TSX-V: nan $0,20 -$0,01 -4,76% Volume: 4.062 October 20, 2020

Navigation

Kalaallit Nunaata kujataani Ingerlatseqatigiiffiup Maniitsumi Ni-Cu-Co & PGE sulfid-inut suliassaani North American Nickel nutaarsiassaqartitsivoq

July 30, 2013

Vancouver, British Columbia - (Marketwired – 30. juli 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna Ingerlatseqatigiiffiup Maniitsumi kisermaassisussaatitaalluni suliassaani 100%-imik pigineqartumi aatsitassarsiorluni misissuinermi ingerlatanik nutaarsiassaqartitsivoq. Asimi suleqatigiit nunap qaavani suliaqarneq ulloq 15. juni aallartippaat, aammalu diamantimik qillerut ulloq 21. juni 2013 tikippoq. Ulloq manna putuliat qulit (MQ-13-010-imiit 19-imut) katillugit 1.520 meterit naammassineqarput. Putuliat tamarmik Crone trekomponent-puls elektromagnetiskimik periaaseq atorlugu misissorneqarput.

Putuliat siulliit qulit taakkua VTEM elektromagnetiskimik misissuinermi nalinginnaasuunngitsunut Kalaallit Nunaanni Norit Bælte-mi (GNB), 70 km-isut takissuseqartumi aammalu suliassami nikkelinik aatsitassannguussimasunik peqarfinni annertunersaasunik akoqartumi, sumiiffinni arlalinni inissisimasunut siunnerfeqartinneqarput. Qillerlugu putulianut nunap assinganit takutinneqartutut (takuuk ilusiliaq 1), qillerinerit bælte-p kujasinnerusortaani aallartipput aammalu avannamuinnaq ingerlaqqillutik. Qillerut maannakkorpiaq bæltep avannarpasinnerusortaani Imiak Hill-imi nikkelinik aatsitassannguussimasuni inissisimavoq. Ingerlatseqatigiiffik Maniitsup eqqaani ukioq manna minnerpaamik 3.000 meterinik qillerissamaarpoq.

Ulloq manna angullugu qillerummit qaqitanit misissugassat 567-it aamma nunap qaavanit misissugassat 249-it geokemiskemik misissoqqissaagassatut katersorneqarput aammalu Sverige-mi ALS Limited-imut nassiunneqarlutik. Suliaqarnerup taassuma saniatigut sumiiffinni siunnerfiusuni toqqartukkani nunap qaavani sajukulaartitsilluni elektromagnetiskimik misissuinerit 9 linje-kilometerit naammassineqarput.

NAN COO, Neil Richardson, oqarpoq: "Qillerinerit immikkoortuisa siullersaasa naammassinera, aammalu Maniitsumi aatsitassarsiorluni misissuinermi pisussanut pilersaarummi ataatsimut isigalugu siuariarnerit naammagisimaarpavut. Elektromagnetiskimik aamma ujarassiornikkut misissuinermi siunnerfiit 100-it sinnerlugit amerlassuseqartut sumiiffinni ujarassiuunit sulisutsinnit misissorneqarput, aammalu taakkua qillerinerit immikkoortuata tulliani aggustip aallartinnerani aallartittussani aammaloortumik pingaartinneqassapput. Siunnerfiit suli allat 2013-imi VTEM timmisartornermeersut, nalinginnaasuunngitsut pillugit paasissutissaasivipput suli annertusitissavaat."

Ingerlatseqatigiiffik aamma 2013-imi Maniitsup eqqaani VTEM qulimiguulimmik Time-Domain elektromagnetiskimik aamma kajungerisaqarneranik misissuilluni 650-700 linje-kilometerit missaanni timmisartornissamik pilersaaruteqarpoq. Misissuinerni taakkunani GNB iluani VTEM-imik misissuiffiusuni amigaataasut immersorneqassapput, aammalu GNB avataani sumiiffiit soqutiginaateqartut aamma misissuiffigineqassallutik. Naatsorsuutigineqarpoq 2013-imi aatsitassarsiorluni misissuinermi pisussanut pilersaarut septembarip aallartinneraniit qeqqani naammassineqassasoq.

Ingerlatseqatigiiffiup aktiaatinik salliusussaatitaatitsinermut pisussanut pilersaarutaa naapertorlugu Ingerlatseqatigiiffiup aningaasaataanni aktiaatinik nalinginnaasunik 150.000-it tikillugit Ingerlateqatigiiffimmi sulisunut aalajangersimasunut aktiaatinik pisinissamut salliusussaatitaanermik Ingerlatseqatigiiffik tunniussivoq. Salliusussaatitaanerit atorneqarsinnaapput kingusinnerpaamik 29. juli 2018, aktia ataaseq $ 0,20-inik atuinermi akeqartinneqassalluni.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

Ilusiliat tusagassiuutitigut nalunaarummi matumani ilaatinneqartut takuniarukkit linki una tuussavat: http://media3.marketwire.com/docs/n729m.pdf

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Rick Mark, CEO aamma Siulersuisuni ilaasortaq

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4