TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel Inc.: Maniitsumi suliassami Fossilik norit-imi nikkelinik nassaartoqaqqippoq; Qillerinermi pisussanut pilersaarut naammassineqarpoq, Imiak Hill Kompleks-imut tunngatillugu misissueqqissaarnerit utaqqineqarput

September 26, 2013

Vancouver, British Columbia - (Marketwired – 26. september 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Ingerlatseqatigiiffik qillerlugu putuliami MQ-13-018-imi Imiak Hill Kompleks-ip (IHK) kujataani ~ 9 km-isut ungasissusilimmi inissisimasumi nutaanik nassaarsimasoq. Putuliami sumiiffiit pingasut nikkelsulfid-itaqartut qupineqarput; tamarmik Fossilik intrusion-ip, Kalaallit Nunaanni Norit Bælte-mi norit-it annersaata ~ 8 km2-isut annertussusillip iluaniipput. MQ-13-018 NAN-ip 2012-imit VTEM atorlugu misissuinermi nalinginnaasuunngitsutut paasisaanut P-04-imut akuliussimavoq.

Nassaarineqartoq nutaaq taanna Imiak Hill Kompleks-imit 10 meterinik iluanniippoq, tamannalu saffiugassap Imiak Hill-imi imaluunniit taassuma eqqaani qiterpasissumi aatsitassarsiorfimmik ingerlatsivissaasinnaasumut assartornissaanut biilinik ungasissusaa naleqquttutut ingerlatseqatigiiffiup isigaa (takuuk nunap assinga 1).

NAN-imi CEO, Rick Mark oqarpoq: "Nassaarineqartoq taanna Imiak Hill-imi aamma Imiak North-imi manngivinngitsunit manngertunut sulfid-init qupineqartunit qanittumi nalunaarutigisatsinnit taamaallaat 9 km-isut ungasissusilimmi inissisimavoq. Taanna nunap qaavani qanittumi annertuuni siammarsimasunik Ni-Cu-Co & PGM-nik aatsitassartaqarpoq, IHK-imi Spotty Hill-imi aatsitassannguussimasunut assigulluni. Fossilik norit aamma oqaluttuarissaanermi sumiiffinnik aatsitassannguussimasunik 2,24% Ni aamma 0,63% Cu tikillugit akuissuseqartunik akoqarpoq. Tamanna Ingerlatseeqatigiiffiup aallussivigisassaannik nutaamik pilersitsivoq, aammalu Maniitsumi ”feeder dyke” peqarfinnik amerlanerusunik pissarsiviunissamut periarfissaqarfiuneranik upperinninnerput annertusitillugu"

MQ-13-018 Immikkoortut pingaarnerit:

  • 32,19m @ 0,59% Ni, 0,18% Cu, 0,02% Co, 0,21 g/t PGM (Zone 1) Ilanngullugu:
  • 4,53m @ 1,06% Ni, 0,23% Cu, 0,04% Co, 0,33 g/t PGM

Aatsitassannguussimasut nunap qaavata ataani nappaarissumi 35 aamma 160 meterit akornanni toraarneqarput, aammalu tassaanerullutik sulfid-it siammarsimasut aamma mikisualukkaartut, sumiiffinni akulikitsunik sulfid-inik immersimallutik. Sulfid-it tamarmik norit-imi manngertumi taartumiipput.

Fossilik intrusion oqaluttuarisaanermi aatsitassannguussimasunik arlalinnik imaqarpoq, ilanngullugit Fossilik I aamma II

  • Fossilik II-imiipput oqaluttuarisaanermi qillerlugu putuliat, qillerlugu putuliami Foil-1-imi qillerummit qaqitami 12,89 meterisut takissusilimmi 2,24% Ni aamma 0,63% Cu tikillugit akuissuseqartut.
  • Fossilik I-imiipput oqaluttuarisaanermi qillerlugu putuliat, qillerlugu putuliami F-3-imi qillerummit qaqitami 25,10 meterisut takissusilimmi 1,07% Ni aamma 0,46% Cu tikillugit akuissuseqartut.

Takussutissiami 1-imi matuma kingulianiittumi MQ-13-018-imut misissueqqissaarnerit inerneri allattorneqarput. Sumiiffiit aatsitassartaqartut pingasut tamarmik norit-imi manngertumi, nipunnganngitsumi, taartumiipput.

