TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel Inc.: Minnerpaamik 3.000 meterinik qillerinissanut pisussanut pilersaarut Maniitsumut pilersaarusiorneqarpoq. Siunnerfinnut qaffasissumik pingaartinneqartunut aamma VTEM innaallagiamit aqqutigiuminartut misileraavigineqanngitsut kiisalu sulfid-inik aatsitassannguussimasunut ammaannartunut qaffasissumik akuissuseqartunut siunnerfeqartinneqarpoq

March 20, 2013

Vancouver, British Columbia - (Marketwired – 20. marts 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) - North American Nickel-ip ("NAN") matumuuna nalunaarutigaa, Kalaallit Nunaata kujataata kitaani Maniitsumi Ni-Cu-Co-PGE-nut kisermaassisussaatitaalluni suliassami 100%-imik pigineqartumi, 2013-imi aasaanerani qillerinernik ingerlatsinissamut piareersarnerit Ingerlatseqatigiiffiup aallartikkai. Asimi suliaqarneq maajimi aallartissaaq, aammalu qillerinissat juunimi allartinneqassasut pilersaarutigineqarpoq. Minnerpaamik 3.000 meterit pilersaarutigineqarput.

Timmisartumik aamma qillerlugu putuliani EM atorlugu misissuinernit paasissutissat nalunaarsukkat 2012-imi katersorneqartut qanittumi pisuusaartitsivigineqarneranni, nalinginnaasuunngitsut immikkut sakkortussuseqartut marluk paasineqarput (Ilusiliaq 1). Nalinginnaasuunngitsut taakkua qaffasissumik pingaartinneqartutut isigineqarput, tassami idet opkoncentreret magmatisk nikkelit kanngussaat sulfid-it qaqqap anitsineraneersut katersuussimasut, amerlanertigut EM nalinginnaasuunngitsunik innaallagiamik aqqutigiuminartunik sakkortuunik pilersitsisarput.

Nalinginnaasuunngitsut innaallagiamik aqqutigiuminartut sakkortuut marluk taakkua tassaapput P-63, Kalaallit Nunaanni Norit Bælte-p (GNB) 75 km-isut takissuseqartup aamma 15 km-isut atitussuseqartup kujasissortaani misilerarneqartussani VTEM-imi siunnerfiusunut ilaasoq, aammalu Imiak Hill-imi, qupinernut annertuunut NAN-imit 2012-imi qupineqartunut uigguilluni inissisimasumi putuliaq uingasoq innaallagiamik aqqutigiuminartoq.

P-63 VTEM nalinginnaasuunngitsoq suliaqarfissami pilersaarusiorfigiuminarluinnartoq, GNB-ip kujasissortaata ilaani tinittarnermit taamaallaat 10 km-isut ungasissusilimmi inissisimasoq, tassaavoq norit nalinginnaasuunngitsoq misileraavigineqanngitsoq, norit intrusion 1,5 kmx0,9 km-isut angissuseqartup sinaa sinerlugu inissisimasoq (ilusiliaq 2). Taanna annertoorujussuarmik naatsorsorneqartumik 14.880 Siemens-itut qaffasissusilimmik innaallagiamik aqqutigiuminarluinnarpoq. Tamanna erseqqissarnialugu nalinginnaasuunngitsoq Imiak Hill-imi aamma Spotty Hill-imi aatsitassannguussimasut inaallagiamik aqqutigiuminassusaannut sanilliunneqarsinnaavoq, tassani NAN-ip 2012-imi Ni + Cu ± Co ± PGM-inik aatsitassannguussimasut qupisimallugit:

  • Imiak Hill-imi VTEM nalinginnaasuunngitsut 3895 Siemens-inik innaallagiamik aqqutigiuminarput, aammalu NAN-ip qillerlugu putuliaata MQ-12-002-ip, 66,08 meterit (m) @ 0,55% Ni, 0,2% Cu & 0,02% Co utertippai, ilanngullugit 14,18 m @ 1,33% Ni, 0,38% Cu aamma 55,90-imiit 0,04% Co.
  • Spotty Hill-imi VTEM nalinginnaasuunngitsut 634 Siemens-inik innaallagiamik aqqutigiuminarput aammalu NAN-ip qillerlugu putuliaani MQ-12-005-imi, 123,94 meterit: 0,81%-inik Ni-taqartut, 0,21%-inik Cu-taqartut, 0,03%-inik Co-taqartut & ton-imi ataatsimi 0,26 gramminik Pt-taqartut + Pd-taqartut + kuultitaqartut (Au) toraarneqarput. Ilanngullugit: 24,20 m @ 1,75% Ni, 0,34% Cu, 0,06% Co & 0,52 g/t Pt + Pd + Au.

