TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel Inc.: Kalaallit Nunaata kujataata kitaani Maniitsumi suliassami 2012-mi qillerinernut aamma paasisanut takussutissiaq

January 15, 2013

Vancouver, British Columbia - (Marketwired – 15. januar 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) North American Nickel-ip ("NAN") matumuuna Maniitsup eqqaani 2012-mi qillerinermut pilersaarummit paasisat eqikkarpai. Suliassaq 2011-imi aallarnerneqarpoq, tamannalu NAN-ip qillerinermi pisussanut pilersaarutaanni siullersaavoq. Paasisat neriulluarnartut suliassap aningaasaqarnikkut periarfissaqarfiunera uppernarsarpaat, aammalu suliassap sumiiffiani sulfide-inik aatsitassannguussimasunik sumiissusersiinissaq siunertaralugu, qulimiguulimmik aamma qillerlugu putuliani nunap qanoq sananeqaateqarneranik misissuinerup sunniuteqarluarnera takutillugu.

Paasisat annertuut 2012-ip naalernerani pissarsiarineqarsinnaalertarneri ilutigalugu nalunaarutigineqartarput. Nalunaarut manna qillerlugu putuliat, ilanngullugu qillerinerup sumiiffia, aamma paasissutissat nalunaarsukkat qillerinermut tunngasut nutaat arlallit pillugit teknikkikkut sukumiisortaannik arlalinnik imaqarpoq (ilanngunneqarpoq).

PINGAARNERPAAT

  • Annertuunik akuttussuseqartuni tamatigoortunik ilaqartinneqartunik qupisinerit qaffasissumik akuissuseqartut, sumiiffinnit pingasunit 2012-imi qilleriffigineqartunit marlunni putuliani pingasuni toraarneqarput (nalinginnaasuunngitsut aatsitassannguussimasut sumiiffiit pingajuanni qupineqarput):

MQ-12-001 (Imiak Hill)

26,98 m @ 0,98% Ni, 0,44% Cu aamma 0,04% Co

Ilanngullugit 16,64 m @ 1,36% Ni, 0,52% Cu aamma 0,05% Co

Ilanngullugit 5,12 m @ 2,20% Ni, 0,55% Cu, 0,07% Co

MQ-12-002 (Imiak Hill)

66,08 m @ 0,55% Ni, 0,20% Cu aamma 0,02% Co

Ilanngullugit 5,15 m @ 1,22% Ni, 0,49% Cu aamma 0,04% Co

Ilanngullugit 14,18 m @ 1,33% Ni, 0,38% Cu aamma 0,04% Co

MQ-12-005 (Spotty Hill)

123,94 m @ 0,81% Ni, 0,21% Cu, 0,03% Co aamma 0,26 g/t Pt + Pd + Au

Ilanngullugit 24,20 m @ 1,75% Ni, 0,34% Cu, 0,06% Co aamma 0,52 g/t Pt + Pd + Au

Ilanngullugit 8,20 m @ 2,39% Ni, 0,21% Cu, 0,07% Co aamma 0,60 g/t Pt + Pd + Au

  • Qillerlugu putuliami EM atorlugu misissuinerit aamma oqaluttuarisaanermi qillerinerit paasinarsisippaat Imiak Hill-imi aatsitassannguussimasut itissutsiminni ammaannartut. Spotty Hill-imi aatsitassannguussimasut aamma kujammut kangimuinnaq nangissutaani itissutsiminni ammaannarput.

2012-IMI QILLERINERMI PISUSSANUT PILERSAARUT (ilusiliaq 1-imiit 3-imut):

Pisussanut pilersaarut 27. augustimiit 16. septemberimut ingerlavoq, aammalu katillugit 1.551 meterit diamantimik qillerlugu putuliat 9-it tassaniillutik. Putuliat sumiiffinni pingasuni qillerneqarput: Imiak Hill, Spotty Hill aamma Fossilik II - nalinginnaasuunngitsut P-59 sumiiffianni (ilusiliaq 1).

