TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel Inc.-ip Ingerlatseqatigiiffiup 7,05 mCAD-inik namminersortumik ingerlanneqartumik aningaasanik nuussinerup immikkoortuata aappaa matuaa

June 19, 2013

Vancouver, British Columbia - (Marketwired - 19. juni 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa, namminersortumit ingerlanneqartumik aningaasanik nuussinerup siusinnerusukkut nalunaarutigineqartup immikkoortuata aappaa kingullerlu Ingerlatseqatigiiffiup ullumi matugaa (takukkit tusagassiuutitigut nalunaarutit 17. april-imeersoq aamma 22. april 2013-imeersoq). Ilanngaasiinnginnermi iluanaarutit CAD 2.595.752-inik annertussuseqartut aktianik tunisinerup iluarsisap immikkoortuata aappaa naapertorlugu aktianik 15.269.131-inik tunisinikkut pissarsiarineqarput.

17. april aamma 22. april, 2013 nalunaarutigineqartutut aammalu Multilaterale Instrument 61-101, "aningaasanik nuussinerni immikkuullarissuni aktiaatilinnik ikinnerussuteqartunik illersuineq," tunngatillugu, aktianik 15.269.131-inik CAD 2.595.752.27-inik ilanngaasiinnginnermi iluanaaruteqarfiusumik matusinissaq, Ingerlatseqatigiiffiup nalinginnaasumik aamma immikkut ittumik ataatsimeersuarnerani 13. juni 2013 ingerlanneqartumi oqaluuserisassanut ilanngunneqarpoq. Ataatsimiinnermi tassani Ingerlatseqatigiiffimmi aktiaatillit ikinnerussuteqartut, aktiaatilinnit pingaarnernit Sentient Group-imit aamma VMS Ventures Inc-imit aningaasalersuinerup immikkoortuata aappaa, akueraat.

Aktiat ataasiakkaat tamarmik tassaassapput Ingerlatseqatigiiffimmi aktia nalinginnaasoq ataaseq aamma aktiamik nalinginnaasumik pisinissamut salliusussaatitaanerup affaa. Salliusussaatitaanerit iluitsut tamarmik aktiamik nalinginnaasumik aktia ataaseq CAD 0,21-inik naleqartillugu pisinissamik, piffissami ulloq tunniunneqarfianit qaammatini 24-ini atorneqarsinnaasumik pisinnaatitaaffiliisarput.

Pappiaqqat nalillit tamarmik aktianik tunisinerup iluarsisap immikoortuata aappaa naapertorlugu tunineqartut, piffissami aalajangersimasumi uninngatinneqartussaapput, aammalu 19. oktober 2013 tikillugu niuerutigeqqusaanatik.

Sentient Executive GP IV, Limited ("Sentient") aningaasalersuinermi katillugit aktianik 16.552.399-inik pisivoq. Sentient, suliffeqarfimmi ilisimannittunut ilaasoq aammalu Ingerlatseqatigiiffimmut qanimut atasuusoq, maannakkut Ingerlatseqatigiiffimmi aktianik nalinginnaasunik 36.552.399-inik piginnittuulerpoq aalajangiisuusumillu nakkutiginnittuulerluni (imaluunniit aktiaatit nalinginnaasut tunineqartut aamma tunineqanngitsut 29,9%-iisa missaanni). Sentient aamma Ingerlatseqatigiiffimmi aktiaatinik 18.276.199-inik suli allanik pisinissamut salliusussaatitaavoq.

VMS Ventures Inc. ("VMS") aningaasalersuinermi katillugit aktianik 11.764.704-inik pisivoq. VMS, suliffeqarfimmi ilisimannittunut ilaasoq aammalu Ingerlatseqatigiiffimmut qanimut atasuusoq, maannakkut Ingerlatseqatigiiffimmi aktianik nalinginnaasunik 33.589.704-inik piginnittuulerpoq aalajangiisuusumillu nakkutiginnittuulerluni (imaluunniit aktiaatit nalinginnaasut tunineqartut aamma tunineqanngitsut 27,5%-iisa missaanni). VMS aamma Ingerlatseqatigiiffimmi aktiaatinik 5.882.352-inik suli allanik pisinissamut salliusussaatitaavoq.

Aningaasalersuinermi taassuminnga iluanaarutit, Kalaallit Nunaata kujataata kitaani Maniitsumi Ni-Cu-Co-PGE-nut suliassami suliaqarfissami pilersaarusiorfigiuminarluinnartumi Ingerlatseqatigiiffiup 2013-imi aatsitassarsiorluni misissuineranut aamma qillerinermi pisussanut pilersaarummut aammalu nalinginnaasumik ingerlatsinermi aningaasaatinut atorneqassapput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4