TSX-V: nan $0,19 -$0,01 -5% Volume: 9.020 October 26, 2020

Navigation

North American Nickel Inc.: Maniitsup eqqaani intrusion-it nikkelinik aatsitassartaqartut nutaat nassaarineqarput

November 21, 2013

Vancouver, British Columbia - (Marketwired – 21. november 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa qillerummit qaqitanik misissueqqissaarnermit paasisat kingulliit Kalaallit Nunaanni Norit Bælte-mi (GNB) 75 km-isut takissusilimmi Imiak Hill Kompleks-ip qaffasissumik akuissuseqartup avataani nikkelit (Ni) kanngussak (Cu) kobolt (Co) aamma aatsitassat erlinnartut (Platinum + Palladium + Kuulti) intrusion-it aatsitassannguussimasut annertoorujussuit nassaarineqarnerat uppernarsaraat. Misissueqqissaarnerup inernerini ilaapput 6,51m @ 0,44% Ni aamma 0,20% Cu, ilanngullugit 0,73m @ 2,35% Ni aamma 1,21% Cu. Nassaarfigineqartoq nutaaq Imiak Hill Kompleks-ip kujataani 18 km missaanni ungasissusilimmiippoq.

Intrusion-it qanittumi nassaarineqaqqammersut, ersiinnarnerat annikikkaluartoq, 2013-imi asimi suliaqarnermut atatillugu paasineqarput, tassanilu VTEM atorlugu innaallagiamik aqqutigiuminartut pingasut ataatsimoortut taaneqartut sumiiffiit P-13, uppernassusersineqarput (takukkit ilusiliaq 1 aamma 2: http://media3.marketwire.com/docs/ NR_112113_NAN_Fig1and2.pdf). P-13-imi suliniuteqarfigineqartumi sumiiffinni arlalinni manngertornisimasut annikitsukkuutaartut maluginiarneqarput, aammalu EM innaallagiamik aqqutigiuminartut pingasut tamatuma kingorna katillugit putuliani pingasuni (MQ-13-032 til 034) qillerinermi misileraavigineqarput.

NAN-imi CEO, Rick Mark, oqarpoq: ”Sumiiffimmi P-13-imi nunap qaavani qanittumi nikkelinik, kanngussannik, koboltinik aamma PGM-nik aatsitassannguussimasunik nassaarnermi, Maniitsumi nunap immikkoortuata periarfissaqarfiuneranut suli annertunerusumik pingaaruteqalerpoq. Aallarniutaasumik nunap qaavanit paasisat taakkua, qillerlugu putuliat geofysik-ianut tassunga atasumut ataqatigiissillugu, Imiak Hill Kompleks-imi qaffasissumik akuissuseqartumi takoqqaakkatsinnut takussutissaapput. 2013-imi aatsitassarsiorluni misissuinermi pisussanut pilersaarutip timmisartumit nalinginnaasuunngitsumik taassuminnga uppernarsaasoq, ukiunit qulikkaanit ataatsimit amerlanerusuni taamaattuni siullersaammat eqqaamassallugu pingaaruteqarpoq, taamaattumik Imiak Hill Kompleks-ip pingaarnertut aallussivigisatta avataani Maniitsumi annertunerujussuarnik ilikkagassaqarpugut. Tamanna ukioq manna Maniitsup eqqaani nikkel-sulfid-inik aatsitassannguussimasunik nassaarineqartut nutaat sisamassaraat, taassumalu NAN-ip teknikkikkut suliaqartuisa suleqatigiissut aatsitassarsiorluni misissuinerisa iluatsitsiviulluarneranut uppernarsaataavoq."

MQ-13-032-imi nalinginnaasuunngitsoq 200 meterisut takissuseqartoq, avannamut kangimuinnaq ingerlaartoq misileraavigineqarpoq aammalu matuma kinguliani takkussutissiaq 1-imi allassimasutut norit aamma leucogabbro manngertoq immikkoortoq Ni-Cu-Co-PGM-nik aatsitassannguussimasunik sisamanik akunneqartunik akoqarluni. Putuliaq Crone pingasunik atortulik qillerlugu putuliamukartillugu EM (BHEM) atorlugu misissorneqarpoq, aammalu immikkoortuni aatsitassannguunnertalinni sisamani tamaginni geofysiskimik qisuariarnerit paasineqarput, tamatumalu sakkortuumik aatsitassannguussimasunik qanittumiittoqartoq ersersippaa.

