TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel Inc.: Imiak Hill-imi nikkelinit-kanngussannit-koboltinit sulfid-it qaffasissumik akuissuseqartut uppernarsineqarput

October 10, 2013

Vancouver, British Columbia - (Marketwired – 10. oktober 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Ingerlatseqatigiiffiup Imiak Hill-imi sumiiffimmi qillerlugu putulianit MQ-13-019, MQ- 13-024 aamma MQ-13-026 paasisat aallaavigalugit nikkelinit kanngussannik-koboltinit aatsitassannguussimasut qaffasissumik akuissuseqartut nassaarisimagai.

MQ-13-026-imi nikkel-it 7,06%-it tikillugit aamma MQ-13-024-imi nikkel-it 6,26%-it tikillugit misissueqqissaarnermi paasisat tiguneqarput.

Imiak Hill Kompleks-imi (IHK) Ingerlatseqatigiiffiup 100%-imik kisermaassisussaatitaaffigisaani Kalaallit Nunaata kujataata kitaani Maniitsumi Nikkelinut - Kanngussannut – Koboltinut aamma PGM-inut suliassaata avannarpasinnerusortaani inissisimasumi Imiak Hill ”feeder dykes” aatsitassartaqartut pingasut ilagaat (takukkit ilusiliaq 1 aamma ilusiliaq 2).

IMIAK HILL

Imiak Hill-imi qillerinermi immikkoortut pingaarnerit: DDH MQ-13-026: 149 meterisut itissusilimmi:

  • 25,51meterit qupineqarput: 3,25%-inik nikkelitaqartut; 0,48%-inik kanngussattaqartut; 0,11%-inik koboltitaqartut,
  • Ilanngullugu: 18,62meterit 4,31%-inik nikkelitaqartut; 0,62%-inik kanngussattaqartut; 0,14%-inik koboltitaqartut
  • Ilanngullugu: 7,12meterit 5,18%-inik nikkelitaqartut; 0,81%-inik kanngussattaqartut; 0,17%-inik koboltitaqartut
  • Ilanngullugu: 4,01 meterit 6,04%-inik nikkelitaqartut; 0,64%-inik kanngussattaqartut; 0,19%-inik koboltitaqartut

DDH MQ-13-024: 136 meterisut itissusilimmi:

  • 14,90 meterit qupineqarput: 2,67%-inik nikkelitaqartut; 0,39%-inik kanngussak; 0,09%-inik koboltitaqartut
  • Ilanngullugu: 5,23 meterit 5,03%-inik nikkel; 0,30%-inik kanngussak; 0,16%-inik koboltitaqartut

DDH MQ-13-019: 118 meterisut itissusilimmi:

  • 8,68 meterit qupineqarput: 1,53%-inik nikkelitaqartut; 0,43%-inik kanngussattaqartut; 0,06%-inik koboltitaqartut
  • Ilanngullugu: 3,56 meterit 3,27%-inik nikkelitaqartut; 0,66%-inik kanngussattaqartut; 0,10%-inik koboltitaqartut

Imiak Hill-imi 2013-imi putuliami itinersaasumi, DDH MQ-13-028-imi, DDH MQ-13-026-ip ataaniittumi, misissueqqissaarnerit naammassineqanngillat. Imiak Hill-imi aatsitassannguussimasut itissutsimi suli ammaannarput (takuuk ilusiliaq 3).

Imiak Hill Kompleks-imi, Imiak Nord-imi aamma Spotty Hill-i,i intrusion-inini aatsitassartaqartuni suli allani marlunni misissueqqissaarnerit suli nammassinngillat.