Qupineqartut annertuut sulfid-inik aatsitassannguussimasut nikkelinik + kanngussannik + koboltinik ± aatsitassanik erlinnartunik qaffasissumik akuissuseqartunik akoqartut, sumiiffinni killinganniittuni Imiak Hill-imi aamma Spotty Hill-imi akimorlugit qupineqarput, aammalu nalinginnaasuunngitsut aatsitassannguussimasut Fossilik II-imi toraarneqarput (ilusiliaq 2 aamma 3). Sumiiffiit taakkua Maniitsumi meteorit-ip nakkarfiatut qanittumi akuerisaasumi inissisimapput (annertussusaa Sudbury-mut sanilliunneqarsinnaavoq, aammalu Nunarsuarmi nakkarfiusut annersarigaat ilimanarluni). Sulfid-it aatsitassannguussimasut Kalaallit Nunaata Norit Bælte-ani (GNB) norit intrusion-iniipput. Tinittarneq ulittarnerlu qaninnerpaaq Kangiata kangerluaniippoq, kujammut kimmuinnaq 35 kilometerisut ungasissusilimmi; Maniitsup sineriaa ukioq kaajallallugu sikorsuaqartanngilaq.

Qupineqartut pingaarnerpaat takussutissiaq 1-imi allattorneqarput aammalu qillerlugu putuliat nunap assingani sumiiffii takussutissiaq 2-imi allassimallutik. Baggrund for Maniitsumi suliassamut tunngaviusut aamma qillerinermit immiussat assilineri 2012-imeersut, ilanngullugit Ni-nik, Cu-nik, Co-nik, Pt-inik, Pd-inik, Au-nik aamma S-inik misissueqqissaarnerup inerneri, ingerlatseqatigiiffiup nittartagaani pissarsiarineqarsinnaapput

Table 1: Qupineqartut annertuut
Putuliaq # Uuminnga

(m)
Uunga

(m)
Takissusaa

(m)
Ni

(%)
Cu

(%)
Co

(%)
Pt

(g/t)
Pd

(g/t)
Au

(g/t)
S

(%)
MQ-12-001 5.32 32.30 26.98 0.98 0.44 0.04 <0.01 <0.01 <0.01 5.26
Ilanngullugit 11.82 28.46 16.64 1.36 0.52 0.05 <0.01 <0.01 <0.01 7.08
Ilanngullugit 11.82 16.94 5.12 2.20 0.55 0.07 <0.01 <0.01 <0.01 10.16
Ilanngullugit 23.35 28.46 5.11 1.74 0.48 0.06 <0.01 <0.01 <0.01 8.22
MQ-12-002 4.00 70.08 66.08 0.55 0.20 0.02 <0.01 <0.01 <0.01 2.25
Ilanngullugit 4.00 9.15 5.15 1.22 0.49 0.04 <0.01 <0.01 <0.01 4.96
Ilanngullugit 55.90 70.08 14.18 1.33 0.38 0.04 <0.01 <0.01 <0.01 5.19
MQ-12-003 59.29 67.00 7.71 0.18 0.06 0.01 <0.01 <0.01 <0.01 1.09
MQ-12-005 41.36 165.30 123.94 0.81 0.21 0.03 0.12 0.11 0.03 2.91
Ilanngullugit 117.80 142.00 24.20 1.75 0.34 0.06 0.22 0.25 0.05 6.30
Ilanngullugit 117.80 126.00 8.20 2.39 0.21 0.07 0.28 0.30 0.02 7.44
MQ-12-006 78.90 82.11 3.21 0.63 0.10 0.04 0.01 <0.01 <0.01 5.40
MQ-12-007 78.24 82.31 4.07 0.30 0.13 0.02 0.01 <0.01 <0.01 1.67
Ilanngullugit 82.01 82.31 0.30 1.46 0.86 0.08 0.08 0.01 0.01 9.01
MQ-12-009 8.00 127.00 119.00 0.17 0.03 0.01 0.02 0.02 0.01 0.43
Ilanngullugit 61.00 73.56 12.56 0.26 0.06 0.02 0.03 0.03 0.01 0.88
Table 2:Qillerlugu putulianut paasissutissat
Putuliaq # UTM
Kangimut*
(m)
UTM
Avannamut*
(m)
Portussusaa**