Table 1: MQ-13-032 misissueqqissaarnerit annertuut
Uuminnga m Uunga m Qillerummit
qaqitaq
Takissusaa

m (1)
Ni % Cu % Co % Pt g/t Pd g/t Au g/t TPM

g/t (2)
S % Qillerlugu

putuliami

EM

Qisuariarneq

Suussusaa
Akuttussuseq 1 69.70 93.44 23.74 0.13 0.03 0.01 0.01 0.00 0.00 0.01 0.53 Off-hul
Ilanngullugu 91.61 91.90 0.29 1.29 0.24 0.03 0.11 0.04 0.02 0.17 5.87
Akuttussuseq2 99.35 105.86 6.51 0.44 0.20 0.01 0.09 0.01 0.01 0.11 1.92 Off-hul
Ilanngullugu 101.79 102.52 0.73 2.35 1.21 0.05 0.68 0.06 0.03 0.77 9.71
Akuttussuseq3 137.80 138.24 0.44 1.38 0.45 0.04 0.16 0.05 0.01 0.22 6.78 Off-hul
Akuttussuseq4 150.56 159.22 8.66 0.33 0.09 0.01 0.03 0.00 0.00 0.03 1.63 Off-hul
Ilanngullugu 157.21 159.22 2.01 0.88 0.22 0.03 0.07 0.02 0.00 0.09 4.45
Ilanngullugu 157.21 157.67 0.46 2.20 0.70 0.07 0.18 0.06 0.02 0.26 12.30
Nassuiaat: (m) = meter, % = procent, g/t = ton-imi ataatsimi gram
(1) Qillerummit qaqitat takissusaat allanneqartoq ilumoortumik takissuserinngilaa
(2) TPM tassaavoq total precious metals (guld+platin+palladium)

Qillerinerup naammassinerani putuliaq Crone pingasunik atortulik EM sonde atorlugu misissorneqarpoq. Misissuinerup inerneri inaarutaasut suli takkutinngillat, kisianni maannamuugallartoq nassuiaanerit takutippaat off-hul nalinginnaasuunngitsut aatsitassannguussimasunut akunneriniittunut sisamanut tamaginnut akuliussimasut, tamatumalu sakkortuumik aatsitassannguussimasunik qanittumiittoqartoq ersersippaa.

MQ-13-032-imi polymetallisk-itut ittumik aatsitassannguussimanerit Imiak Hill Kompleks-imut naapertuupput, aammalu off-hul BHEM atorlugu qisuariarnerit aatsitassannguussimasunut atanerisa pingaaruteqarnera erseqqissalugu. Off-hul qisuariarnerit 2014-imi malersoqqinneqassapput.

MQ-13-033-imi VTEM nalinginnaasuunngitsoq sakkukitsoq MQ-13-032-ip kitaani 200 meterisut ungasissusilimmi inissisimalluni naatsumik isorartussuseqartoq misileraavigineqarpoq. Putuliami granit aamma granodiorit gnejs aatsitassartaqanngitsut qupineqarput. Innaallagiamik aqqutigiuminartunik toraarsisoqanngilaq, aammalu EM atorlugu putuliami misissuineq off-hul nalinginnaasuunngitsunik paasisaqarfigineqanngilaq. Taamaattoq sumiiffimmi norit-inik nungusimasunik manngertornisimasunillu annertoorujussuarnik peqarpoq.

MQ-13-034-imi, VTEM nalinginnaasuunngitsoq MQ-13-032-ip kujammut kangiani 275-ini inissisimalluni naatsumik isorartussuseqartoq misileraavigineqarpoq, aammalu norit 41m sumiiffinni sakkukitsumik siammarsimasunik sulfid-inik aatsitassannguussimasoqartoq qupineqarluni. Misissueqqissaarnermi paasisat pingaaruteqartut takussutissiaq 2-imi allassimapput. Paasisani pitsaanerpaani ilaapput 1,10m 0,65%-inik Ni-taqartut, 0,15%-inik Cu-taqartut aamma 0,13 g/t TPM-taqartut. Qillerlugu putuliami BHEM geofysiskimik misissuineq, qillerlugu putuliap nakkaaqattaarnera pissutigalugu ingerlanneqanngilaq.

Table 2: MQ-13-034 misissueqqissaarnerit annertuut
Uuminnga m Uunga m Qillerummit
qaqitaq
Takissusaa

m (1)
Ni % Cu % Co % Pt g/t Pd g/t Au g/t TPM

g/t (2)
S % Qillerlugu putuliami

EM

Response*
Akuttussuseq1 73.50 76.22 2.72 0.16 0.07 0.00 0.02 0.02 0.03 0.07 0.59 Misissorneqanngilaq
Akuttussuseq2 82.00 84.50 2.50 0.38 0.14 0.01 0.04 0.03 0.03 0.10 1.67 Misissorneqanngilaq
Including 83.40 84.50 1.10 0.65 0.15 0.02 0.06 0.04 0.03 0.13 2.83
Note: (m) = meter, % = procent, g/t = ton-imi ataatsimi gram
(1) Qillerummit qaqitat takissusaat allanneqartoq ilumoortumik takissuserinngilaa
(2) TPM tassaavoq total precious metals (kuulti+platin+palladium)
* Putuliaq MQ-13-034 pissutsit pitsaannginnerat pissutigalugu misissorneqanngilaq

Misissueqqissaarnerup inerneri aamma putuliamut hul MQ-13-030-imut aamma MQ-13-031-imut, P-13-ip sumiiffiata avannamut kangiani 21,8 km missaanni inissisimasunut tunngasut tiguneqarput (ilusiliaq 1). Putuliani marlunni taakkunani VTEM nalinginnaasuunngitsoq P-49 Imiak Hill Kompleks-ip kangiani 9 km-isut ungasissusilimmiittoq misilerarneqarpoq. Putuliat arlaannaanniluunniit nikkelinik aatsitassannguunnernik pingaaruteqartunik qupisisoqanngilaq.