NAN-imi CEO aamma siulittaasoq, Rick Mark, oqarpoq: "Imiak Hill-imi itinerusumiittuni aatsitassannguussimasut akuissuseqarnerunerat atitunerunerallu takusinnaagatsigu neriulluarnartorujussuuvoq. Ujarassiornermi avatangiisit ”feeder dyke” ilusiliatsinnut aammalu ”footwall”-imi nippusimasumik nikkel-kanngussannik aatsitassannguussimasut katersuussimanerannut naatsorsuutigisatsinnut naapertuupput. Imiak Hill-imi 2013-imi qillerinermi pisussanut pilersaarutitsinni maannakkut nunap qaavaniit 185 meterisut itissusilimmut sulfid-it aatsitassannguussimasut annertusivagut, tassani ilusaa ammaannartumut ingerlaannarluni, aammalu putuliaq 28-imut misissueqqissaarnerit inerneri suli utaqqivagut. Nunap immikkoortuani nalilersuinitsinnit siullermit paasisat Kalaallit Nunaanni Norit Bælte 75 kilometerisut takissuseqartot sinerlugu norit-it aatsitassartaqartut periarfissaqarfiunerat erseqqissarpaat. Isumaqarpugut Maniitsumi suliassaq asseqanngitsuusoq. Taanna suli suliassatut tunngaviliisussatut isigaarput, kisianni nikkelinut nunap immikkoortuatut, nunap qaavani aatsitassartaqarnera aallartilluni Ni-Cu-Co-mik qaffasissumik akuissuseqartunik akoqartutut isigaarput. Peqatigisaanik sumiiffik sikusanngitsumi, tinittarnerani itisuumi ukioq kaajallallugu nassiussisarnissamut naleqquttumi inissisimavoq. Teknikkikkut suliaqartortavut suleqatigiissut pikkorilluinnartut pilluaqqorusuppakka, ullumi paasisat kisiisa eqqarsaatiginagit, kisiannili aamma ukiuni pingajuat avillugu kingullerni Maniitsumi ingerlaavartumik nersugassaalluinnartumillu siuariartornerit eqqarsaatigalugit. Siunissaq taamatuttaaq pissaganartigisutut isikkoqarpoq. Imiak Hill Kompleks-imit misissueqqissaarnerit inerneri takkuttussat qilanaaraavut. "

Table 1. Imiak Hill-imit qillerilugu putuliat aamma misissueqqissaarnermit naliusut eqikkarneqarnerat
Imiak Hill-imi putuliat
Putuliaq

Normu
Uuminnga
(m)
Uunga
(m)
Qillerummit
qaqitaq
Takissusaa
(m)
Ni % Cu % Co % Pt g/t Pd g/t Au g/t TPM

g/t (1)
S % Silissusaa ilumoortoq
(m) (2)
Zone
MQ-13-019 112.67 113.24 0.57 5.71 1.66 0.18 0.02 0.01 0.00 0.03 27.50 0.37 Imiak Z-20
MQ-13-019 118.09 126.77 8.68 1.53 0.43 0.06 0.00 0.00 0.00 0.00 9.42 5.58 Imiak Z-30
MQ-13-019 118.09 121.65 3.56 3.27 0.66 0.10 0.01 0.00 0.00 0.01 17.67 2.29 Ilanngullugu
MQ-13-020 125.00 128.40 1.40 NSA* Imiak Z-30
MQ-13-023 75.97 86.30 10.33 1.10 0.38 0.04 0.01 0.00 0.00 0.01 6.02 5.94 Imiak Z-10
MQ-13-023 130.00 140.00 10.00 NSA* Imiak Z-30
MQ-13-024 136.00 150.90 14.90 2.67 0.39 0.09 0.01 0.00 0.00 0.01 14.88 8.33 Imiak Z-30
MQ-13-024 136.75 141.98 5.23 5.03 0.30 0.16 0.02 0.01 0.00 0.03 26.77 2.92 Including
MQ-13-025 93.25 98.71 5.46 0.34 0.06 0.01 0.01 0.00 0.00 0.01 2.02 4.19 Imiak Z-30
MQ-13-025 97.10 97.64 0.54 1.39 0.16 0.06 0.01 0.00 0.00 0.01 9.56 0.41 Including
MQ-13-026 149.81 175.32 25.51 3.25 0.48 0.11 0.01 0.00 0.00 0.01 17.77 11.94 Imiak Z-30
MQ-13-026 156.70 175.32 18.62 4.31 0.62 0.14 0.01 0.00 0.00 0.01 23.15 8.70 Including
MQ-13-026 157.16 161.17 4.01 6.04 0.64 0.19 0.01 0.00 0.01 0.02 31.72 1.88 Including
MQ-13-026 168.20 175.32 7.12 5.18 0.81 0.17 0.02 0.00 0.00 0.02 28.09 3.32 Including