(m)
Qillerinerup
ammivia
(°)
Dyk (°) Takissusaa

(m)
Area / Siunnerfik
MQ-12-001 477455 7257225 546 275 -45 106.07 Imiak Hill
MQ-12-002 477455 7257225 546 275 -70 173.12 Imiak Hill
MQ-12-003 477485 7257186 543 275 -73 292.00 Imiak Hill
MQ-12-004 477459 7257260 540 275 -45 95.40 Imiak Hill
MQ-12-005 478937 7257298 628 222 -65 237.13 Spotty Hill
MQ-12-006 473878 7248498 604 320 -50 109.11 Fossilik II
MQ-12-007 473878 7248498 604 317 -50 120.70 Fossilik II
MQ-12-008 473680 7248678 645 330 -70 224.94 VTEM P-59
MQ-12-009 478877 7257351 613 222 -60 192.32 Spotty Hill
Tamaasa
katillugit:
1550.79 m
* WGS84 UTM Zone 22N

** Immap qulaani meterit

IMIAK HILL (ilusiliaq 4-imiit 6-imut): http://media3.marketwire.com/docs/NAN0115.pdf

Imiak Hill 1960-ikkunni Kryolitselskabet Øresund A / S-imit (KØ), putulianik 13-inik katillugit 1.234 meterinik qillerisumit misissuiffigineqarpoq. Putuliat ilaanni amerlasuuni, kisianni putuliaq Im-9 ilaanani, Ni-sulfidinik qupisiviusuni aatsitassannguussimasut annikitsuaraannaapput aammalu taakkua nunap qaavata ataani 60 meterinit itinerusumut malittarineqarsinnaanatik.

NAN-ip qulimiguulimmik elektromagnetiskimik (EM) misissuinerini 2011-imi aamma 2012-imi ingerlanneqartuni, nalinginnaasuunngitsut sakkortuut Imiak Hill-imut atasut paasivai. Nalinginnaasuunngitsut sammiviat KØ-p qillerlugu putuliaasa sammiviat sammiveqatigingajappaat, tamatumalu paasinarsisippaa aatsitassannguuttut eqqortumik misilerarneqarsimanngitsut. Aatsitasannguussimasuni nalinginnaasuunngitsut teqeqqorissumik misileraaviginiarlugit, qulimiguulimmik EM atorlugu misissuinermit paasissutissat nalunaarsukkat ikiorsiullugit, NAN-ip putuliaq MQ-12-001-imiit 004-imut pilersaarusiorpaa. EM-imut periaatsimi (BHEM) Crone 3-komponent atorlugu qillerlugu putuliaq itissutsimi aatsitassannguussimasut malinnaaffiginissaannut atorneqarpoq. Qillerinerit inernerisa, kombineret med BHEM-mut aamma oqaluttuarisaanermi qillerinernut ataqatigiissillugit erseqqissumik takutippaat aatsitassannguussimasut avannamut-avannamut kimmut ingerlaartut, kangimuinnaq uingasumik ammuinnaq ingerlaqqittut aammalu kujammuinnaq itisuumut ingerlaqqillutik.

Putuliaq MQ-12-001 VTEM aamma SkyTEM atorlugit nalinginnaasuunngitsut Imiak Hill-imut atasut assigiit qeqqanni qupisinissamut ilusilersugaavoq. Putuliami sulfid-inik aatsitassannguussimasut manngertut, ataqatigiissut aamma siammarsimasut 26,98 meterit, agguaqatigiissillugu 0,98%-inik Ni-taqatut, 0,44%-inik Cu-taqartut aamma 0,04%-imik Co-taqartut qupineqarput. Aatsitassannguussimasut putuliami 5,32-32,30 meterinik itissusilimmi 45 °-inik uingatillugu qillerneqartumi takussaapput aammalu tassaniillutik 16,64 meterinik akuttussuseqartut 1,36%-inik Ni-taqartut, 0,52%-inik Cu-taqartut aamma 0,05%-inik Co-taqartut, aamma immikkoortumik 5,12 meterimik 2,20%-inik Ni-taqartumik, 0,55%-inik Cu-taqartumik aamma 0,07%-inik Co-taqartunik akoqartoq.

