TSX-V: nan $0,18 +$0,01 +2,94% Volume: 2.894 October 29, 2020

Navigation

North American Nickel Inc.: Imiak Hill-imut qanittumi sumiiffiit aatsitassartaqartut pingajussaat nassaarineqarpoq; Kalaallit Nunaata kujataata kitaani Maniitsumi Imiak North-imi sumiiffik manngivinngitsunit manngertunut sulifid-itaqartoq

September 12, 2013

Vancouver, British Columbia - (Marketwired – 12. september 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuunga nalunaarutigaa diamantimi qillerlugu putuliami MQ-13-029-imi nutaamik nassaartoqartoq. Nassaarineqartoq taagorneqartoq Imiak North, Imiak Hill-imi qupineqartut siusinnerusukkut nalunaarutigineqartut (takukkit tusagassiuutitigut nalunaarutit 23. august aamma 5. september 2013-imeersut) avannamut kangianni 950 meterisut ungasissusilimmi, aamma Spotty Hill-imi nassaarineqartut siusinnerusukkut nalunaarutigineqartut (takuuk tusagassiuutitigut nalunarut 23. december 2012-imeersoq) avannamut kitaanni 1200 meterisut ungasissusilimmi inissisimavoq.

Sumiiffiit aatsitassartaqartut pingasut taakkua Imiak Hill Kompleks-imik (IHK) taagorneqartumut nutaamut, Kalaallit Nunaata kujataata kitaani Ingerlatseqatigiiffiup 100%-imik kisermaassisussaatitaalluni Maniitsumi Nikkelinut - Kanngussannut – Koboltinut aamma PGM-nut suliassaata avannarpasinnerusortaata ilaani inissisimasumut, ilaapput. (Takukkit ilanngussaq 1 aamma ilanngussaq 2.)

MQ-13-029-imi 57,75 meterinik itissusilimmi aallartittumi, 55,75m meterit sulfid-inik aatsitassannguussimasut qupineqarput, ilanngullugit;

  • qillerummit qaqitat 9,99 meterinik takissusillit manngivinngitsunit manngertunut sulfid-inik akoqartut, tamakkiisut sulfid-it 30-40%-iisa missaanniittut, aamma
  • qillerummit qaqitat 45,76 meterinik takissuseqartut siammarsimasunik, mikisuarakkuutaartunik ataqatigiissunik sulfid-inik aatsitassannguussimasut 3 - 5%-it missaanni sulfid-taqartut.

Imiak Hill-ip aamma Spotty Hill-ip eqqaanniittutut aatsitassannguussimasut Imiak North-imi itissutsimi ammaannartumut ingerlaqqipput.

NAN-imi CEO aamma siulittaasoq, Rick Mark, oqarpoq: "Ingerlatseqatigiiffiup aatsitassarsiorluni misissuinermi pisussanut pilersaarutaani Maniitsup eqqaani sulfid-inik manngivinngitsunit manngertunut nassaarnernik pissarsiviusarnerata ingerlaannarnera, aktiaatilinnut nalunaarutigisinnaagatsigu nuannaarutigaarput. Imiak North-imi nassaarineqartut taakkua Imiak Hill-imi aamma Spotty Hill-imi nikkelinik, kanngussannik, koboltinik aamma PGM-inik aatsitassartaqartup qanitaaniipput. Qillerlugu putuliami misissuinivut naapertorlugit sumiiffiit taakkua tamarmik aatsitassannguussimasunik peqarfii itissutsimi ingerlaqqillutik ammaannarput. Tamanna ”feeder dyke”-mut ilusiliatsinnut ujarassiuut sulisutta atugaannut naapertuuppoq, aammalu paasinarsisillugu nassaarineqartut taakkua ataanni nikkelit aatsitassartaasut itersami katersuussimasut imaluunniit ”footwall” sinerlugu ataneqartut."

MQ-13-029-imi sulfid-inik manngivinngitsunit manngertunut aatsitassannguussimasut assilinerat ilusiliaq 3-imi takuneqarsinnaavoq.

MQ-13-029 pingasunik atortoqarluni qillerlugu putuliami (BHEM) periaaseq atorlugu misissorneqarpoq, aammalu aatsitassannguussimasut sakkortoorujussuarmik elektromagnetiskimik qisuariarnermik pilersitsipput. Crone Geophysics and Exploration Ltd-ip aamma NAN-ip ujarassiuuisa nalinginnaasuunngitsoq taanna, geofysiskimik innaallagiamik aqqutigiuminartup taassuma, Imiak North-imi ammuinnaq sammisoq sinerlugu ingerlaqqinneranut takussutissatut, nassuiarpaat.

