Nutaami aatsitassannguussimasut, peqarfimmi sumiiffinni misileraavigineqareersimasunut sanilliunneqarsinnaapput, aammalu naatsorsuutigaarput qulimiguulimmik EM atorlugu misissuinerni siunissami qillerinernut siunnerfissat arlallit sumiissusersineqassasut."

Asseq 1 takuniarlugu linki una atoruk: http://media3.marketwire.com/docs/NANImage1.pdf

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 45%-iisa missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik 70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, Ni-Cu-PGM-inut ujarassiornikkut nakkutigineqartumut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Bell Lake-mi suliassami ilaavoq pisinnaatitsissuteqarfik 256 acres-inik angissuseqartoq, Mystery Offset Dyke-p aamma MOD-itut ilisimaneqartup ilaani kilometeri ataatsip missaa inissisimalluni. MOD, Worthington Offset Dykep nangissutaatut nassuiarneqartarpoq, tassaniillutik Vale-p aatsitassarsiorfia nutaaq Totten aamma peqarfik Victoria pissanganartoq Quadra FNX-imit pigineqartoq.

Ingerlatseqatigiiffiup aamma Thompson-ip, Manitoba-miittup eqqannguani South Bay-imi Ni-Cu-PGE-nut suliassaq qaffasissumik akuissuseqartoq kiisalu Manitoba-mi Thomson-imi qaarsumi nikkeleqarfiup nunarsuarmi tusaamasaasup ilaani Thompson North-imi aamma Cedar Lake-mi sumiiffiit inerisaaviusussatut suliassat annertoorsuit 100%-imik pigisarai.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Dr. Mark Fedikow, P. Geo.
Pisortaq
604-986-2020 imaluunniit akeqanngitsumik: 1-866-816-0118
www.northamericannickel.com

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4