MQ-12-002 sumiiffimmi aamma tassani aammalu sammiveqataanik (275 °) qillerneqarpoq, MQ-12-001-itulli 70 °-imik uinganeqarluni aammalu 66,08 meterit nikerartumik manngertunik, ataqatigiissunik siammarsimasunillu sulfid-inik aatsitassannguussimasunik agguaqatigiissillugu 0,55%-inik Ni-taqartunik, 0,20%-inik Cu-taqartunik aamma 0,02%-inik Co-taqartunik qupisiviulluni, ilanngullugu immikkoortoq 5,15 meterinik annertussuseqartoq 1,22%-inik Ni-taqartoq, 0,49%-inik Cu-taqartoq aamma 0,04%-inik Co-taqartoq aammalu suli alla 14,18 meterinik akuttussuseqattoq 1,33%-inik Ni-taqartoq, 0,38%-inik Cu-taqartoq aamma 0,04%-inik Co-taqartoq.

MQ-12-003 sumiiffiup aatsitassannguussimasup putuliat MQ-12-001 aamma MQ-12-002 nangissutaanni 75 meterit missaannik annertussuseqartup qupinissaanut ilusilersugaavoq. Ammuinnarnera (55 ° kujammut) BHEM atorlugu paasissutissat nalunaarsukkat aallaavigalugit nassuiarneqarpoq. Norit-imi itissutsimi siunnerfiusumi (125 meter) qaarsoq aatsitassartaqanngitsoq annertoorujussuaq toraarneqarpoq. putuliami BHEM atorlugu misissuinermi nalinginnaasuunngitsoq itissutsimi siunnerfiusumi putuliap kujatinnguani inissisimasoq nalunaarsorneqarpoq, tamatumalu paasinarsisippaa aatsitassannguussimasortaa qaarsumit annertoorujussuarmit taassuminnga asserneqarsimasoq. Sulfid-inik aatsitassannguussimasup aappaa MQ-12-003-imi toraarneqartoq 59,29 aamma 67,00 meterit akornanni annertussuseqarpoq, aammalu magnetkis-inik aamma pyrit-inik siammarsimasunik 5%-inik malunnanngingajattunik akoqarluni. Immikkoortoq 7,71 meterisut takissuseqattoq taanna agguaqatigiissillugu 0,18%-inik Ni-taqarpoq aamma 0,06%-inik Cu-taqarluni. Oqaluttuarisaanermi putuliami Im-9-imi, MQ-12-003-ip ataani 12 meterit missaanni 9,85 meterinik 2,67%-inik Ni-taqartunik aamma 0,60%-inik Cu-taqartunik qupisiviusumi uppernarsineqarpoq, aatsitassannguuttunik peqarnera putuliap ataani ammaannartussaasoq.

MQ-12-004, MQ-12-001-ip aamma 002-ip avannaani 35 meterit missaanni aatsitassannguukkiartornerit qaavat misilerarniarlugu inissinneqarpoq, kisianni annertunerusunik aatsitassannguussimasunik eqquisoqarani. BHEM atorlugu misissuinerit inernerisa takutippaa putuliaq aatsitassannguussimasut ataatigoorsimasoq. Oqaluttuarisaanermi putuliami Im-2-imi eqqannguaniittumi aatsitassannguussimasut 5.51 meterit MQ-12-004-ip qulaani 20 meterit missaanni 1,17%-inik Ni-taqartut aamma 0,24%-inik Cu-taqartut qupineqarput.

SPOTTY HILL

Spotty Hill oqaluttuarisaanermi ilisimaneqarpoq norit-imi siammarsimasunik sulfid-inik aatsitassannguussimasunik, sumiiffimmi 250x100 meterit missaannik annertussuseqartup nunap qaavani nakkaalasimasunik peqarfiulluni. Aatsitassannguussimanerani misileraaniarluni KØ putulianik ikkattunik (takissusaat <60 m) tallimanik assigiinngitsunik sammiveqartunik qillerisimavoq. Putuliani tamaginni sulfid-it siammarsimasut toraarneqarput, qupineqartumi pitsaanerpaamiillutik 12,94 m @ 0,52% Ni aamma 0,26% Cu.