Imiak North-imi nassaarineqartoq nutaaq taanna norit-ini manngertornisimasuni takussaavoq, najukkami Mikissumi ersiinnartutut ilisimaneqarluni, taannalu 1960-ikkunni qillerlugu putuliami naatsumi misilerarneqarpoq iluatsinngitsumik. Sulfid-it aatsitassannguussimasut Imiak North-imi toraarneqartut norit intrusion-ip avannarpasinnertaani nippusimasut eqqaanni inissisimapput.

MQ-13-029-imi qupineqartoq tamarmi takussutissiami matuma kingulianiittumi eqikkarneqarpoq.

Uuminnga

(m)
Uunga

((m)
Takissusaa

(m)
Nassuiaat
57.75 68.38 10.63 Norit annertuumik aatsitassannguussimasut sulfid tamakkiisut 5-7%-ii
68.38 71.22 2.84 Norit annertuumik aatsitassannguussimasut sulfid tamakkiisut 8-10%-ii
71.22 77.77 6.55 Norit
77.77 85.05 7.28 Norit sulfid tamakkiisut 1-3%-ii
85.05 87.94 2.89 Norit annertuumik aatsitassannguussimasut sulfid tamakkiisut 8-10%-ii
87.94 94.27 6.33 Norit sulfid tamakkiisut 1-3%-ii
94.27 103.51 9.24 Norit annertuumik aatsitassannguussimasut sulfid tamakkiisut 6-8%-ii
103.51 113.50 9.99 Norit manngivinngitsunit manngertunut sulfid tamakkiisut 30-40%-ii

Malugiuk: Sulfid-inik missiliuinerit takuneqarsinnaasut aamma tusagassiuutitigut nalunaarummi matumani nassuiaatit, saffiugassat akuusut akuissusaannik naatsorsuinermut atorneqarsinnaanngillat, tamannalu taamaallaat misissueqqissaarnerni aalajangerneqarsinnaavoq. Aatsitassat procentinngorneri oqimaassusaannuunngitsoq akoqassusaannut tunngatinneqarput.

Imiak North-imi putuliaq (MQ-13-029), 2013-imi NAN-ip putuliaannit BHEM atorlugu paasisanut malitseqartitsilluni qillerneqarpoq. MQ-13-021-imit aamma MQ-13-027-imit BHEM atorlugu paasisani, putuliat marluk taakkua akornanni nalinginnaasuunngitsoq sakkortooq, annertuumik innaallagiamik aqqusaaruminartoq takutinneqarpoq. Putuliaq MQ-13-021, MQ-13-029-ip kitaani qillerneqarpoq aammalu annertunerusumik aatsitassannguussimasunik pissarsiffigineqarani, putuliaq MQ-13-027-imi Imiak North-imi putuliap iluatsitsiviulluartup kangiani qillerneqartumi qupineqarput:

  • putuliap itissusaani 33,84 meterini aallartittumik 64,11 meterit agguaqatigiissillugu 4-5%-inik siammarsimasunik aamma ataqatigiissunik sulfid-itaqartoq.

Ilusiliaq 4 tassaavoq nunap assinga, Imiak North-imi 2013-imi qillerlugu putuliat pingasut taakkua inissisimanerannik takutitsisoq aamma Ilusiliaq 5 Imiak North-imi 3D-mik ilusiliaavoq nalinginnaasuunngitsut aamma qillerlugu putuliat pisuusaartitsivigineqarnerannik takutitsisoq.

Takussutissiami matuma kingulianiittumi Ingerlatseqatigiiffiup Imiak North-imi putuliaannut, qillerlugu putuliat nunap assingani sumiiffii takutinneqarput. Putuliani pingasuni tamaginni qillerummit qaqitat immiunneqarput, affaannanngorlugit pilattorneqarlutik aammalu Sverige-mi ALS Chemex-imut misissoqqissaagassanngorlugit nassiunneqarlutik.

Putuliaq

Normu
Kangimut

(m)*
Avannamut

(m)*
Portussuseq

(masl)**
Boreretning

(°)
AMMUINNARNERA

(°)
Takissuseq

(m)
MQ-13-021 477953 7258010 484 320 -60 155
MQ-12-027 477967 7258023 486 330 -48 170
MQ-12-029 477969 7258025 487 314 -57 143
* WGS84 UTM Zone 22N
** Immap qaavanit meterit

Kalaallit Nunaata kujataata kitaani Maniitsumi kisermaassisussaatitaalluni nikkelinut-kanngussannut-koboltinut & PGM-inut suliassamiippoq Kalaallit Nunaanni Norit Bælte (GNB) 75 kilometerisut takissuseqartoq, aammalu 100%-imik North American Nickel-imit pigineqartoq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Neil Richardson, COO, North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Ilusilersukkat 1-5 takuniarukkit uunga iserit: http://media3.marketwire.com/docs/nan0912figs1to5.pdf.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4