TSX-V: nan $0,20 +$0,00 +0% Volume: 2.000 October 21, 2020

Navigation

North American Nickel Inc.: Sulfid-inik aatsitassannguussimasut manngivinngitsut aamma manngertut ersarissumik malunnartut qupisinermi takuneqarput

August 23, 2013

Vancouver, British Columbia - (Marketwired – 23. august 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa, diamantimik qillerlugu putuliami MQ-13-026-imi sulfid-inik aatsitassannguussimasut 18,62 meterinik takissuseqartut, agguaqatigiissillugu 40 - 45%-it missaanni sulfid-itaqartut qupineqartut, ilanngullugit immikkoortut arlalissuit Maniitsumi suliassami Imiak Hill-imi sumiiffimmi nikkelinik-kanngussannik-kobolt-inik peqartumi ujaqqani noritiskiusuni 65% - 80%-inik sulfid-itaqartut. (takuuk MQ-13-026 takussutissiaq). Taanna 2013-imi Imiak Hill-imi qillerneqartuni sulfid-ini qupisiffiusuni pingasuusuni itinerpaamiippoq, tamarmillu nalunaarummi matumani nassuiarneqarput. Qillerummit qaqitat immiunneqarput, affaannanngorlugit pilattorneqarlutik aammalu Sverige-mi ALS Chemex-imut misissoqqissaagassanngorlugit nassiunneqarlutik. Putulianut pingasuusunut taakkununnga tamaginnut misissueqqissaarnerup inerneri naammassingajalerput, aammalu qillerinissat suli allat pilersaarutigineqarput.

Ilusiliaq 1 assilisaavoq annertuumik ersarissunngortinneqarsinnaasoq, MQ-13-026-imi manngivinngitsunit manngertunut sulfid-inik akuliussimasunik akoqartumi 18,62 meterisut takissusilimmik qupineqartumik tamarmiusumik takutitsisoq

NAN-imi COO, Neil Richardson, oqarpoq: "Qillerlugu putuliaq MQ 13-026 ulloq manna tikillugu annertuumik sulfid-inik aatsitassannguussimasunik akoqartuni qupisinerni pitsaanerpaasoq nalunaarutigisinnaagatsigu nuannaarutigaarput aammalu BHEM atorlugu misissuinitsinni takutinneqarpoq Imiak Hill suli ammuinnaq ammaannartoq. Sulfid-inik aatsitassannguussimasut annertussusaat putuliani taakkunani pingasuni paasineqartoq, nalunaarummi matumani innersuussutigineqartoq, itineruleriartornerani annertusiartortoq maluginiassallugu aamma pingaaruteqarpoq. taamaalilluni nikkeleqarfiit amerlanerit mafiske intrusion-ini imaluunniit taakkua naqqanni takussaasartut nalinginnaasumik ilisimaneqarpoq, taamaattumik Imiak Hill-imi norit intrusion-ip naqqata tungaanut qaffasissumik akuissusilimmik aatsitassannguussimasut suli malersoqqinniarpavut, suli allanik qillerilluta aammalu qillerlugu putuliat geofysik-iinik misissuilluta."

Qillerlugu putuliaq MQ-13-026-imi sulfidit manngivinngitsut manngertullu arlalippassuarnik immikkoortoqartut, sulfidinik ataatsimut katillugit 65-80%-inik akoqartut, qupineqarput. Qupineqartut nassuiaataat takussutissiami matuma kingulianiittumi takutinneqarput:

MQ-13-026 sulfidit qupineqartut

Uuminnga (m) Uunga (m) Takissusaa (m) Nassuiaat
156.70 157.16 0.46 Norit, aatsitassannguulluarsimasoq, sulfid 25%
157.16 161.17 4.01 Norit, sulfid manngivinngitsut, sulfid 75%
161.17 162.10 0.93 Norit, aatsitassannguulluarsimasoq, sulfid 20%
162.10 162.53 0.43 Norit, sulfid manngivinngitsut, sulfid 75%
162.53 164.00 1.47 Norit
164.00 164.42 0.42 Norit, sulfid manngivinngitsut, sulfid 85%
164.42 165.20 0.78 Norit, aatsitassannguulluarsimasoq, sulfid 30% /td>
165.20 165.94 0.74 Norit, sulfid manngivinngitsut, sulfid 85%
165.94 166.97 1.03 Norit, sulfid 2-3%
166.97 167.62 0.65 Norit, sulfid manngivinngitsut, sulfid 70%
167.62 168.00 0.38 Norit
168.00 168.20 0.20 Norit, sulfid manngivinngitsut, sulfid 70%
168.20 168.77 0.57 Norit, aatsitassannguulluarsimasoq, sulfid 40%
168.77 172.07 3.30 Norit, sulfid manngivinngitsut, sulfid 75%
172.07 172.61 0.54 Norit
172.61 175.32 2.71 Norit, sulfid manngivinngitsut, sulfid 70%

