TSX-V: nan $0,20 +$0,00 +0% Volume: 2.000 October 21, 2020

Navigation

Falconbridge-mi siusinnerusukkut pisortaanerusoq aamma Siulersuisunut siulitaasuusimasoq Alex Balogh, North American Nickel-ip Siulersuisuini siunnersuisartuni ilasortanngorpoq

March 12, 2013

Vancouver, British Columbia - (Marketwired – 12. marts 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) North American Nickel-ip ("NAN") matumuuna nalunaarutigaa Mr. Alex Balogh Ingerlatseqatigiiffiup Siulersuisuini siunnersuisartunut ilaasortanngortoq.

Mr. Balogh siusinnerusukkut Falconbridge Ltd.-imi Siulersuisunut siulittaasuusimavoq aammalu Pisortaanerusimalluni, Noranda Inc.-imi Siulittaasumut tullersortaasimalluni aammalu Noranda Minerals Inc.-imi pisortaanerusimalluni.

International Council on Metals and Environment-imi (ICME) siulittaasuugallarsimavoq, Mining Association of Canada-mi pisortaasimalluni, aammalu nunami namminermi aamma nunani tamalaani kattuffinni allani ilaasortaasimalluni. Mr. Balogh tamatuma saniatigut Sentient Council-imi Sentient Group-imi siunnersuisartutut inissisimasumi ilaasortaavoq, aammalu maannakkut Hatch Associates-imi Siulersuisuni siunnersuisartuusuni ilaasortaalluni. Mr. Balogh piffissani assigiinngitsuni ingerlatseqatigiiffinni aningaasanut niuerfinni nalunaarsorsimasuni 15-ini siulersuisuniissimavoq.

Rick Mark, North American Nickel-imut pisortaaneq oqarpoq: "Alex-ip NAN-ip oqaluttuarisaanerani piffissami pissanganartumi ilitsersornissatsinnut akuersisimanera ingerlatseqatigiffiup tulluusimaarutigaa. Kalaallit Nunaata kujataata kitaani Maniitsumi kisermaassisussaatitaalluta nikkelinut-kanngussannut-koboltinut-PGM sulfid-inut suliassatsinni 100%-imik pigisatsinni 2013-imi pisussanut pilersaarut pilersaarusioratsigu, aatsitassarsiorfimmik ingerlatsinermi ukiorpassuarni misilittagaqarnera, nikkelinut nunap immikkoortuata nutaap ineriartortinneqarnerani ilaasuni tamaginni iluaqutigissavarput ".

Mr. Balogh aatsitassalerinermut ingeniøriuvoq aammalu aatsitassarsiorfimmik ingerlatsinerup aamma aatsitassanik suliffissuaqarnerup iluanni ukiunit 40-init amerlanerusuni misilittagaqarluni.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

WIC Sudbury-miit kujammut kangimut 13 km-nik ungasissusilimmik inissisimavoq, taavalu Trans-Canadisk aqqusinersuarmit Wanapitei eqqaaniittumit 1 km kujammut inissisimalluni. 5,6x2,4 km-mik isorartussusilik mafisk intrusioneq avannaq kangisik-kujammut kippasimmut sammivilik, akoralugit nikkel-kanngussak-PGE aatsitassannguunnikoq gabbro-norit aamma gabbro “Injektion Breccia Zone”.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4