Malugiuk: (m) = meter,% = procent, g/t = ton-imi ataatsimi gram, NC = NSA naatsorsorneqanngilaq

* - Naliusut pingaaruteqanngitsut

1. TPM tassaavoq aatsitassat erlinnartut tamakkerlugit (kuulti + platin + palladium)

2. Maannakkut 3D-mik ilusiliaq aallaavigalugu atitussusaa ilumoortoq naatsorsorneqartoq

Takussutissiaq 2. Putulianut Imiak-mi qillerneqartunut nunap assingani sumiiffiit, ilanngullugit MQ13-019-imiit MQ13-026-imut. WGS 84 UTM zone 22 Avannamut nunap assingani sumiiffiit atorneqarput. Qillerinerup sammivia gradinik ilumoortoq avannamut. Portussuseq immap qaavanit meterisut allanneqarpoq.

Putuliaq
Normu
UTM
Kangimut
UTM
Avannamut
UTM
Portussusaa
Takissusaa
(meter)
Qillerinerup
sammivia
Dyk Siunnerfik
MQ-13-019 477484 7257189 546 176 276 -55 Imiak Hill
MQ-13-020 477490 7257141 532 209 279 62 Imiak Hill
MQ-13-023 477484 7257215 547 188 275 -59 Imiak Hill
MQ-13-024 477497 7257174 547 197 280 -60 Imiak Hill
MQ-13-025 477482 7257238 538 122 269 -45 Imiak Hill
MQ-13-026 477490 7257141 532 215 295 -65 Imiak Hill

NUNAP IMMIKKOORTUANI QILLERLUGU PUTULIANI PAASISAT

Putuliami MQ-13-010-imit 17-imut Kalaallit Nunaanni Norit Bæltep 75 km-isut takissuseqartup qiterpasissortaani aamma kujasinnerusortaani norit intrusion-inut atatillugu VTEM atorlugu siunnerfiit arfineq maluk misileraavigineqarput. Takussutissiaq 3-imi misissueqqissaarnerit inerneri eqikkarneqarput aammalu Takussutissiaq 4-imi putulianut ataasiakkaanut tamaginnut nalinginnaasuunngitsut misileraavigineqartut ilanngullugit qillerlugu putuliat nunap assingani sumiiffii takutinneqarput. Ilusiliaq 4-imi nunap assingani qillerlugu putuliat inissisimaffii takutinneqarput.

Sulfid-it aatsitassannguussimasut siammarsimasut, sumiiffinnit arfineq marlunnit taakkunannga tallimani ujaqqani noritiskiusuni qupineqarput.

Aatsitassannguussimasut sakkortunerpaat putuliaq MQ-13-016-imi takuneqarput, tassani VTEM-imut siunnerfik P-22B misileraavigineqarluni. Putuliami 43,82 meterit norit-it aatsitassartaqartut qupineqartut, agguaqatigiissillugu 0,22%-inik Ni-taqarput ilanngullugu arlallit qaffasissumik akuissuseqartut akuttoqqatigiit. Pitsaanerpaaq tassaavoq 1,26 meterit 1,44%-inik Ni-taqartut, 0,34%-inik Cu-taqartut, 0,05%-inik Co-taqartut aamma ton-imi ataatsimi 0,32 gramminik TPM-taqartut.

Putuliami MQ-13-017-imi, immikkoortumi aamma tassani qillerneqartumi, MQ-13-016-imit 40 - 50 meterinik appasinnerusumi misileraasussatut ilusilersorneqartumi, nerukinnerusumik akuttussusilinni aatsitassannguussimasut sakkukinnerujussuit qupineqarput. Misissueqqissaarnermi paasisat pitsaanerpaat tassaapput 1,92 meterit 0,23%-imik Ni-taqartut. Nunap qaavani manngertornisimasut aallaavigalugit, MQ-13-017 aatsitassannguussimasut ataanni qillerneqarsinnaanera ajornanngilaq, taanna MQ-13-016-imit qupineqarluni. Qillerlugu putuliami aallarniutaasumik geofysik paasinarsisippaa innaallagiamik aqqutigiuminarnerusut qillerlugu putuliap talerpiatungaani qulaanilu inissisimasut, tamannalu qillerlugu putuliap aatsitassannguussimasunut naleqqiulluni itivallaartumi inissisimasutut nassuiarneqarneranut naapertuuppoq.