2012-imi NAN-ip VTEM atorlugu misissuinerani sumiiffiup kujammut kippasissortaa sinerlugu sakkortuumik innaallagiaqartoq paasineqarpoq. 3D-imik nalinginnaasuunngitsunik Maxwell atorlugu pisuusaartitsinerup paasinarsisippaa, nappaarilluinnangajattumik ammuinnartoq ruujorimut assigusoq tassaniittoq. Nalinginnaasuunngitsup qaava nunap qaavata ataani 30 - 50 meterini inissisimasutut nassuiarneqarpoq.

MQ-12-005 VTEM atorlugu nalinginnaasuunngitsut qeqqat misilerarniarlugu qillerneqarpoq, aammalu 123,94 meterit norit-imi sulfid-inik aatsitassannguussimasunik siammarsimasunik aammalu sumiiffimmi manngimasut qupineqarlutik. 123,94 meterit agguaqatigiissillugu 0,81%-inik Ni-taqarput, 0,21%-inik Cu-taqarput, 0,03%-inik Co-taqarput aamma ton-imi ataatsimi 0,26 gramminik erlinnartunik aatsitassartaqarput (Pt + Pd + Au), ilanngullugu immikkoortoq 24,20 meterisut annertussuseqartoq indeholdende 1,75%-inik Ni-taqartoq, 0,34%-inik Cu-taqartoq, 0,06%-inik Co-taqartoq aamma ton-imi ataatsimi 0,52 gramminik erlinnartunik aatsitassartaqartoq. Sulfid-ini aatsitassannguussimasumi nikkel tenor 100% sulfid-inngortillugu agguaqatigiissillugu 9,0%-inik Ni-taqarpoq.

Aatsitassannguussimanera qaffasissumik akuissuseqartoq avannamut kimmuinnaq ingerlaqqippasinngilaq, tassami MQ-12-009-imi MQ-12-005-ip avannamut kitaani 75 meterit missaanni qillerneqartumi, taamaallaat sulfid-inik aatsitassannguunnerit annikitsumik siammarsimasut qillerummit qaqitami 119 meterisut takissusilimmi agguaqatigiissillugu 0,17%-inik Ni-taqartut aamma 0,03%-inik Cu-taqartut qupineqarput. Taamaattoq aatsitassannguunnera qaffasissumik akuissuseqartoq ammuinnaq aamma MQ-12-005-ip kujammut kangianut ammaannarpoq.

Fossilik II aamma P-59 VTEM nalinginnaasuunngitsut

Fossilik II, Imiak aamma Spotty Hill-ip sumiiffiisa kujammut kitaanni 10 km-isut ungasissulimmiippoq. Norit-ip annertoorsuup (8 km2) kujammut kimmuinnaq isua sinerlugu uinganermi uingasumik qulisimasumi inissisimasunik ersinngingajattunik manngertornersimasortaqarpoq. 1968-imi KØ manngertornisimasut ataanni ikkattumik (35 m) uingasumik putuliorluni qillerivoq (FoII-1) aammalu 12,89 meterit 2,24%-inik Ni-taqartut aamma 0,63%-inik Cu-taqartut qupillugit. Putuliami allami (FoII-2), ukiup tulliani qillerneqartumi, aatsitassannguussimasut 27,37 meterit 0,56%-inik Ni-taqartut aamma 0,98%-inik Cu-taqartut FoII-1-imi qupisinerit ataanni 10 meterit missaanniittumi qupineqarput. Putuliani allani marlunni (FoII-3 aamma 13) manngertornisimasut kangianni 40 aamma 50 meterini qillerneqartuni aatsitassannguussimasut taamaallaat annikitsuinnaat qupineqarput.

NAN-ip VTEM atorlugu misissuinerani nalinginnaasuunngitsoq Fossilik II-imi manngertornitaqartunut assigusoq paasinarsisinneqarpoq, aammalu nassuiaanerup paasinarsisippaa aatsitassannguussimasoq FoII-1-ip aamma 2-ip ataanut, kiisalu kujammut kimmuinnaq aamma avannamut kangimuinnaq ingerlaqqittoq. VTEM atorlugu misissuinerup nalinginnaasuunngitsoq Fossilik II-imi manngertornitaqartut avannamut kitaanni 250 meteriniittoq paasinarsisippaa. Nalinginnaasuunngitsoq taanna, taagorneqartoq P-59, nunap qaavata ataani 85 meterit missaanni inissisimasutut, ruujorimut assigusumik iluseqartutut aammalu kujammut kangimuinnaq uingasumik ammukariartortutut (60 °) nassuiarneqarpoq. P-59 siusinnerusukkut qillerinerni misileraavigineqarsimanngilaq.

