TSX-V: nan $0,19 -$0,01 -5% Volume: 9.020 October 26, 2020

Navigation

North American Nickel Inc.: Maniitsup eqqaani aatsitassarsiorluni misissuinermi siunnerfissat nutaat 100-it sumiissusersivai

December 2, 2013

Vancouver, British Columbia - (Marketwired – 2. december 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Ingerlatseqatigiiffiup 100%-imik pigineqartumi Kalaallit Nunaata kujataata kitaani Maniitsumi nikkelinik-kanngussannik-koboltinik-PGM-inik kisermaassisussaatitaalluni suliassaani ukioq manna VTEM Plus atorlugu qulimiguulimmik geofysiskimik misissuineranit paasisaagallartut tigusimallugit.

Misissuiffigineqartuni quligiluat sinnerlugit amerlassusilinni (ilusiliaq 1-imi A1-miit A9-imut) katillugit 917,3 linje-kilometerit timmisartumik qulaavaaneqarput, tamannalu katillugit 389-inik elektromagnetiskimik (EM) misissuinermi nalinginnaasuunngitsunik inerneqarpoq. Ingerlatseqatigiiffimmit misissuinerit inernerinik maannamuugallartoq misissuinermi, sumiiffiit innaallagiamik aqqutigiuminartut 100-it sinnerlugit paasineqarput. Sumiiffiit taakkua 2014-imi asimi suliaqarfinni uppernassusersiniarneqassapput, aammalu siunnerfiit annertuumik nikkelsulfid-eqarsinnaasutut periarfissaqarfiusut, Maniitsup eqqaani qillerinermi siunnerfissanut allattuiffimmut annertusiartortumut ilanngunneqassapput.

2013-imi VTEM Plus atorlugu misissuinermi siunertaasuni immikkoortut pingasut ilaapput:

  1. Sumiiffinnut norit-inik aamma allanik mafiske-ultramafiske intrusion-inik akoqartunut, aningaasarsiutigineqarsinnaasunik nikkel-sulfid-inik aatsitassannguussimasunut atasinnaasunut, EM atorlugu aamma kajungerisaqarneranik misissuiffigineqartunik peqalernissaq. Alle disse nye EM-mut siunnerfiit nutaat taakkua tamarmik Kalaallit Nunaanni Norit Bæltep avataani, ukiuni 3-inik kingullerni Ingerlatseqatigiiffiup aatsitassarsiorluni misissuinerani sammineqartumi, sumiissusersineqarput;
  2. Sumiiffinnut 2011-imi SkyTEM atorlugu (periaaseq VTEM Plus nutaaq 2011-imi SkyTEM-imi periaatsimut naleqqiullugu sisamariaammik paasisaqarsinnaassuseqarpoq) misissuiffigineqartunut suliaqarfissanut pilersaarusiorfigiuminartunut EM atorlugu itinerusumi qaleriiaarnernik angusaqarnissaq; aamma
  3. Innaallagiamik aqqutigiuminartunik allanik soqutiginaateqartunik, siusinnerusukkut VTEM aamma SkyTEM atorlugit misissuinerni paasineqartunik, sukumiisumik misissuineq.

NAN-imi CEO, Rick Mark, oqarpoq: ”Niuerfimmi Imiak Hill-imi qaqqarsuit qaammatini kingullerni pingasuni aallunneqarpoq aammalu eqqortumik taamaaliortoqarluni, tassami Imiak eqqaani qillerinerup inerneri qaffasissumik akuissuseqartut asseqanngilluinnarput. 100 %-imik kisermaassisussaatitaalluta Maniitsup eqqaani suliassarput, Sudbury bassinet-imit annertunerusoq, nikkelinut-kanngussannut-koboltinut sulfid-inik nunap immikkoortuanik nunarsuarmi anginersaasut tullianik imaqarnissamut periarfissaqarfiusoq, aningaasaliisartuvut eqqaasinnissaat kissaatigaarput. Timmisartumit misissuinernit maannamuugallartoq paasisat taamatut isumaqarneq sakkortusitippaat, aammalu siunnerfissanik misissueqqissaarnissatsinnut aammalu 2014-imut piareersarnissatsinnut nutaanik periarfissaqalersilluta. "

Maannamuugallartoq paasissutissanit nalunaarsukkanit innaallagiamik aqqutigiuminartut soqutiginaateqarnerpaat tassaapput timmisartorfigineqartumi A1-imi (ilusiliaq 2) Pingo norit-imut atasut. Pingo norit Imiak Hill qaqqarsuisa avannamut kangiani 24 kilometerisut ungasissusilimmi inissisimavoq, tassani Ingerlatseqatigiiffiup qanittumi nikkelsulfid-it qupineqartut annertoorujussuit nassaaralugit (assersuutigalugu Imiak Hill-imi putuliaq MQ-13-028-imi 24.75m @ 3,19% Ni aamma 1,14% Cu).

Pingo norit avannamut kangimuinnaq sammivoq, dyke-mut assigusumik intrusion-iulluni 30 - 80 meterit missaanni atitussuseqartoq, 4 km-init isorartunerusumik isorartussusilimmi ingerlaavartumik malinnaavigineqarsinnaalluni. Manngertornisimasortallit amerlasoorpassuit, sulfid-inik siammarsimasunik akoqartut (5% tikillugu), intrusion tamaat takussaapput. EM atorlugu misissuinermi nalinginnaasuunngitsut sakkortunerpaat Pingo norit-imut uiggiulluni 200 meterinik takissusilimmi malugineqarput (ilusiliaq 2-imi nalinginnaasuunngitsoq P-146 aamma 233), aammalu timmisartorfigineqartumi nalinginnaasuunngitsuni pingaartinneqarnerpaajulluni. Tamatuma saniatigut norit-ip qiterpasinnerusortaani VTEM atorlugu misissuinermi innaallagiamik aqqutigiuminartoq 300 meterisut takissuseqartoq takuneqarpoq (ilusiliaq 2-imi P-149). oqaluttuarisaanermi qillerinermit paasissutissat nalunaarsukkat Pingo norit nikkelinik akoqartoq takutippaat.

2013-imi VTEM atorlugu misissuinermi paasisat inaarutaasut ukioq naatinnagu pissarsiarineqassasut naatsorsuutigineqarpoq, aammalu misissueqqissaarnerit sukumiisut aamma paasissutissanik nalunaarsukkanik taakkuninnga pingaarnersiuineq, ukiumi nutaami aatsaat ingerlanneqassapput. Misissuineq Geotech Ltd Aurora-mit, Ontario-meersumit 100 - 200 meterinik nikerartumik narlumuinnaq ungasissuseqartumik timmisartorfigineqarpoq. Lakewood-imi, Colorado-miittumi Condor Consulting-ip misissuineq nakkutigaa, pitsaassutsinik misissuineq ingerlallugu aammalu paasissutissani ataatsimoortuni aallarniutaasumik EM atorlugu nalinginnaasuunngitsut sumiissusersillugit.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 23,9% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Mark Fedikow, Pisortaq, North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
Paasisaqarnerorusukkuit nalunaarfissaq:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4