Putuliat arfineq pingasut tamarmik pingasunik atortulimmik elektromagnetisk sonde-mik misissorneqarput. Paasisat 2013-imi nunap immikkoortuani siunnerfiusut sorliit malitseqartitsiviusumik qilleriviusariaqarnersut aamma/imaluunniit 2014-imi geofysiskimik nunap qaavani misissuinernik ingerlatsiviusariaqarnersut nalilersorniarlugu, ujarassiornermi takuneqartunut atatillugu misissorneqassapput.

Table 3. Qillerlugu putuliat sulfid-inik aatsitassannguussimasortaqartut aamma sumiiffimmi nunap immikkoortuani aatsitassarsiorluni misissuinermit misissueqqissaarnerit inernerisa eqikkarneqarnerat
Nunap immikkoortuani aatsitassarsiorluni misissuinermi putuliat
Putuliaq

Normu
Uuminnga

(m)
Uunga

(m)
Qillerummit
qaqitaq
Takissusaa

(m)
Ni % Cu % Co % Pt g/t Pd g/t Au g/t TPM

g/t (1)
S % Atitussusaa
ilumoortoq
(m)
Zone
MQ-13-010 NSA* P-63
MQ-13-011 31.76 35.98 4.22 0.18 0.06 0.01 0.04 0.01 0.01 0.06 1.26 NC P-97
MQ-13-012 62.44 64.00 1.56 0.10 0.02 0.01 0.03 0.03 0.00 0.06 0.44 NC P-30
MQ-13-013 162.00 164.00 2.00 0.13 0.03 0.01 0.01 0.01 0.00 0.02 0.56 NC P-61
MQ-13-014 47.50 48.00 0.50 0.20 0.07 0.01 0.01 0.00 0.00 0.01 1.26 NC P-32
MQ-13-014 54.48 55.46 0.98 0.20 0.05 0.01 0.00 0.00 0.00 0.00 1.15 NC P-32
MQ-13-014 64.00 65.00 1.00 0.20 0.04 0.01 0.00 0.00 0.00 0.00 0.64 NC P-32
MQ-13-015 NSA* P-22A
MQ-13-016 18.65 62.47 43.82 0.22 0.07 0.01 0.02 0.01 0.01 0.04 1.27 NC P-22B
MQ-13-016 18.65 21.50 2.85 0.68 0.14 0.02 0.07 0.02 0.02 0.11 3.30 NC Ilanngullugu
MQ-13-016 34.55 35.23 0.68 1.24 0.23 0.04 0.14 0.04 0.01 0.19 6.36 NC Ilanngullugu
MQ-13-016 48.30 49.56 1.26 1.44 0.34 0.05 0.20 0.05 0.07 0.32 7.92 NC Ilanngullugu
MQ-13-017 69.08 71.00 1.92 0.23 0.07 0.01 0.02 0.01 0.01 0.04 1.78 NC P-22B

Malugiuk: (m) = meter,% = procent, g/t = ton-imi ataatsimi gram, NC = NSA naatsorsorneqanngilaq * - naliusut pingaaruteqanngillat

1. TPM tassaavoq aatsitassat erlinnartut tamakkiisut (kuulti + platin + palladium)

Takussutissiaq 4. Nunap immikkoortuani qillerlugu putuliani MQ-13-010-imiit MQ-13-017-imut qillerlugu putuliat nunap assingani sumiiffii. WGS 84 UTM zone 22 Avannamut nunap assingani sumiiffiit atorneqarput. Qillerinerup sammivia gradinik ilumoortoq avannamut. Portussuseq immap qaavanit meterisut allanneqarpoq.