MQ-12-006 Fossilik II-imi manngertornitaqartut KØ-ip putuliaasa ataani 45 meterini misilerarniarlugit inissinneqarpoq aammalu VTEM atorlugu nalinginnaasuunngitsoq P-59 nunap qaavata ataani 330 meterit missaanni itissisulimmi putuliorfigalugu (putuliap takissusissaatut pilersaarutigineqartoq katillugu 400 m miss.). Putuliami KØ-p putuliaata FoII-2-p toqqaannartumik ataani 3,21 meterit 0,63%-inik Ni-taqartunik aamma 0,10%-inik Cu-taqartunik 40 m gabbro-nik aatsitassartaqartut qupineqarput. Putuliorneq 109,11 meterinik itissusilimmi unitsinneqarpoq, pissutigalugu qillerinerup sammivia allaanerummat, taamaalilluni P-59 saneqqutiinnartussaallugu.

MQ-12-007 sumiiffimmi aamma tassani MQ-12-006-itut ammuinnartumik qillerneqarpoq, kisianni allaanerussutaanut taarsiunniarsaralugu gradinik iittunik qillerinerup sammivia allanngortinneqarpoq. Putuliami MQ-12-006-imi aatsitassannguussimasunut assigusut qupineqarput, kisianni aamma sammiveerullutik aammalu 120,7 meterisut itissusilimmi naammassineqarlutik.

MQ-12-008 putuliat MQ-12-006-ip aamma 007-ip avannamut kitaanni 265 meterini qillerneqarpoq, aammalu nalinginnaasuunngitsup P-59-ip qaavani nunap qaavata ataani 125 meterit missaanni qupisinissamut ilusilersugaalluni. Putuliami norit-it toraarneqarput, kisianni aatsitassannguussimasunik annertuunik qupisisoqarani. Putuliap qaavani aamma ataani BHEM atorlugu nalinginnaasuunngitsunik peqartoq paasineqarpoq.

Putuliaq MQ-12-007-imit aamma 008-imit BHEM atorlugu misissuinermit paasissutissani nalunaarsukkani (putuliaq MQ-12-006 misissuiffigineqanngilaq) allassimavoq Fossilik II-imi aatsitassannguussimasut annikitsuaraannarmik annertussuseqartut. Nalinginnaasuunngitsumi P-59-imi annertunerusunik qillerisoqarnissaa pissutissaqarnersoq aalajangerniarlugu, BHEM aamma VTEM atorlugit paasissutissat nalunaarsukkat annertunerusumik misissoqqissaarneqarnissaat pisariaqarpoq. Putuliani MQ-12-006-imi aamma 007-imi kimberlit dykes 7,29 meterit tikillugit takissuseqartut qupineqarput. Misissugassat kimberlit-inik malunnartoqarnersoq aamma diamantinik mikisuaqqanik angisoorsuarnillu piiaanissamut tunngavissaqarnersoq misissortinniarlugit Saskatchewan-imi Ilisimatusarnermut siunnersuisooqatigiinnut nassiunneqarput.

Ingerlatseqatigiiffiup aamma nalunaarutigaa, Ingerlatseqatigiiffiup aktiaatinut salliusussaatitaanissamut pilersaarutaa naapertorlugu aktiaatinik nalinginnaasunik 300.000 tikillugit pisinissamut, ingerlatseqatigiiffimmi sulisunut siunnersortinullu aalajangersimasunut ingerlatseqatigiiffimmi aktiaatinik pisinissamut salliusussaatitaanermik tunniussisimalluni. Salliusussaatitaanerit kingusinnerpaamik 5. januar 2018, atuinermut akigititaasoq aktiaammut ataatsimut $ 0,15-iusoq atorlugu atorneqarsinnaavoq.