Maniitsumi 2013-mi qillerinermi pisussanut pilersaarut maannakkut naammassivoq, aammalu ukiup tullianut pilersaarusiorneq aallartinneqarpoq. Fokus i 2014-imi sammineqartussat tassaassapput Imiak Hill Kompleks-imi sumiiffiit qaffasissumik akuissuseqartunik aatsitassartaqartut amerlasuut taakkua annertusineqarnissaaq (sumiiffiit taakkua pillugit annertunerusumik paasissutissanut takukkit tusagassiuutitigut nalunaarutit ulloq 10. oktober aamma 23. aamma 7. november ullulerneqartut), GNB-imi sumiiffinni allani nassaarineqartut nutaat malersoqqinnissaat (soorlu P-13) aammalu Maniitsumi suliassap sumiiffiani tamarmi VTEM-imut siunnerfiit qaffasissumik pingaartinneqartut misileraavigineqarnerisa ingerlaqqinnissaat.

Qillerlugu putuliat nunap assingani sumiiffii aamma putuliat tallimat taakkua pillugit sukumiinerusut allat tusagassiuutitigut nalunaarummi matumani eqqartorneqartut, takussutissiaq 3-imi allassimapput.

Takussutissiaq 3. Putuliaq MQ-13-030-imit 34-mut qillerlugu putulianut nunap assingani sumiiffiit. WGS 84 UTM zone 22 Avannamut nunap assingani sumiiffiit atorneqarput. Qillerinerup sammivia gradinik ilumoortoq avannamut. Portussuseq immap qaavanit meterisut allanneqarpoq.

Putuliaq
Normu
UTM Kangimut*

(m)
UTM Avannamut*

(m)
Portussusaa

(m)
Takissusaa

(m)
Qillerinerup

sammivia

(sand)
Ammuinnarnera Siunnerfik
MQ-13-030 488025 7257448 649 98.00 343° -45° P-49
MQ-13-031 488082 7257461 649 116.00 340° -55° P-49
MQ-13-032 475094 7239992 303 221.00 145° -60° P-13-1
MQ-13-033 474922 7239898 325 150.00 320° -60° P-13-2
MQ-13-034 475384 7239742 304 173.00 325° -50° P-13-3

Qillerinermit immiussat aamma nunap assingi suli allat ingerlatseqatigiiffiup nittartagaani pissarsiarineqarsinnaapput uani http://www.northamericannickel.com/

Qillerummit qaqitanik misissueqqissaarnerup inerneri, pitsaassutsimik qulakkeeriniarnermi aamma pitsaassutsimik misissuinermi suleriaatsip ilaatut nalilersorneqarput, tassani misissueqqissaarnerup inernerisa eqqoqqissaassusaat toraaqqissaassusaallu aalajangerniarlugu ilaatinneqarlutik tamatigoortunik atuineq, malitassat aatsitassanut erlinnartunut nalinginnaasunullu ilisimaneqartunut akuersissummik allagartaqarfigineqartut, malitassat imaqanngitsut aamma nakkutiginninnermi iliuusissat. Qillerummit qaqitanik misissueqqissaarneq Sverige-mi Öjebyn eqqaanni ALS Scandinavia AS-imit suliarineqarpoq. Ujaqqani misissugassani ALS-imut tunniunneqartuni akuisa annertussusaat aalajangerniarlugu, nalilersueqqissaarnermut periaatsit pingasut atorneqarput. Taakkua tassaapput 1. Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-AES atorlugu naammassinera; 2. Au, Pt aamma Pd Fire assay misissugassami 30 gram-itut angissusilimmi ICP-AES atorlugu naammassinera; aamma 3. Ni-mik imaluunniit Cu-mik > 1,00%-imik akullit misissugassat ICP-AES atorlugu saffiugassap killissai qaffasinnerusut nassaariniarlugit misissueqqissaaqqinneq. Misissugassat > 0,50% S Leco aamma infrarød spektroskopi atorlugit nalilersoqqissaarneqaqqipput.

Kalaallit Nunaata kujataata kitaani Maniitsumi nikkelinut-kanngussannut-koboltinut & PGM-inut suliassamiippoq Kalaallit Nunaanni Norit Bælte (GNB), 75 kilometerisut takissuseqartoq aammalu 100%-imik North American Nickel-imit pigineqartoq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 23,9% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Mark Fedikow, Pisortaq, North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
Paasisaqarnerorusukkuit nalunaarfissaq:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4