Malugiuk: Sulfid-inik missiliuinerit takuneqarsinnaasut aamma tusagassiuutitigut nalunaarummi matumani nassuiaatit, saffiugassat akuusut akuissusaannik naatsorsuinermut atorneqarsinnaanngillat, tamannalu taamaallaat misissueqqissaarnerni aalajangerneqarsinnaavoq. Aatsitassat procentinngorneri oqimaassusaannuunngitsoq akoqassusaannut tunngatinneqarput.

MQ-13-026 qupinera nunap qaavata ataani 142-159 meterini ammuinnartuuvoq, aammalu maannakkorpiaq Imiak eqqaani itinersaalluni, tamatumalu paasinarsisippaa ujaqqani noritiskiusuni sulfid-inik aatsitassannguussimasut annertussusaat itisiartornera malillugu annertusiartortoq. Putuliaq qillerlugu putuliami pingasunik atortoqartumik EM (BHEM) periaaseq atorlugu misissorneqarpoq, aammalu aatsitassannguussimasut sakkortoorujussuarmik uingasumik nalinginnaasuunngitsumik pilersitsipput. Crone Geophysics-ip aamma Exploration Ltd.-ip tamanna, aatsitassannguussimasut ammuinnaq ingerlaqqinnerannut takussutissatut, nassuiarpaat.

North American Nickel-ip maannakkut Imiak Hill-imi sumiiffiit pingasut imminnut qanittut, avannamuinnartut, kujammuinnaq ammukariartuaartut, aatsitassannguussimasortaqartut killissalersorpai. Kangianiit kimmuinnaq sumiiffiit maannamuugallartoq, nunap assingani ilanngunneqartumi takutinneqartutut taaguuserneqarput 10, 20 aamma 30 (ilusiliaq 2). MQ-13-026-imi aatsitassannguussimasut sumiiffik 30-imiittunut assigupput. Imiak Hill-ikkoortumik takissusaani ikiarnera, ulloq manna angullugu qupisinernut ataatsimoortillugu ilanngunneqarpoq (ilusiliaq 3).

Sulfid-it ilusaat, soorlu MQ-13-026-imi sulfid-it akoqartut manngertut aamma manngivinngitsut, Imiak-mi qillerlugu putuliani (MQ-12-001 aamma MQ-12-002) 2012-imeersuni aatsitassannguussimasut takuneqartut assigaat; kisianni MQ-13-026-imi sulfid-it imaqqortussusaat annertunerujussuuvoq.

Qillerlugu putuliami MQ-13-024 sulfid-nut manngivinngitsunut annertuumik aatsitassannguussimasumut 14,15 meterinik akuttussuseqartut qupineqarput, MQ-13-026-imit 36 meterit missaannik qaffasinnerusumi sulfidit tamarmiusut agguaqatigiissillugu 30-35%-iusut ilimagineqarluni. Qupisineq taanna aamma sumiiffik 30-imut assiguvoq. Putuliaq Crone 3D BHEM-imi periaaseq atorlugu misissorneqarpoq, aammalu nalinginnaasuunngitsut taassuminnga nassuiarneqartut qillerinerni takutinneqartutut sumiiffik 30-imut tulluarluinnarput.

MQ-13-024 sulfidit qupineqartut

Uuminnga (m) Uunga (m) Takissusaa (m) Nassuiaat
136.75 141.98 5.23 Norit, annertuumik aatsitassannguussimasut sulfid 50%
141.98 145.61 3.63 Norit
145.61 146.53 0.92 Norit annertuumik aatsitassannguussimasut sulfid 30-40%
146.53 148.15 1.62 Norit
148.15 150.90 2.75 Norit, annertuumik aatsitassannguussimasut sulfid 50-60%
150.90 153.31 2.41 Norit, sulfid 2-3%

Malugiuk: Sulfid-inik missiliuinerit takuneqarsinnaasut aamma tusagassiuutitigut nalunaarummi matumani nassuiaatit, saffiugassat akuusut akuissusaannik naatsorsuinermut atorneqarsinnaanngillat, tamannalu taamaallaat misissueqqissaarnerni aalajangerneqarsinnaavoq. Aatsitassat procentinngorneri oqimaassusaannuunngitsoq akoqassusaannut tunngatinneqarput.

