TSX-V: nan $0,20 -$0,01 -4,76% Volume: 4.062 October 20, 2020

Navigation

Dr. Tony Naldrett, qaqqamit anitsisartumeersunik sulfid-inik peqarfinni immikkut ilisimasalik nunani tamalaani ataqqisaasoq, North American Nickel-ip Siulersuisuini siunnersortaasussani ilaalerpoq

September 30, 2013

Vancouver, British Columbia - (Marketwired – 30. september 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) matumuuna nalunaarutigaa, Dr. Tony Naldrett, University of Toronto-mi Professor Emeritus, siunissami Ingerlatseqatigiiffiup Siulersuisuini siunnersortaasuni ilaalissasoq. Dr. Naldrett nunani tamalaani qaqqamit anitsisartumeersuni (nikkelit, kanngussaq aamma platin-eqatigiit) sulfid-inik aatsitassannguussimasuni immikkut ilisimasalittut ataqqisaavoq.

Ukiunit 40-init amerlanerusuni suliffeqarnermini qaffakkiartorsimalluni Dr. Naldrett-ip ilisimatusarnera qaqqamit anitsisartuneersunik sulfid-inik peqarfinnik aallussiviusimavoq, qaqqamit anitsisartumeersut suminngaaniit pilersimanersut, nunap qaavani magma-t taakkua pinngorfii, geokemi sulfid-it magma-mit immikkoortinniarnerannik aqutsisoq, aammalu tamatuma kingorna sulfid-init nillorsikkanit aatsitassanik immikkoortiterineq, saffiugassamik suliarinninnerup ingerlanerani ajornartorsiorfiusartoq.

Dr. Naldrett qanittumi NAN-ip nikkel sulfid-it pillugit Kalaallit Nunaanni aamma Københavnimi oqalugiartitseqattaarnerani pingaarnertut oqalugiartuuvoq, tassani NAN-ip Kalaallit Nunaata kujataata kitaanni 5.100 kvadratkilometerisut annertutigisumi Maniitsumi kisermaassisussaatitaalluni suliassaani 100%-imik pigineqartumi, Kalaallit Nunaat sammineqarluni. Kalaallit Nunaanniinnermini Dr. Naldrett Maniitsumi qillerummit qaqitanik Nuummi toqqorsivimmiitinneqartut takusarnissaannut periarfissaqarpoq.

Rick Mark, North American Nickel-imut pisortaaneq oqarpoq: "Dr. Naldrett ingerlatseqatigiiffiup Siulersuisuini siunnersortaasuni ilaalernissamut, aammalu sulisutsinnut suleqatigiinnut amerliartortunut, Maniitsumi nikkelinut-kanngussannut-koboltinut-PGM-inut sulfid-inut suliassatsinni maannakkut siunissamilu ineriartortitsinissamut ilitsersuisartunut ilaalernissamut, akuersisimammat tulluusimaarutigisorujussuuarput. Eqqorluartumik oqaatigalugu nunarsuarmi nikkel sulfid-inik peqarfiit pingaaruteqartut tamaasa nammineerluni takusarsimavai. Taakkuninnga periaatsinut pisariusorujussuarnut paasisimasaqarnera asseqanngilaq, aammalu ingerlatseqatigiiffiup teknikkikkut suliaqartuinut suleqatigiinnut, taakkua nunarsuarmi nikkelinut nunap immikkoortuisa annersaasa tulleriligassaatut isumaqarfigisatsinni misissuineranni inerisaanerannilu, annertoorujussuarmik iluaqutaassaaq."

Dr. Naldrett-ip suliaqarnera tamatigut peqarfiviusuni annertoorujussuarmik tunngaviliisarsimavoq. Tamanna taassuma taassumalu ilisimatusarnermi sulisuisa, nunani soorlu Canada aamma USA, Rusland, Kina, Australien, Sydafrika, Botswana, Zimbabwe, Norge, Finland, Italien aamma Brasilien nunarsuarmi nikkelinut-kanngussannut-platin-eqatigiinnut peqarfinnut nalinginnaasunut arlalinnut tikeraarnerannik misissuinerannillu kinguneqarsimavoq. M.Sc.-inut 15-inut, Ph.D.-inngorniarlutik ilinniartunut 16-inut aamma postdocs-inut 15-inut sulinermi ingerlanerani ilitsersuisuusarsimavoq.

Asimi suliaqarnernit malugisassaalluartumik tupinnaannartumik misilittagaqarnera allaaserisani 240-init amerlanerusuni aamma atuakkani 8-ini atuakkiortuusimaneranik kinguneqarpoq. Aamma Mineralogical Association of Canada-mi, Society of Economic Geologists-imi, International Mineralogical Association-imi, Geological Society of America-imi aamma UNESCO-p nunani tamalaani Geological Cooperation Program-iani siulittaasuusimavoq.

North American Nickel-ip aamma nalunaarutigaa Ingerlatseqatigiiffiup aktiaatinik pisinissamut salliusussaatitaanermut pisussanut pilersaarutaa naapertorlugu Ingerlatseqatigiiffiup aningaasaataanni aktianik nalinginnaasunik 200.000-it tikillugit pisinissamut aktiaatinut salliusussaatitaanermik ingerlatseqatigiiffimmi siunnersortinut aamma/imaluunniit sulisunut Ingerlatseqatigiiffik tunniussisimasoq. Salliusussaatitaanerit 30. september 2018 imaluunniit taanna tikitsinnagu aktia ataaseq CAD 0,37-inik atuinermi akeqartillugu atorneqarsinnaapput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Mark Fedikow, Pisortaq, North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
Paasisaqarnerorusukkuit nalunaarfissaq:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4