TSX-V: nan $0,21 +$0,02 +7,69% Volume: 129.900 November 24, 2020

Navigation

Kalaallit Nunaata kujataata kitaani Maniitsumi Ni-Cu-PGE-nut suliassaanut Ingerlatseqatigiiffiup 2013-imut asimi pisussanut pilersaarutaa North American Nickel-ip nalunaarutigaa; maanna 100-it sinnerlugit nalinginnaasuunngitsut

May 28, 2013

Vancouver, British Columbia - (Marketwired – 28. maj 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Ingerlatseqatigiiffiup Maniitsumi kisermaassisussaatitaalluni suliassami 100%-imik pigineqartumi 2013-imut asimi pisussanut pilersaarutini naammassisimagaa. Pisussanut pilersaarut juunip qiteqqunnerani aallartittussatut pilersaarutigineqartoq, minnerpaamik 3.000 meterinik qillerummit qaqitassanik qillerinermik ilaqassaaq, tassani 2012-imi nassaarineqartut malitseqartinneqassallutik kiisalu nalinginnaasuunngitsut ujarassiornikkut, geofysiskimik aamma geokemiskimik misissuinerneersut, aatsitassarsiorluni misissuinernit paasissutissat ataatsimoortut misissorneranni paasineqartut nutaat misilerarneqassallutik. Nunap qaavani Time-Domain elektromagnetiskimik (PEM) misissuinerit aamma qulimiguulimmik Time-Domain, elektromagnetiskimik aamma kajungerisaqarneranik 550 linje-km-ini uuttortaaneq aamma sumiiffinni 2011-imi aamma 2012-imi suliaqarfigineqanngitsuni ingerlanneqassaaq.

NAN-imi CEO, Rick Mark oqarpoq: "Maniitsumi piffissami suliaqarfiusussaq ulapaarfiussasoq, pissanganartuussasoq pilersitsiviulluassasorlu naatsorsuutigaarput. Ukiuni marlunni kingullerni suliassamit misilittagaqarnitta, pingaartumillu ukioq kingulleq tammaarsimaarfimmi/qillerinermi pisussanut pilersaarutitta, 2013-imi pisussanut pilersaarummi CAD 5.500.000-it pilersaarutaasut aporfeqanngitsumik sunniuteqarluartumillu piareersarnissaannut periarfissippaatigut. Ujarassiuut pisortaat John Pattison ukioq kingulleq septembarimi Kalaallit Nunaat qimakkatsigulu piffissaq tamakkiisoq suliassamiippoq. COO Neil Richardson-ip nunap qaavani suliaqartussavut amerlineqartut juunip aallartisimalernerani Maniitsumut ingiaqatigissavai, qillerinerit ulloq 21. juni 2013 tamatumaluunniit missaani aallartinneqassasut naatsorsuutigineqarluni. Siunnerfissanik nutaanik suussusersiiniarneq annertoorujussuarmik iluatsitsiviuvoq, tassami maannakkut Maniitsumi nalinginnaasuunngitsut 100-init amerlanerusut isiginiarneqartussatut sumiissusersineqarput."

2013-imi Maniitsumut pisussanut pilersaarummi qitiutinneqartut aamma anguniakkat:

Diamantimik qillerineq

  • Spotty Hill-imi aamma Imiak Hill-imi sumiiffiit qaffasissumik akuissusilimmik aatsitassartaqartut, 2012-imi NAN-imit qupineqartut nanginneranni aammalu itinerusumi aatsitassarsiorluni misissuineq. (Assersuutigalugu Spotty Hill-imi 123,94 m @ 0,81% Ni, 0,21% Cu, 0,03% Co aamma 0,26 g/t PGM ilanngullugu 24,20 m @ 1,75% Ni, 0,34% Cu, 0,06% Co aamma 0,52 g/t PGM aammalu Imiak Hill-imi 26,98 m @ 0,98% Ni, 0,44% Cu aamma 0,04% Co ilanngullugu 16,64 m @ 1,36% Ni, 0,52% Cu aamma 0,05 % Co). Takissutsimi ikiarnerani ilanngunneqartumi (ilusiliaq 1) putulianut pingasunut ukioq kingulleq Imiak Hill-imi putuliani MQ-12-001-imi aamma -002-imi siusinnerusukkut qupisinerit annertusissutaasa nassuiarneqartut misilerarneqarnissaanut ilusilersugaasunut qupisivissatut pilersaarutigineqartut takutinneqarput.
  • Innaallagiamik aqqutigineqarsinnaasut qaffasissumik pingaartinneqartut NAN-imit 2011-imi aamma 2012-imi qulimiguulimmik Time-Domain elektromagnetiskimik misissuilluni timmisartorfigineqartut, nutaat misilerarnissaat. Nalinginnaasuunngitsut qaffasissumik inaallagiamik aqqutigiuminassuseqartut ujaqqanut mafiske-ultramafiske-nut akuliussimasut pingaartinneqarnerpaassapput, soorlu P-63 (sukumiisortaannut tunngatillugu takuuk NAN-ip tusagassiuutitigut nalunaarutaa ulloq 20. marts 2013 ullulerneqartoq).
  • Qillerlugu putuliani pingasunik atortoqarluni elektromagnetiskimik (BHEM) misissuinerit, putuliani sunniuteqarluartumik ujarlerfissaq annertusitinniarlugu ingerlanneqassapput. Putuliami aatsitassannguussimasut innaallagiamik aqqutigineqarsinnaasut toraarneqartillugit, BHEM atorlugu misissuinernit paasissutissat taassuma sammiviata aalajangernissaanut iluaqutaasinnaapput. Putuliami aatsitassannguussimasunik innaallagiamik aqqutigiuminartunik toraarsisoqarsimatinnagu, BHEM atorlugu misissuinernit paasissutissat amerlanertigut nalinginnaasuunngitsumut sammivik pillugu eqqornerusumik paasissutissiisinnaasarput, taassumalu ujarassiuut kingusinnerusumi malitseqartitsilluni putuliamik eqqornerusumik ilusilersuinissaat ajornarunnaarsittarpaa.

