TSX-V: nan $0,18 +$0,01 +2,94% Volume: 2.894 October 29, 2020

Navigation

North American Nickel Inc. Ingerlatseqatigiiffiup Maniitsumi (Kalaallit Nunaat) 2013-imut qillerinermi pisussanut pilersaarutaani Westcore Drilling-imut isumaqatigiissuteqarpoq

May 2, 2013

Vancouver, British Columbia - (Marketwired – 2. maj 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Maniitsumi kisermaassisussaatitaalluni suliassami 100%-imik pigineqartumi Westcore Drilling, British Columbia-mi Salmo-meersoq Ingerlatseeqatigiiffiup 2013-imi aasaanerani qillerinermi pisussanut pilersaarutaani qillerinissamut isumaqatigiissummik tunisimallugu. Pisussanut pilersaarut 2013-imi juunimi aallartittussatut pilersaarutigineqarpoq.

Nikkelit-kanngussat-platin-eqatigiit sulfid-it aatsitassannguussimasut qaffasissumik akuissuseqartut 2012-imi nassaarineqartut annertusitinnissaat siunertaralugu minnerpaamik 3.000 meterit pilersaarutigineqarput. Aatsitassannguussimasut itissutsiminni ammaannarput aammalu VTEM innaallagiamik aqqutigiuminartut siusinnerusukkut misilerarneqarsimanngitsut qaffasissumik pingaartinneqartut tassaniillutik.

Siunnerfiusut itissutsimi misilerarneqartussat Kalaallit Nunaanni Norit Bælte-p (GNB) 75 km-isut takissusillip aamma 15 km-isut atitussusillip iluani takussaapput aammalu tassaniillutik:

  1. Imiak Hill 2012-imeersunik aatsitassannguussimasut akuttussuseqarlutik, ilanngullugit 66,08 meter (m) @ 0,55% nikkelit, 0,2% kanngussak & 0,02% kobolt ilanngullugu 14,18 m @ 1,33% nikkel, 0,38% kanngussak aamma 0,04% kobolt, aamma,
  2. Spotty Hill, tassani 2012-imi qillerinerni 123,94 meterit 0,81%-inik nikkelitaqartut, 0,21%-inik kanngussattaqartut, 0,03%-inik koboltitaqartut aamma ton-imi ataatsimi 0,26 gramminik ataatsimoortunik aatsitassanik erlinnartunik akoqartut ("TPM" platin + palladium + kuulti) kupineqarlutik, ilanngullugit: 24,20 m @ 1,75% nikkel, 0,34% kanngussak, 0,06% kobolt aamma 0,52 g/t TPM.

Nalinginnaasuunngitsut sakkortuumik innaallagiamik aqqutigiuminartut nutaat marluk aamma 2013-imi qillerinermi pisussanut pilersaarummi misilerarneqassapput. Siunnerfik P-63 norit-imi nalinginnaasuunngitsoq, GNB-ip kujasinnerusortaani norit intrusion 1,5x0,9 km-isut annertussuseqartup sinaa sinerlugu takussaasoq misileraavigineqanngilaq. Nalinginnaasuunngitsoq nunap qaavata ataani 73 meterini inissisimavoq, 14 meterisut issussuseqarluni, 58 meterisut takissuseqarluni aammalu 1.057 meterini avannamut kimmuinnaq ammukariartuaarluni.

Siunnerfiup aappaa tassaavoq Imiak Hill-imi qillerlugu putuliami nalinginnaasuunngitsoq, qupisinernit annertuunit NAN-imit 2012-imi ingerlanneqartunit ammuinnaq ingerlaqqilluni.

Siunnerfiusut sumiiffii taakkua pillugit paasissutissat sukumiinerusut allat ingerlatseqatigiiffiup tusagassiuutitigut nalunaarutaani ulloq 20. marts 2013-imeersuni takuneqarsinnaapput, aammalu nittartakkami takuneqarsinnaallutik uanni (www.northamericannickel.com).

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4