P-63 nalinginnaasuunngitsoq avannamut-kujammuinnaq timmisartumik narlumuinnarlugu appasissumi teqeqqorissumut sammivoq, taanna narlumuinnaq ungasingaatsiartumut timmisartumik qulaavaaneqarluni (200 m). Pisuusaartitsinerup Denver-imi Condor Consulting-imit suliarineqartup paasinarsisippaa nalinginnaasuunngitsoq nunap qaavata ataani 73 meterini annertunerusoq, 14 meterisut issussuseqartoq, aallaqqaammut 58 meterinik isorartussuseqartoq aammalu avannamut kimmuinnaq 1.057 meterit sinnerlugit uingasumik ingerlaarluni.

Qillerinerup immikkoortuata siulliup naammassereernerata kingorna, Imiak Hill-imi aamma Spotty Hill-imi qillerineq killissalersuiffiusussaq ingerlateqqinniarlugu, qillerut nuunneqassaaq.

  • Imiak Hill; qillerinerit itissutsimut ingerlaannassapput.

Allarniutaasumik qillerinerit EM nalinginnaasuunngitsumut ammorluinnaq qillerlugu putuliami innaallagiamik sakkortuumik aqqutigiuminartumut, putuliaq MQ-12-003-imi, NAN-imit 2012-imi qillerneqartumi paasineqartumut sammitinneqassapput (ilusiliaq 3). MQ-12-003, MQ-12-002-imi aatsitassannguussimasut ingerlaqqinnerisa misileraavigineqarnissaannut qillerneqarpoq (matuma siuliani nassuiarneqartoq). Putuliami itissutsimi siunnerfiusumi amfibolit aatsitassartaqanngitsut qupineqarput. Isumaqartoqarpoq amfibolit tassaasoq qaarsoq annertoorujussuaq (tassaniittussaanngitsoq) Imiak Hill norit intrusion-imi nikissinnaanngitsoq. MQ-12-003-imi 3D-imik qillerlugu putuliami elektromagnetiskimik (BHEM) misissuinermi, putuliap kujatinnguani nalinginnaasuunngitsoq sakkortuumik innaallagiamik aqqutigiuminartoq ammuinnaq uingasumiittoq nalunaarsorneqarpoq. 2013 Imiak-imi 2013-imi qillerinermi pisussanut pilersaarummi nalinginnaasuunngitsoq taanna misilerarlugu aallartittoqassaaq, tamatumalu kingorna aatsitassannguussimarpasittuni 25 - 50 meterit suli allat ingerlaqqiffigineqassallutik.

  • Spotty Hill; Aatsitassannguussimasut ingerlaqqiffianni qillerinerit.

Aallarniutaasumik qillerinerit putuliamit MQ-12-005-imit 25 - 50 meterinik itissusaa annertusisarlugu aallartissapput (Ilusiliaq 3). Sulfid-inik aatsitassannguussimasut innaallagiamik aqqutigiuminartut itinerusumut malersorlugit putuliat ataasiakkaat tamarmik 3D-imik qillerlugu putuliami elektromagnetiskimik (BHEM) misissuinerit atorlugit misissorneqassapput. Maannakkorpiaq aatsitassannguussimasut taamaallaat nunap qaavaniit 145 meterinut qillerneqarput aammalu itissutsimi ammaannarlutik.

Ilusiliaq 1, 2 aamma 3, tusagassiuutitigut nalunaarummut matumunnga ilaatinneqartut takuniarlugit linki una atoruk: http://media3.marketwire.com/docs/nan320i.pdf

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

WIC Sudbury-miit kujammut kangimut 13 km-nik ungasissusilimmik inissisimavoq, taavalu Trans-Canadisk aqqusinersuarmit Wanapitei eqqaaniittumit 1 km kujammut inissisimalluni. 5,6x2,4 km-mik isorartussusilik mafisk intrusioneq avannaq kangisik-kujammut kippasimmut sammivilik, akoralugit nikkel-kanngussak-PGE aatsitassannguunnikoq gabbro-norit aamma gabbro “Injektion Breccia Zone”.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4