Takussutissiaq 1: MQ-13-018 misissueqqissaarnerit pingaaruteqartut

Uuminnga

(m)
Uunga

(m)
Takissusaa

(m)
Ni

(%)
Cu

(%)
Co

(%)
Pt

(g/t)
Pd

(g/t)
Au

(g/t)
Total

PGM*
S

(%)
Zone 1 40.24 72.43 32.19 0.59 0.18 0.02 0.10 0.03 0.08 0.21 2.94
Ilanngullugu 51.75 56.28 4.53 1.06 0.23 0.04 0.20 0.04 0.09 0.33 5.97
Zone 2 94.00 120.00 26.00 0.24 0.11 0.01 0.07 0.02 0.07 0.16 1.31
Ilanngullugu 108.00 117.00 9.00 0.42 0.15 0.02 0.14 0.03 0.10 0.27 2.38
Zone 3 173.29 182.00 8.71 0.26 0.15 0.01 0.04 0.01 0.07 0.12 1.04

Malugiuk: Takissutsit tamarmik tassaapput qillerummit qaqitat takissusaat, silissusaat eqqortoq ilisimaneqanngilaq.

Qillerlugu putulianut paasissutissat (WGS84 / UTM22N) 474324E / 7248800N / 695 moh, qillerinerup sammivia 50, ammuinnarnera -60, takissusaa 182 meter. (moh = immap qaavanit meterit)

Maniitsumi 2013-imut misissuinermi pisussanut pilersaarut naammassivoq, aammalu diamantimik qillerlugu putuliat 25-it katillugit 4.266 meteriusut ilaatinneqarlutik. Qillerinerni VTEM atorlugu nalinginnaasuunngitsut arlallit aamma Kalaallit Nunaanni Norit Bælte-mi (GNB) Ni–Cu-nik aatsitassartaqartut pioreersut aallunneqarput. Qillerummit qaqitanit misissugassat katillugit 1.541-it misissoqqissaagasanngorlugit tunniunneqarput. 2011-imi aamma 2012-imi nalinginnaasuunngitsut tamarmik (116) NAN-ip ujarassiuuinit asimi suliaqarfimmi misissorneqarput, aammalu asimi sumiiffiit aamma aatsitassannguussimasut ersiinnartut 238-it, ujarassiuunit nalilersorneqartut ilaatinneqarlutik. Ujaqqat assigiinngitsut misissugassat katillugit 104-it misissoqqissaarneqarput, aammalu NAN-ip aatsitassarsiorluni misissuinermik suliaqartuisa sumiiffinnit aatsitassartaqartunit soqutiginaateqartunit pilattuilluni misissugassat katillugit 150-it katersorpaat.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

Qillerummit qaqitanik misissueqqissaarnerup inerneri, pitsaassutsimik qulakkeeriniarnermi aamma pitsaassutsimik misissuinermi suleriaatsip ilaatut nalilersorneqarput, tassani misissueqqissaarnerup inernerisa eqqoqqissaassusaat toraaqqissaassisaallu aalajangerniarlugu ilaatinneqarlutik tamatigoortunik atuineq, malitassat aatsitassanut erlinnartunut nalinginnaasunullu ilisimaneqartunut akuersissummik allagartaqarfigineqartut, malitassat imaqanngitsut aamma nakkutiginninnermi iliuusissat. Qillerummit qaqitanik misissueqqissaarneq Sverige-mi Öjebyn eqqaanni ALS Scandinavia AS-imit suliarineqarpoq. Ujaqqani misissugassani ALS-imut tunniunneqartuni akuisa annertussusaat aalajangerniarlugu, nalilersueqqissaarnermut periaatsit pingasut atorneqarput. Taakkua tassaapput 1. Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-AES atorlugu naammassinera; 2. Au, Pt aamma Pd Fire assay misissugassami 30 gram-itut angissusilimmi ICP-AES atorlugu naammassinera; aamma 3. Ni-mik imaluunniit Cu-mik > 1,00%-imik akullit misissugassat ICP-AES atorlugu saffiugassap killissai qaffasinnerusut nassaariniarlugit misissueqqissaaqqinneq. Misissugassat > 0,50% S Leco aamma infrarød spektroskopi atorlugit nalilersoqqissaarneqaqqipput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Neil Richardson, COO, North American Nickel Inc.

Kort 1 takuniarukku una iserfigiuk: http://media3.marketwire.com/docs/nan0926map1.pdf.

Attaveqarfissamut paasissutissat:
North American Nickel Inc.
Neil Richardson, COO
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4