QILLERINERMI SIUNNERFIUSINNAASUNIK ASIMI MISISSUINEQ

  • Ukiuunerata ingerlanerani NAN-ip aatsitassarsiorluni misissuinermik suliaqartuisa suleqatigiit, suliassap sumiiffianit aatsitassarsiorluni misissuinernit paasissutissat nalunaarsukkat pissarsiarineqarsinnaasut tamaasa misissorpaat. Tamatuma malitsigisaanik siunnerfiusinnaasunut takussutissiamiittut 100-it sinnerlugit amerlassuseqalerlutik amerlipput (ilusiliaq 2). Ulloq manna tikillugu taakkunani 40-init ikinnerusut asimi misissorneqarsimapput. Ukioq manna suleqatigiit inuit sisamat siunnerfiit taakkua sapinngisamik amerlanerpaartaannik misissuinermik suliaqartussaatinneqassapput.
  • Asimi misissuinermi ilaatinneqassapput aatsitassarsiorluni misissuineq, ujaqqanik misissugassanik tigusineq aamma pisut ilaanni pilattukkanik misissugassat aamma /imaluunniit ujarassiornikkut nunap assiliorneq.
  • NUNAP QAAVANI SAJUKULAARTITSILLUNI TIME-DOMAIN ELEKTROMAGNETISKIMIK (PEM) MISISSUINERIT

    • PEM atorlugu misissuinerit aallussiviusut siunnerfinni toqqartukkani ingerlanneqassapput, tassani sukumiinerusut suli allat pisariaqarlutik. PEM-imi periaaseq aamma qillerinissaq sioqqullugu geofysiskimik aamma geologiskimik ilimagisat misilerarneqarnerannut atorneqarsinnaavoq.

    QULIMIGUULIMMIK TIME-DOMAIN ELEKTROMAGNETISKIMIK AAMMA KAJUNGERISAQARNERANIK MISISSUINERIT

    • Misissuinermi aatsitassarsiorluni misissuiffiusussat mikisut arlallit, Kalaallit Nunaanni Norit Bælte-p avataani, aammalu sumiiffinni qanittumi North American Nickel-imut tunniunneqartuni ujarassiornikkut soqutiginaateqartuniittut, qulaavaallugit timmisartorfigineqassapput.

    2013-imi aatsitassarsiorluni misissuinermi pisussanut pilersaarut base camp-imit suliassap sumiiffianni inissisimasumit suliaqarfigalugu ingerlanneqassaaq. Camp-imi ingerlasussanut piareersaaneq Nuummi Xploration Services Greenland ApS-imit, aamma nalinginnaasumik suliassamut sillimmataasussatut ikiuunnissamillu suliaqartussamit, pilersuutigineqassaaq. Westcore Drilling Ltd Salmo, British Columbia qillerummit qaqitassanik qillerinermik suliaqassaaq aammalu Crone Geophysics & Exploration Ltd., Mississauga, Ontario BHEM aamma nunap qaavani PEM atorlugit misissuinernik suliaqassalluni. Entreprenørit taakkua tamarmik suliassaqarfimminni immikkut ilisimasaqartuupput.

    Saqqummersitsinermut matumunnga atatillugu nunap assingi takuniarukkit linki manna alakkarsinnaavat: http://media3.marketwire.com/docs/n528nan1.pdf

    Qualified person
    Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

    North American Nickel pillugu
    North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

    Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

    Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

    Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

    Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

    SIULERSUISUT SINNERLUGIT
    Dr. Mark Fedikow HBSc., M.Sc., Ph.D., P.Geo., C.P.G, Pisortaq

    TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

    Attaveqarfissamut paasissutissat:
    North American Nickel Inc.
    Rick Mark
    604-986-2020 imaluunniit akeqanngitsumik: 1-866-816-0118

    604.770.4334 1.866.816.0118
    C/o Bennett Jones LLP Attn: Sander Grieve 3400 - One First Canadian Place, P.O. Box 130,
    Toronto, Ontario, M5X 1A4