Putuliaq Normu UTM
Kangimut
UTM

Avannamut
UTM

Højde
Takissusaa

(meter)
Qillerinerup
sammivia
Ammuinnanera Siunnerfik
MQ-13-010 456032 7218322 713 200 159 -50 P-63
MQ-13-011 461980 7216150 285 101 189 -50 P-97
MQ-13-012 471440 7217072 254 101 319 -50 P-30
MQ-13-013 472278 7217331 295 173 149 -60 P-61
MQ-13-014 472655 7217521 185 181 327 -60 P-32
MQ-13-015 470255 7231757 504 114.82 335 -60 P-22A
MQ-13-016 470270 7231729 494 116 148 -60 P-22B
MQ-13-017 470255 7231757 504 176 152 -62 P-22B

Qillerummit qaqitanik misissueqqissaarnerup inerneri, pitsaassutsimik qulakkeeriniarnermi aamma pitsaassutsimik misissuinermi suleriaatsip ilaatut nalilersorneqarput, tassani misissueqqissaarnerup inernerisa eqqoqqissaassusaat toraaqqissaassusaallu aalajangerniarlugu ilaatinneqarlutik tamatigoortunik atuineq, malitassat aatsitassanut erlinnartunut nalinginnaasunullu ilisimaneqartunut akuersissummik allagartaqarfigineqartut, malitassat imaqanngitsut aamma nakkutiginninnermi iliuusissat. Qillerummit qaqitanik misissueqqissaarneq Sverige-mi Öjebyn eqqaanni ALS Scandinavia AS-imit suliarineqarpoq. Ujaqqani misissugassani ALS-imut tunniunneqartuni akuisa annertussusaat aalajangerniarlugu, nalilersueqqissaarnermut periaatsit pingasut atorneqarput. Taakkua tassaapput 1. Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-AES atorlugu naammassinera; 2. Au, Pt aamma Pd Fire assay misissugassami 30 gram-itut angissusilimmi ICP-AES atorlugu naammassinera; aamma 3. Ni-mik imaluunniit Cu-mik > 1,00%-imik akullit misissugassat ICP-AES atorlugu saffiugassap killissai qaffasinnerusut nassaariniarlugit misissueqqissaaqqinneq. Misissugassat > 0,50% S Leco aamma infrarød spektroskopi atorlugit nalilersoqqissaarneqaqqipput.

2013-IMI VTEM ATORLUGU TIMMISARTORNERIT EQIKKARNERI

2013-imi NAN suli allanik 917,3 linje-km-inik qulimiguulimmik aallaaveqartumik VTEM Time-Domain elektromagnetiskimik aamma kajungerisaqarneranik misissuilluni Maniitsumi suliassap ilaani timmisartorpoq. Timmisartorfigineqartut katillugit qulingiluat misissorneqarput. Misissuinermi Kalaallit Nunaanni Norit Bælte-p (GNB) avataani norit aamma mafiske-ultramafiske intrusion allat, kiisalu sumiiffiit bælte-p iluaniittut, erseqqinnerusumik uuttoortaavigineqartariaqartut ilaatinneqarput. Nalinginnaasuunngitsut annertuut nutaat Pingo Norit intrusion-imi, GNB-ip avannaani 14 km missaanni ungasissusilimmi inissisimasumiittut paasineqarput; GNB-ip kujataanut aamma kujammut kangianut sumiiffinni; aamma GNB-ip nammineq iluani. Nalinginnaasuunngitsut nutaat taakkua ukiup tulliani qillerinermi pisussanut pilersaarut siunertaralugu nalilersorneqassapput.

Kalaallit Nunaata kujataata kitaani Maniitsumi nikkelinut-kanngussannut-koboltinut & PGM-inut suliassamiippoq Kalaallit Nunaanni Norit Bælte (GNB), 75 kilometerisut takissuseqartoq aammalu 100%-imik kisermaassisussaatitaalluni North American Nickel-imit pigineqartoq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 23,9% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Mark Fedikow, Pisortaq, North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
Paasisaqarnerorusukkuit nalunaarfissaq:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4