Qillerlugu putuliaq MQ-13-019, MQ-13-024-imit 30 meterinit qaffasinnerusumi aammalu MQ-13-026-imit 66 meterinik qaffasinnerusumi inissisimavoq, aammalu 10,75 meterit sulfid-inik aatsitassannguussimasut, aamma sumiiffimmut 30-imut atassuteqartut, qupineqarlutik. Aatsitassannguussimasut taakkua qanoq issutsimikkut siammarsimanerupput. Putuliaq Crone BHEM sakkugalugu misissorneqarpoq, aammalu putuliamiinngitsoq nalinginnaasuunngitsoq sakkortooq putuliap ataani aamma kujataani paasineqarpoq.

MQ-13-019 sulfidit qupineqartut

Uuminnga (m) Uunga (m) Takissusaa (m) Nassuiaat
118.09 118.93 0.84 Norit,10-15% sulfid
118.93 120.52 1.59 Norit, 20-25% sulfid
120.52 121.65 1.13 90% sulfid, 10% norit aqqutaa
121.65 128.84 7.19 Norit, 5% sulfid ataatsimoortuni manngersuni mikisuni

Malugiuk: Sulfid-inik missiliuinerit takuneqarsinnaasut aamma tusagassiuutitigut nalunaarummi matumani nassuiaatit, saffiugassat akuusut akuissusaannik naatsorsuinermut atorneqarsinnaanngillat, tamannalu taamaallaat misissueqqissaarnerni aalajangerneqarsinnaavoq. Aatsitassat procentinngorneri oqimaassusaannuunngitsoq akoqassusaannut tunngatinneqarput.

Naggasiutigalugu inerniliissutigineqarsinnaavoq Imiak-mi aatsitassannguussimasut itissutsimi ammaannartut, aammalu ujarassiuut suleqatigiit ilusiliamik inerisaaginnassapput, tassanilu maannakkorpiaq minnerpaamik sumiiffiit pingasut aatsitassartaqartut ilaatinneqarput. Qillerinerup kingulliup paasinarsisippaa aatsitassannguussimasut itineruleriartuaarnerani annertusiartortut, tamatumanilu putuliaanngitsuni BHEM atorlugu misissuinermi nalinginnaasuunngitsut sakkortuut takuneqarsinnaapput.

2013-imi asimi pisussanut pilersaarut juunip naanerani aallartinneqarmalli, NAN-i Maniitsup eqqaani putulianik 27-inik katillugit 3.037 meterinik qillerisimavoq. Qillerinerit ingerlaqqissapput.

Imiak eqqaani ingerlatseqatigiiffiup qillerlugu putuliaannut tamaginnut qillerlugu putuliat nunap assingani sumiiffii matuma kinguliani takussutissiami takuneqarsinnaapput.

Putuliap
Normua
Kangimut
(m) *
Avannamut
(m)*
Portussusaa(moh)
(moh)
Qillerinerup
sammivia
(°)
AMMUINNARNERA

(°)
Takissusaa

(m)
MQ-12-001 477455 7257225 546 275 -45 106.07
MQ-12-002 477455 7257225 546 275 -70 173.12
MQ-12-003 477485 7257186 543 275 -73 292
MQ-12-004 477459 7257260 540 275 -45 95.4
MQ-13-019 477484 7257189 546 275 -55 176
MQ-13-020 477490 7257141 532 275 -62 209
MQ-13-023 477484 7257215 547 275 -59 188
MQ-13-024 477497 7257174 547 275 -59 197
MQ-13-025 477475 7257235 545 269 -45 122
MQ-13-026 477490 7257141 532 295 -65 215
* WGS84 UTM Zone 22N

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Rick Mark, CEO aamma Siulersuisuni ilaasortaq

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Ilusilersugaq 1-miik 3-mut uani nassaarisinnaavatit: http://media3.marketwire.com/docs/NAN_Figures_0822.pdf

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4