MANIITSUMI SULIASSAQ PILLUGU

Maniitsumi Ni-Cu-PGM-inut suliassaq Kalaallit Nunaata kujataata kitaata sineriaa, nunap immikkoortua isumannaatsumiittoq, patajaatsumiittoq aamma aatsitassarsiorfimmik ingerlatsivigiuminartoq sinerlugu inissisimavoq. Kalaallit Nunaata kujataata kitaata sineriaa ukioq kaajallallugu imaatigut angallavigineqarsinnaavoq, imaani itisuumi umiarsualivinnik sanaartornissamut periarfissarpassuaqarluni. Siusinnerusukkut NAN-imit tusagassiuutitigut nalunaarutini nassuiarneqartutut, aammalu ilusiliaq 1-imi takutinneqartutut, Maniitsumi suliassami Kalaallit Nunaanni Norit Bælte (GNB) 75 km-isut takissuseqartoq aamma 15 km-isut atitussuseqartoq sammineqarpoq, taassuma annertunerpaartaa NAN-ip kisermaassisussaatitaalluni aatsitassarsiorluni misissuinissamut pisinnaatitsissutaata ataatsimut katillugu 4.983 km2-isut annertussuseqartup iluani inissisimalluni. GNB pingartumik nikkelsulfid-inik aatsitassarsiorluni misisuinissamut pilerinaateqarpoq, tassami peqarfik nikkelinik aatsitassannguussimasunik kisissaanngitsunik qaffasittuaannartumik nikkel tenor-itaqartunik akoqarpoq.

Maniitsumi suliassaq 2011-imi tunniunneqarmalli, NAN-ip GNB-ip annertunerpaartaani qulimiguulimmik EM atorlugu misissuinerit naammassisimavai. Nalinginnaasuunngitsut misilerarneqanngitsut amerlasoorpassuit nassaarineqarput, taakkualu aatsitassarsiorluni misissuinerup ingerlanerani aamma qillerummik qaqitassanik qillerinerni nalilersorneqassapput.

Siusinnerusukkut tusagassiuutitigut nalunaarutinut aammalu NAN aamma Maniitsumi suliassaq pillugu paasissutissanut annertunerusunut tunngatillugu suliffeqarfiup nittartagaa alakkarsinnaavat uani www.northamericannickel.com.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput

Pitsaassutsimik qulakkeerineq/Pitsaassutsimik misissuisarneq aamma misissueqqissaarnermi periaaseq

Qillerummit qaqitat misissoqqissaarneqarnerisa inerneri pitsaassutsimik qulakkeeriniarnermut aamma pitsaassutsimik misissuisarnermut suleriaatsip ilaatut nalilersorneqartarput, tassunga ilanngullugu misissueqqissaarnerit inernerisa eqqoqqissaassusai erseqqissusaalu aalajangerniarlugit atorneqartarlutik akuusut assigiinngitsut tamarmik, aatsitassat erlinnartut nalinginnaasullu ilisimaneqartut nalinginut pitsaassusissanut malitassat akuerisaasut, pitsaassusissanut malitassat imaqanngitsut aamma nakkutiginninnermi iliuusissat. Qillerummit qaqitanik misissueqqissaarnerit Activation Laboratories Ltd Ancaster-imi, Ontario-miittumi suliarineqartarput.

Misissueqqissaarnermi periaatsit pingasut ujaqqani misissugassani ALS-imut saqqummiunneqartuni akuusut annertussusaasa aalajangernissaannut atorneqartarput. Taakkua tassaapput 1. Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-AES atorlugu naammassinera; 2. Au, Pt aamma Pd Fire assay misissugassami 30 gram-itut angissusilimmi ICP-AES atorlugu naammassinera; aamma 3. Ni-imik imaluunniit Cu-imik > 1,00%-imik akullit misissugassat misissoqqissaarneqaqqittarput ICP-AES atorlugu saffiugassartaasa killissai nassaarineqartarlutik.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

WIC Sudbury-miit kujammut kangimut 13 km-nik ungasissusilimmik inissisimavoq, taavalu Trans-Canadisk aqqusinersuarmit Wanapitei eqqaaniittumit 1 km kujammut inissisimalluni. 5,6x2,4 km-mik isorartussusilik mafisk intrusioneq avannaq kangisik-kujammut kippasimmut sammivilik, akoralugit nikkel-kanngussak-PGE aatsitassannguunnikoq gabbro-norit aamma gabbro “Injektion Breccia Zone”.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4